ഗര്‍ഭം അലസല്‍, മൂത്രാശയ അണുബാധ, വന്ധ്യത, അസ്ഥിക്ഷയം. ഊരവേദന, പേശിവേദന, സ്വകാര്യഭാഗങ്ങളിലെ മുറിവുകള്‍ തുടങ്ങി പല തരത്തിലുള്ള രോഗങ്ങളും മാരിറ്റല്‍ റേപ്പിന് ഇരകളാകുന്ന സ്ത്രീകള്‍ അനുഭവിക്കുന്നുണ്ട്. ഇന്ത്യയില്‍ വിവാഹിതരായ സ്ത്രീകളില്‍ മൂന്നില്‍ ഒരാള്‍ ശാരീരികമായോ മാനസികമായോ ലൈംഗികമായോ പങ്കാളിയില്‍ നിന്ന് പീഡനം നേരിട്ടവരാണെന്നാണ് സര്‍വേകള്‍ പറയുന്നത്. മാരിറ്റല്‍ റേപ്പിലൂടെ സ്ത്രീകള്‍ നേരിടേണ്ടിവരുന്ന ആരോഗ്യപ്രശ്‌നങ്ങളെക്കുറിച്ച് ജേര്‍ണോസ് ഡയറിയില്‍ നിലീന അത്തോളി സംസാരിക്കുന്നു. സൗണ്ട് മിക്‌സിങ്: പ്രണവ് പി.എസ് | Marital rape and health issues

ഹണിമൂൺ പീരിയഡിൽ ചില 'so called' ഭർത്താക്കന്മാർ ഭാര്യമാരോട് ചെയ്യുന്ന ലൈംഗിക ക്രൂരതകളുടെ കഥകൾ. കേട്ടാൽ വിശ്വസിക്കാത്ത ഹണിമൂൺ ബലാത്സംഗങ്ങളുടെ പിന്നിലെ മനഃശാസ്ത്രം. ജേർണോസ് ഡയറിയിൽ നിലീന അത്തോളി സംസാരിക്കുന്നു...

സൗണ്ട് മിക്സിങ്: പ്രണവ് പി എസ്

വിവാഹം കഴിഞ്ഞ ആദ്യനാളുകളില്‍ സ്വന്തം സുഹൃത്തുക്കളോടോ സഹപ്രവര്‍ത്തകരോടോ ഭാര്യ സംസാരിച്ചാല്‍ അവരെ ബലാത്സംഗം ചെയ്താണ് ഭര്‍ത്താവ് ഭാര്യയോട പ്രതികാരം ചെയ്തിരുന്നത്. സുഹൃത്തുക്കള്‍ സ്വീകരണ മുറിയില്‍ ഇരിക്കെ കിടപ്പുമുറിയില്‍ വെച്ച് ബാല്തംസംഗം ചെയ്യപ്പെട്ട ഒട്ടേറെ അനുഭവങ്ങൾ ആ സ്ത്രീക്കുണ്ടായിട്ടുണ്ട്. ഇപ്പോഴും ഭർ്തതാവിനൊപ്പം ശിഷ്ടകാലം ജീവിച്ചു തീർക്കുകയാണ് ആ സ്ത്രീ. അന്യപുരുഷന്‍മാരോട് സംസാരിച്ചാല്‍ ഭര്‍ത്താവ് ക്ഷുഭിതനാകുമെന്നാണ് ഒരു സര്‍വ്വേയില്‍ പങ്കെടുത്ത 27 ശതമാനം ഇന്ത്യന്‍ സ്ത്രീകളും പറഞ്ഞത്. അനുഭവങ്ങളും കണക്കുകളും തമ്മില്‍ ചേര്‍ന്നു പോകുന്നുവെന്ന് സാരം. നമ്മളിനിയും വേണ്ടത്ര ഗൗരവത്തോടെ കണ്ടിട്ടില്ലാത്ത ഭര്‍തൃബലാത്സംഗമെന്ന കുറ്റകൃത്യത്തില്‍ പുരുഷാധിപത്യ വ്യവസ്ഥിതിക്കുള്ള പങ്ക് വലുതാണ്. ഭര്‍തൃ ബലാത്സംഗത്തിലേക്ക് നയിക്കുന്ന ചില കാരണങ്ങളെ കുറിച്ചും മാരിറ്റല്‍ കണ്ടട്രോള്‍ എന്താണെന്നുമാണ് ഇന്ന് Journo's Diary- യില്‍ നിലീന അത്തോളി സംസാരിക്കുന്നത്. സൗണ്ട് മിക്സിങ്: പ്രണവ് പി.എസ്

ഭര്‍തൃബലാത്സംഗം ക്രിമിനല്‍ കുറ്റമാക്കണമെന്നുള്ള ചര്‍ച്ചകള്‍ ഇന്ന് വ്യാപകമായി നടന്നുവരികയാണ്. ഭര്‍തൃബലാത്സംഗം എന്ന പേര് മലയാളികള്‍ ഒരുപക്ഷേ ആദ്യമായി കേള്‍ക്കുന്നത് 2019 ല്‍ മാതൃഭൂമി പത്രം പ്രസിദ്ധീകരിച്ച സാക്ഷര കേരളത്തിലെ ഭര്‍തൃബലാത്സംഗം എന്ന പരമ്പരയിലൂടെയാവണം. സാക്ഷരതയിലും മാനവവികസന സൂചികയിലും മുന്നിട്ടു നില്‍ക്കുന്ന കേരളത്തില്‍ ഇതൊക്കെയോ എന്ന് ചിന്തിച്ചവരുണ്ടാവണം. ഈ പരമ്പര രൂപപ്പെട്ട സാഹചര്യവും അനുഭവസ്ഥരുടെ തുറന്നുപറച്ചിലും പരമ്പര തയ്യാറാക്കിയ മാതൃഭൂമി ഡോട്ട് കോം സബ് എഡിറ്റര്‍ നിലീന അത്തോളി പങ്കുവെക്കുകയാണ്, JOURNO'S Diary യിലൂടെ. സൗണ്ട് മിക്‌സിങ്: പ്രണവ് പി.എസ്

നൃത്തം പഠിച്ചതിന്റെ പേരില്‍ വിലക്കുകള്‍ നേരിട്ടവള്‍, ആ വിലക്കുകള്‍ ഭേദിച്ച് തുടര്‍ന്നും നൃത്തം പഠിച്ചവള്‍. അങ്ങനെ കേരള കലാമണ്ഡലത്തില്‍ മോഹിനിയാട്ടം പഠിക്കാനെത്തുന്ന ആദ്യ മുസ്ലിം വനിതയായി. സ്വന്തം നാട്ടില്‍ സംസ്ഥാന സ്‌കൂള്‍ കലോത്സവം നടക്കുന്നുണ്ടെന്നറിഞ്ഞപ്പോള്‍ ഭാരതനാട്യം കാണാനായി അവരുമെത്തി. അങ്ങനെ 2013 സ്‌കൂള്‍ കലോത്സവത്തിലെ ശ്രദ്ധാ കേന്ദ്രവുമായി. വാര്‍ത്തക്കു പിന്നിലെ കഥയറിയാം. കലാമണ്ഡലം ഖദീജയുടെ കഥയുമായി Journo's Diary -ല്‍ നിലീന അത്തോളി. സൗണ്ട് മിക്സിങ്: പ്രണവ് പി.എസ് | kalamandalam Khadeeja

വിവേചനങ്ങളിലും അനീതികളിലും പ്രതിഷേധിച്ച് സംവിധാനങ്ങള്‍ക്കെതിരേ തുറന്നു പറച്ചിലുമായി ചിലര്‍ മുന്നോട്ടു വരുമ്പോള്‍ പൊതുവെ ആളുകള്‍ പറയുന്നൊരു കാര്യമാണ് ഇവര്‍ പ്രശസ്തി ആഗ്രഹിച്ചു വരുന്നതാണ്. ഇവരുടെ ഉദ്ദേശം ശരിയല്ല എന്നൊക്കെ. പക്ഷെ ഒരു സിസ്റ്റത്തിനെതിരേ നടത്തുന്ന തുറന്നു പറച്ചിലുകള്‍ എത്രത്തോളം അരക്ഷിത ബോധവും സംഘര്‍ഷവുമാണ് ഒരാളില്‍ ഉണ്ടാക്കുക. അതില്‍ നിന്നുണ്ടാവുന്ന വിസിബിലിറ്റി എത്രത്തോളം അവരുടെ ജീവിതത്തെ മാറ്റി മറിക്കാം. അവര്‍ നടത്തുന്ന പോരാട്ടം എത്ര വലിയ മാറ്റങ്ങളും ചര്‍ച്ചകളുമാണ് സമൂഹത്തില്‍ സൃഷ്ടിക്കുക. അത്തരത്തിലൊരു തുറന്നു പറച്ചിലും അതുണ്ടാക്കിയ ചലനവും Journos diaryയിലൂടെ നിലീന അത്തോളി അവതരിപ്പിക്കുന്നു. സൗണ്ട് മിക്‌സിങ്: പ്രണവ് പി.എസ് |
Journo's Diary by Nileena Atholi