Tá Jógvan Højsted fór til Havnar í læru fór hann at dansa í Avholdinum, í avhaldshúsinum í Avhaldsbrekkuni, har fólk í felagnum, Merkið, dansaðu. Seinri fór hann upp í Dansifelagið í Havn, sum hann framvegis dansar í.

Jógvan heldur, at Poul Eide hevur havt sera stóran týdning fyri føroyska dansin, og harmast um, at dansistovan í Funningi, sum Poul var høvuðsmaður at fáa upp, er so illa farin.

Umframt at dansa í Dansifelagnum, dansar hann í Dansifelagnum á Látrinum á Eiði og í Tøkum Lætt.