ელენე ღელაღუტაშვილი ფლექსელია; ამ გაცვლითი პროგრამით ამერიკაში, პირველად,  2006 წელს მოხვდა და არკანზასის შტატის პატარა ქალაქში ერთი წელი გაატარა. გასულ წელს თავისი ცხოვრების პარტნიორთან, გიორგი თევზაძესთან ერთად სამსახურიდან წამოვიდა და საკუთარი თავის შესაცნობად ამერიკის კონტინენტები აირჩია. მოიარა სამხრეთ ამერიკის რამდენიმე ქვეყანა, აშშ-ის შტატები და მოგზაურობის დასასრულს კიდევ ერთი ოცნება აიხდინა - გახდა ე.წ. "Burner", ანუ საერთაშორისო ღონისძიების "Burning Man"-ის სრულფასოვანი მონაწილე. ელენე რამდენიმე თვის წინ სოციალურ ქსელში გავიცანი და ერთ ღამეში დავმეგობრდით. პოდკასტის მეხუთე სერიაში თავისი არაორდინალური მოგზაურობის ამბებს მიყვება. უსმინეთ, რა იცით, იქნებ თქვენც აღმოჩნდეთ ერთ დღეს ელენეს ადგილას. 

ამ ზაფხულს კამპუსში გამაფებული უკიდეგანო მოწყენილობისა და სიცხისგან ისევ ქალმა მწერალმა გადამარჩინა. კენტაკის ქალაქ ლუივილში გამართულ ყველაზე მასშტაბურ ფესტივალს, რომელიც ინგლისელ მწერალს, ჯეინ ოსტინს ეძღვნება, მოხალისის როლში ვესტუმრე. ვიმუშავე ე.წ. "კართან", სადაც ფესტივალის სტუმრების რეგისტრაცია მევალებოდა, ვრეცხე და ვამშრალე მეცხრამეტე საუკუნის ჩაის ჭურჭელი და ბოლოს სტუმრებს ჩაითაც გავუმასპინძლდი. ამ ყველაფრის სანაცვლოდ ფესტივალზე უფასოდ შემიშვეს, ულამაზესი თეთრი კაბაც გადმომცეს, და, რაც მთავარია, მამოგზაურეს დროში. ფესტივალს, მეტწილად, ვინტაჟური კაბების სიყვარულის გამო ვესტუმრე, მაგრამ იქიდან ლინკდინში შესატანი გამოცდილებით და სამოტივაციო წერილში მოსაყოლი შთაბეჭდილებებით დავბრუნდი. პოდკასტის ამ ეპიზოდში ყველაფერს დეტალურად ვიხსენებ.

BONUS: სერიის შესავალში ვყვები, როგორ ვებრძვი შოპინგზე დამოკიდებულბას.

ეპიზოდის სტუმრები:

ფოტო: ჯანეტ აბელი (Janet Abell)

"ინგლისურზე დავდივარ" - ჩემს ბავშობაში ყველაზე პოპულარული ფრაზა იყო. მაშინ რაღაც გარდაუვალ აუცილებლობად იქცა ინგლისური ენის შესწავლა. ამით ბევრი ფული იშოვა ყველამ, ვისაც ყოფილი უცხო ენების ინსტიტუტში ჰქონდა გაანთლება მიღებული ინგლური ენისა და ლიტერატურის მიმართულებით. იმის მიუხედავად, რომ ინგლისურს მეცხრე კლასიდან ვსწავლობ, ამერიკაში სამაგისტრო პროგრამის შესასწავლად ჩამოსული, დღემდე ქართული ინგლისურით ვლაპარაკობ. მიზეზები ნაწილობრივ ამოვხსენი; ნაწილს ალბათ მომავალი გამოწვევები ამომახსნევინებს. პოდკასტის ამ სერიაში სტუმრად მოვიწვიე ჩემი უნივერსიტეტის ინგლუსური ენის ინტენსიური პროგრამის დირექტორი, პროფესორი ემილია ზლატკოსვკა. ერთად ვიხსენებთ საუნივერსიტეტო ცხოვრების პირველ ბარიერებს, როცა იძულებეული ხარ წერო, იკითხო და ილაპარაკო უცხო ენაზე. ემილიამ კარგად იცის რა გამოწვევაა ინგლისურის სწავლა არაინგლისურენოვანი სტუნედეტბისთვის, ამიტომ ოქროს რჩევებს იძლევა და ყურადღებით მოუსმინეთ.

In this episode, I am hosting Dr. Emiijia Zlatkosvka,  director of the Intensive English Program at the University of Southern Indiana. As we both are non-native speakers, our conversation tackles the strugle and best strategies to cope with language learning and academic work in the non-native language enviroment. Even though I took TOEFL, IELTS and GRE before coming to the United States, I am still strugling as in academic writing as public speaking. While recalling our personal strugle, we hope, this episode will give you some courage and confidence on the way to English learning. 

Guest:  Dr. Emilija Zlatkovska

ხშირად, როცა ვამბობ რომ ფულბრაითის სტიპენდიანტი ვარ, მაღალი წარმოდგენა ექმნებათ ჩემზე, რაც პირველ რიგში მაშინებს და შემდეგ მსიამოვნებს. პოდკასტის ამ სერიაში რამდენიმე ფულბრაითელთან ერთად ვსაუბრობთ ცვლილებაზე და სტატუსზე, რომელიც ფულბრაითმა მოიტანა ჩვენს ცხოვრებაში.  სერიის ბოლოს რჩევებს გიზიარებთ და გამხნევებთ, რომ აუცილებლად სცადოთ, იმიტომ რომ, არც ჩვენ გვჯეროდა რომ აქამდე მოვიდოდით. უფრო მეტიც, ჩემი სტუმრების ნაწილმა ფულბრაითის სტიპენდია მხოლოდ მეორე ცდაზე მოიპოვა. ამიტომ, არ დანებდეთ. იქნებ ახლა სწორედ თქვენი ჯერია.

პოდკასტის სტუმრები (ქრონოლოგიური თანამიმდევრობით): 

თათული ოქრიაშვილი  - ფულბრაითის სტიპენდიანტი (2018-2020)

ქრისტი მილორავა - ფულბრაითის სტიპენდიანტი (2018-2020)

ქეთი ვაშაკიძე - ფულბრაითის სტიპენდიანტი (2018-2019)

ადამ ტენანტი  - ფულბრაითს სტიპენდიანტი (2007)

ფატინ იბრაჰიმა იარო - ფულბრაითის სტიპენდანტი (2018-2020)

ამ სერიაში მოისმენთ ბევრ დეტალს სამხრეთ ინდიანას უნივერსიტეტის, ფულბრაითის სტიპენდიის, ინდიანას შტატის, ევანსვილის (ქალაქი, რომელშიც ამ ეტაპზე ვცხოვრობ), ჩემი გამოცდილების, ინტერესებისა და შიშების შესახებ.