Í þessum sérþætti af Íþróttarabbi HR mun Hafrún Kristjánsdóttir leiða hlustendur í gegnum styttri útgáfuna af Jacobson-vöðvaslökunaræfingunni.

Sýnt hefur verið fram á ágæti Jacobsen-vöðvaslökunaræfingarinnar í fjölmörgum rannsóknum. Æfingin felst í því að spenna og síðan slaka á mismunandi vöðvahópum til að stuðla að líkamlegri og andlegri slökun. Fyrir íþróttafólk getur þessi aðferð verið sérstaklega gagnleg.  Rannsóknir hafa sýnt fram á að ef íþróttamenn innleiða æfinguna í sína rútínu getur það hjálpað til við að bæta frammistöðu, draga úr streitu, auka einbeitingu, bæta endurheimt, minnkað meiðslahættu og almennt stuðlað að betri líðan.