Aðlögun í kjölfar æfinga eða þjálfunar ákvarðast af blöndu mismunandi þátta, en þar má nefna lengd, ákefð og tegund æfinga ásamt því hversu oft við æfum. En mikilvægur þáttur sem spilar þarna inní jöfnuna er magn og gæði næringar.

Með aukinni tilkomu rannsókna á sviði íþróttanæringar er alltaf að koma betur í ljós hversu mikil áhrif næringarinntaka getur haft á þjálfunaraðlögun – og þá annaðhvort aukið hana eða dregið úr henni.

Ýmsar aðferðir til að hámarka þjálfunaraðlögun hafa verið rannsakaðar innan fræðasamfélagsins og munum við fara yfir þær helstu í þessum þætti - koma inná hvað þarf að hafa í huga við framkvæmd ásamt því að vega og meta kosti og galla.

Ef þú stundar þína íþrótt af kappi og ert tilbúin/n/ð til að taka þína íþróttanæringu uppá næsta level geturðu lesið meira um okkar þjónustu inná www.nutreleat.is 

Vonum að þú njótir!

-Nutreleat teymið.

Í þessum þætti förum við aðeins yfir okkar bakgrunn, reynslu og menntun ásamt því að skyggnast aðeins inní strúktúrinn í kringum íþróttafólk erlendis, og þá kannski sérstaklega í Englandi.

Einnig förum við aðeins yfir hlutverk íþróttanæringarfræðinga, hvernig við vinnum, markmið okkar með starfinu og okkar stóra mission hér heima þegar kemur að íþróttanæringu.

Ef þú ert einhver sem hefur mikinn metnað fyrir þinni íþrótt eða þjálfun geturðu lesið meira um okkar þjónustu inná www.nutreleat.is 

Vonum að þú njótir!

-Nutreleat teymið.

Undanfarin ár hefur borið mikið á kolvetnaumræðu í tengslum við íþróttir og þjálfun. Í okkar starfi sem íþróttanæringarfræðingar höfum við nefnilega orðið vör við hvað þessi umræða hefur haft mikil áhrif á það íþróttafólk sem kemur til okkar og skapað mikla hræðslu í tengslum við kolvetnarík matvæli.

Ég nýtti því þennan þátt í að fara aðeins yfir hlutverk og virkni kolvetna í líkamanum – þá sérstaklega í tengslum við frammistöðu í íþróttum ásamt því að snerta aðeins á mýtunum sem hafa verið á lofti í tengslum við þau sem vonandi hjálpar þér að fá betri yfirsýn og grisja réttar upplýsingar frá röngum.