ITGELRADIO

Олон хүн Библийг зүгээр нэг түүхийн ном мэт авч үздэг. Тиймээс ч тэд Библид ямар ч онцгой содон зүйл байхгүй гэж үздэг. Зарим хүмүүс Библийг уншихад сонирхолтой ч тэр чигээрээ хүний санаанаас зохиосон зохиол гэж үздэг. Тэгвэл ийм бодолтой байдаг хүмүүсийн үзэл бодлыг засаж залруулахын тулд Др.Стэнли өнөөдөр бидэнд Библи нь хүний зохиосон түүх эсвэл үлгэр домог биш харин Бурханы үг мөн болохыг тайлбарлан өгүүлэх болно.

Угтаа бол Библи нь бүхэлдээ Бурханы гайхамшигтай үнэн бөгөөд үнэн зөвийг тодорхойлох хэм хэмжээ болж өгдөг. Цаашилбал энэ нь бидний амьдралыг удирдан дагуулах мэргэн удирдамж болдог бөгөөд бид хэрхэн аврагдаж, Бурхантай хэрхэн харилцахыг олж мэдэж болох цорын ганц үнэн зөв эх сурвалж юм. Тиймээс ч “Библи бол гарцаагүй Бурханы амьд үг мөн” хэмээн Др.Стэнли тунхаглаж байна. Ингээд хамтдаа бид Библид бүрэн итгэж болох шалтгаануудыг үргэлжлүүлэн олж мэдэцгээе.

Олон хүн Библийг ойлгодоггүй учраас уншдаггүй гэж хэлдэг. Гэхдээ энэ бол хүндэтгэх шалтгаан биш юм.

Библид ариусгал, зөвтгөл, золилт гэх мэт нарийн төвөгтэй ойлголтууд гардаг нь үнэн. Гэхдээ эдгээр зүйлсийг ойлгоход амаргүй гэдэг нь бид Библиэс зайлсхийх шалтгаан биш юм. Харин ч Библийн үнэнийг ойлгоход бидэнд тустай маш олон арга замуудыг Бурхан бидэнд өгсөн. Түүгээр зогсохгүй тэр бүхнийг ойлгоход туслах мэргэн ухааныг хүртэл Бурхан бидэнд амласан байдаг.

Хэдийгээр Библийн тайлбар толь, Библийн тайлбар хичээлүүд болон компьютерын программаар дамжуулаад бид Библиэс маш олон зүйлийг сурч болох ч юуны түрүүнд Библид бичигдсэн үнэн бидний амьдралд амин чухал гэдгийг ойлгож, үүнд итгэл үнэмшилтэй болох нь хамгийн чухал юм. Тиймээс ч Библийн үгс бидэнд ямар ач тустай болохыг Др.Стэнли бидэнд өнөөдөр дахин нэг удаа сануулах болно. Хамтдаа Др.Стэнлийг угтан авцгаая.

Бурхан биднийг Өөрийг нь таньж мэдээсэй, Өөрт нь тааламжтай амьдралаар амьдраасай гэж хүсдэг. Христэд итгэгчид бид ч бас үүнийг адилхан хүсдэг. Гэхдээ харамсалтай нь итгэгчид бид Эзэн Бурханаа тэр бүр таньж мэдэж чаддаггүй. Бурхан биднээс юу хүсдэг болохыг ч төдийлөн ойлгож чаддаггүй. Харин бидний аз болоход Бурхан Өөрийн зан чанарыг болон бидний амьдралд хандсан Өөрийн заавар зөвлөгөөнүүдийг Өөрийн үг болох Библид маш тодорхой бичиж өгсөн байна.

Тэгвэл Др.Чарльз Стэнли өнөөдөр бидэнд Бурханы үг болох Библийг хэрхэн ойлгож, Библийг ашиг тусыг амьдралдаа хэрхэн хүртэх вэ гэдгийг хэлж өгөх болно. Библи бидэнд хэрхэн мөнхийн амийг авах вэ гэдгийг хэлж өгөөд зогсохгүй санхүү мөнгөө хэрхэн захиран зарцуулах, зовлон бэрхшээл дунд хэрхэн амар тайван байх, бурханлаг үр хүүхдүүдийг хэрхэн өсгөж хүмүүжүүлэх гэх мэт амьдралын олон чухал заавар зөвлөгөөнүүдийг өгсөн байдаг. Тэгвэл Библид бичигдсэн тэр бүх гайхамшигтай зарчмуудыг хэрхэн олж мэдэж, хэрхэн амьдралдаа хэрэгжүүлэхийг та мэдэх үү? Хэрвээ үгүй бол Др.Чарльз Стэнли танд Библийн ач тусыг амьдралдаа хэрхэн хүртэх вэ? гэдгийг хэлж өгөх болно. Ингээд хамтдаа Библийн ач тусыг бидэнд мэдрүүлэх 6 чухал алхамд суралцацгаая.

Заримдаа санаа зовнилд автах үе танд гардаг уу? Хэрвээ тийм бол санаа зовнил нь Бурханаас бидэнд бэлдсэн тэрхүү баяр хөөр, сэтгэл хангалуун байдлыг хулгайлдаг аюултай хулгайч гэдгийг бид ойлгох хэрэгтэй юм. Гэхдээ бидний аз болоход санаа зовнилоос ангижирч, Бурханы амар тайвныг хүлээн авах арга замыг Библи бидэнд зааж өгсөн байна.

Тиймээс хэрвээ таны амьдрал санаа зовнил, тодорхойгүй нөхцөл байдал, айдас түгшүүрээр дүүрэн байгаа бол энэ цагт Бурханы үг рүү анхаарлаа хандуулаарай. Др.Стэнли бидэнтэй “СЭТГЭЛ ХАНГАЛУУН АМЬДРАЛЫН НУУЦЫГ” нээх болно.

Та Бурхантай хувьчилсан, ойр дотно харилцааг бий болгож чадсан уу? Энэ бол итгэгч бидний итгэлийн амьдралд амин чухал асуудал юм. Учир нь бид Бурханыг болон Түүний бидэнд хангаж өгсөн бүхнийг таньж мэдэхгүй юм бол айдас түгшүүртэйгээ ноцолдсоор байх болно. Харин бид Бурхан хэн бэ гэдгийг болон Христийн дотор бид хэн юм бэ гэдгийг ойлгож ухаарах үедээ жинхэнэ сэтгэл хангалуун байдлыг мэдэрдэг.

Үнэндээ Бурхан биднийг санаа зовнилд автан амьдраасай гэж хүсдэггүй. Харин ч биднийг амар тайван амьдраасай гэж хүсдэг. Тиймээс биднийг санаа зовнилоо ялан дийлж, Бурханаас бидэнд өгсөн амар тайвныг хүлээн авахад маань туслахын тулд Др.Стэнли бидэнд зарим нэгэн практик зөвлөгөөг өгөхөөр бэлдсэн байна. Ингээд хамтдаа Др.Стэнлийг угтан авцгаая.

Тэнгэрийн доорх бүх зүйлд тогтоогдсон цаг, бүх явдалд хугацаа буй. Номлогчийн үгс 3:1

#ХермоныШүүдэр өглөөний хөтөлбөр #ИтгэлРадиоҮйлчлэл

Эзэний боол мөргөлдөөнд оролцох ёсгүй. Харин бүгдэд эелдэг зөөлөн, заах чадвартай, тэвчээртэй байж...

2Тимот 2:24

#ХермоныШүүдэр өглөөний хөтөлбөр #ИтгэлРадиоҮйлчлэл

Түүгээр ч барахгүй мөн зовлонтойдоо баярладаг. Учир нь зовлон нь тэвчээрийг, тэвчээр нь батжилыг, батжил нь найдварыг төрүүлдгийг мэднэ. Ром 5:3-4

#ХермоныШүүдэр өглөөний хөтөлбөр #ИтгэлРадиоҮйлчлэл

Гэвч бүх юм зохистой, эмх журамтай байг. 1Коринт 14:40

#ХермоныШүүдэр өглөөний хөтөлбөр #ИтгэлРадиоҮйлчлэл

Бурханы мэдлэгийн эсрэг босогч алив бардамналыг устгаж, бодол бүрийг Христийн дуулгаварт олзолдог. 2Коринт 10:5

#ХермоныШүүдэр өглөөний хөтөлбөр #ИтгэлРадиоҮйлчлэл