juanischweiz

gelöscht

I dere Folg simmer no einisch es (vorerscht) letschts Mal miteme Gast zämegsässe und hend über vieles diskutiert, was eus momentan ufem Herze liiht oder eus eifach uf de Sack gaht. De TC und d'Aline kenned sich vo Tinder - mit ihm lachemer über lustigi Gschichtli vom typische Schwiizer, verzelled, wieso mir Tinder langsam nümme chönd gseh und diskutiered über offni Beziehige.

Die Episode liht eus sehr am Herze. Mir verzelled eu, was eus persönlich bedrückt und inwiefern mir scho mit Anxiety, Zwäng und Depressione in Berüehrig cho sind. Es isch es biz e anderi Folg wie suscht amigs – es werded dasmal sogar es paar Tränli vergosse. Zum das Thema abrunde, hend mir eus as Verfasse vonere ehrliche Tinder-Bio über eus selber gwagt, wo all eusi Mackene und mentale Instabilitäte uf de Punkt bringed. Oops.

I dere Episode hemmer wieder mal en tolle Gast debi! D Laura weiss ziemli guet, was sie wott - mit eus diskutiert sie alli euchi Antworte, wo mir uf eusi Umfrag becho hend. Also zum Bispiel, ob e Fründschaft zwüsche Mah und Frau überhaupt cha funktioniere oder wieso mer sini Kollege inere Beziehig ned sötti vernachlässige. Usserdem verzellt sie eus, wieso sie und ihre Ex-Fründ gegesitig Tracking-Apps benutzt hend und wie mer ein für alle Mal vom Ex wegcho chan (oder ebe au nöd, lol).

Nach enere längere Summerpause simmer wieder zrug! I dere Episode hemmer eus gfragt, was möglichi Red Flags bim Dating chönd si - oder was sind potenzielli Green Flags, wo zeiged, dass e Person eim guet tuet? Obedruf hemmer natürli fairerwiis eusi persönliche Toxic Traits für eu uspackt und d'Aline versuecht eu s'Manifestiere schmackhaft z'mache - alle Angaben ohne Gewähr, lol.

I de achte und somit (vorerst) letschte Episode simmer no einisch z zweite zämegsesse und hend chli über Erfahrige mit Siitesprüng ih eusem Umfeld gschwätzt und eusi unpopular opinions bezüglich Dating useglah. Und demit d Singles unter eus über de Summer au endlich öper findet, hend mir für eu ganz am Schluss vo dere Folg no es paar spannendi Dating-Tipps vo eusne Friends zämegsammlet. Take care und viellicht bis bald!

I de siebte Episode hemmer zum erste Mal es Pärli debi. D Milena und de Lirit sind zwei ganz tolli Mensche mit unterschiedlicher Herkunft: Sie isch Schwizerin/Italienerin, er chunt us em Kosovo. Sie verzelled eus vo ihrne persönliche Herusforderige, wo sie ih ihrere lange Beziehig hend müesse meistere.

Die füfti Episode widme mir de Fraue. D’Anne-Sophie isch euse tolli Gast - mit eus diskutiert sie drüber, was es eigentlich bedütet, i de hütige Gsellschaft e Frau z’si. Usserdem teilt sie ihri persönliche Erfahrige zum Thema Feminismus, Menstruation als Tabuthema und self-love.

I de vierte Episode wemmer über es Thema rede, wo eus sehr am Herze liit: Toxic Masculinity. Und was heissts eigentlich, en Mah z’si? Euse Gast - de Edin - verzellt eus vo sine Erfahrige und erklärt, wieso mer als Mah schräg ahgluegt wird, wenn mer meh Wert uf sini Hygiene und sis Üssere leit als anderi. Mit ihm diskutiere mir usserdem über gsellschaftlichi Problem und drüber, weli Rolle mir alli i dere ganze Thematik spieled.