ITGELRADIO

Тэгэхэд би тэдэнд хариулан —Тэнгэрийн Бурхан бидэнд амжилтыг өгнө. Тиймээс Түүний зарц нар бид босоцгоон барих болно. Харин та нар Иерусалимыг босгосны дараа ямар нэг хувь, эрх эсвэл дурсагдах зүйл хайсан ч та нарт юу ч ногдохгүй гэж хэлэв. Нехемиа 2:20

#ХермоныШүүдэр өглөөний хөтөлбөр #ИтгэлРадиоҮйлчлэл #ИтгэлҮйлчлэл

Тэгэхэд хаан надад —Чи юу гуймаар байна? гэв. Тиймээс би тэнгэрийн Бурханд залбирлаа. Нехемиа 2:4

#ХермоныШүүдэр өглөөний хөтөлбөр #ИтгэлРадиоҮйлчлэл #ИтгэлҮйлчлэл

Эхлэл 3-р бүлэгт Бурхан Адамыг “Чи хаана байна?” хэмээн дуудсан тухай өгүүлсэн байдаг. Хариуд нь Адам Бурханд “Би Таны чимээг цэцэрлэг дотор сонсоод, нүцгэн учир айж нуугдсан юм” гэж хэлсэн байдаг. Тэр цагаас хойш хүн төрөлхтний амьдралд айдас түгшүүр орж ирсэн.

Тэгвэл Др.Стэнли өнөөдөр бидэнд Христэд итгэгчид бид айдас түгшүүрт хүлэгдэн амьдрах шаардлагагүй гэдгийг чухалчлан сануулж байна. Учир нь биднийг айдаст автсан үед Бурхан Өөрөө бидний хүч чадал болох болно гэж амласан юм.

Ингээд хамтдаа Исаиа 41-р бүлгийг гаргаж биднийг айдас түгшүүрээ ялан дийлэхэд туслах гайхамшигтай үгсийг хүлээн авцгаая. Хамтдаа Др.Стэнлийн ярианд анхаарлаа хандуулцгаая.

“Хая” гэсэн энэ үг нь загасны дэгээгээ усанд шидээд удалгүй буцааж татдагтай адил зүйл биш. Харин бүх зовнил, асуудлаа Бурханд бүр мөсөн өгнө гэсэн үг. Өөрөөр хэлбэл, залбирлаараа асуудлаа Бурханд өгчхөөд, залбирч дуусаад эргээд өөрөө дахин үүрч эхлэх биш, харин Түүнд бүрэн даатгаад орхихыг хэлдэг.

Хэрвээ та Христэд итгэгч хүн бол, тэгээд та ганцаардалтайгаа тэмцэж байгаа бол би танд нэг зүйлийг чухалчлан хэлмээр байна. Та яг одоо юу байхгүй байна вэ гэдэгт биш харин танд юу байна вэ гэдэгт анхаарлаа хандуулаарай. Учир нь Христэд итгэгч хүн бүрийн хувьд Бурхан Өөрөө хамгийн ойр дотнын найз нь болдог. Тэр бидэнтэй хэн хүнээс илүү ойр дотно байж чаддаг. Хамгийн гол нь Бурхан Эцэгтэйгээ хэр ойр дотно байх вэ гэдэг нь биднээс өөрсдөө шалтгаалдаг юм.

Элч Паул бэрхшээл, зовлонг өөрийн биеэр туулсан хүний хувьд бидэнд: Найдвар дор баярла, зовлон дор тэвчээртэй бай, залбиралд өөрсдийгөө зориул гэж зөвлөсөн.

Библийн Эхлэл номын 1-р бүлэгт бүтээлийн талаар өгүүлсэн байдаг. Бурхан нар, сар, дэлхий, хуурай газар, ус, ургамал амьтныг бүгдийг нь оргүй хоосноос бүтээсэн. Тэгээд тэр бүтээлүүдээ харахдаа Бурхан “сайн болжээ” гэж магтсан байдаг. Харин ганцхан удаа Бурхан “сайн биш” гэж хэлсэн нь Адамтай холбоотой юм. Эхлэл 2:18-г үзвэл “Хүн ганцаараа байх нь сайн биш” гэж Бурхан айлдсан. Харамсалтай нь өнөөдөр ганцаардалд автсан хүмүүс маш олон байна. Хэрвээ та тэдгээр ганцаардсан хүмүүсийн нэг бол өнөөдрийн нэвтрүүлгийг анхааралтай сонсоорой. Др.Стэнли өнөөдөр бидэнтэй “ГАНЦААРДСАН ҮЕДЭЭ” хаанаас хүч чадал, урам зоригийг авах вэ гэдгийг хэлж өгөх болно. Ингээд Др.Стэнлийг угтан авцгаая.

Та хэн нэгний төлөө залбирч байна уу? Бүү шантраарай. Матай 7:7 дээр “Гуй, тэгвэл та нарт өгөгдөнө” гэсэн байдаг. Залбирлын хүчээр дамжуулан Жонийн зүрх сэтгэл нээгдсэн шиг таны чин сэтгэлийн залбирлаар дамжуулан танаар залбируулж буй хүний зүрх сэтгэл ч бас нээгдэх болно.

Амьдралд асуудал, хүнд хэцүү зүйлс тулгарах үед бид ихэвчлэн “Тэмцэлдэхээ больж Бурхан гэдгийг минь мэд” гэсэн Дуулал 46:10 эшлэлийг эш татдаг. Гэхдээ энэ эшлэлийн жинхэнэ утга юу вэ? Амьдралын хүнд хэцүү цаг үедээ энэ эшлэлийг хэрхэн хэрэгжүүлэх вэ?

Бид бүгд амьдралдаа эрт орой хэзээ нэгэн цагт хүнд хэцүү асуудалтай нүүр тулдаг. Гэвч хүнд хэцүү асуудлын өмнө гаргах бидний хариу үйлдэл харилцан адилгүй байдаг. Бидний зарим нь зовлон бэрхшээлээсээ болоод Бурханд итгэх итгэлээ орхидог бол харин заримынх нь итгэл улам батжиж, Бурханд улам илүү хайртай болдог. Өөрөөр хэлбэл нэг адилхан зовлон бэрхшээл бидний итгэлийн амьдралд харилцан адилгүй үр дагаврыг авчрах боломжтой байх нь.