د دې اونۍ د ژوند په امریکا کې خپرونه کې له یو امریکايي ځوان سره مرکه لرو چې نوی مسلمان شوی. اصف چې پخوا یې نوم آسټن وو، وایي چې افغانان یې خوښېږي په دې چې دوی ډیر ښه او مهربانه خلک دي.

د دې اونۍ د ژوند په امریکا کې په خپرونه کې په ویرجینیا کې د یوې خیریه موسسې څخه لیدنه کوو چې د کډوالو سره مرسته کوي او په بشپړه توګه د رضاکارانو لخوا پرمخ وړل کیږي.

د کرکټ په روان نړیوال جام کې د افغانستان د وروستیو بریاوو لامل څه دی؟ د ژوند په امریکا کې د دې اونۍ په خپرونه کې د کرکټ د شنونکو، جعفر هاند، احمد فرهاد فدایي او مطیع الله عابد سره په دې اړه بحث شوی.

امریکا کې د هراتیانو د ټولنې غړي د افغانستان د وروستیو زلزلو له قربانیانو سره د خواخوږۍ په خاطر د قرآن کریم د ختم مراسم تر سره کړل. همدارنګه دغه ټولنه هڅه کوي چې مالي مرستې راټولې کړي او زیانمنو خلکو ته یې ورسوي.

د ژوند په امریکا کې د دې اونۍ په خپرونه کې له عنایت نادري سره آشنا کېږو چې دلته په امریکا کې د کډوالۍ د بیلابیلو ستونزو سره سره توانېدلی د ځان لپاره ښه ژوند او کار برابر کړي.

په متحده ایالاتو کې د نورو دولتي او خصوصي ادارو په څیر د امریکا غږ ډیری کارکوونکي هم د کورونا وبا د خپریدو راهیسې له کور څخه کار کوي خو اوس به په اونۍ کې لږ تر لږه درې ورځې دفتر ته ځي. په دې خپرونه کې داوود صدیقي د امریکا غږ له همکارانو سره پدې اړه خبرې کړي.

د دې اوونۍ په خپرونه کې له افغان شاعر زبیر هجران سره خبرې کوو چې له څو کلونو راهیسې په امریکا کې ژوند کوي. ښاغلی هجران په جلاوطنۍ کې د ژوند پر ننګونو او فرصتونو او دا چې څنګه توانېدلی له افغانستان او شعر او ادب سره خپله اړیکه ټینګه وساتي، خبرې کوي.

په امریکا او کاناډا کې د مېشتو افغان ډاکټرانو دویمه کلنۍ غونډه په ویرجینیا کې جوړه شوه. د دې غونډې موخه په امریکا کې د طبي متخصصینو ترمنځ د اړیکو رامنځته کول، د کدرونو د کار ستاینه او هغو ډاکټرانو ته لارښوونه او مرسته کول وو چې په دې وروستیو کې امریکا ته کډوال شوي دي. په دې کتنه کې په افغانستان کې د لوړو زده کړو له موسسو او روغتونونو سره د مرستو او همکاریو پر پروګرامونو هم خبرې وشوې.

امریکايي مېرمن بیکي جیننګز له پنځو کلونو راهیسې له هغو افغانانو سره کار کوي چې تازه امریکا ته راغلي دي. هغه د یوې مودې لپاره د بیا میشتیدنې د یوې موسسې کارکونکې وه، خو اوس په رضاکارانه توګه په امریکا کې د هغو افغانانو سره مرسته کوي چې لارښوونې ته اړتیا لري.

په امریکا کې د هغو دوو افغانانو په زړه پورې کیسه چې له اسلامي او انساني اخلاقو سره توانېدلي هغه امریکایي پخوانی پوځي اسلام ته دعوت کړي چې غوښتل یې د انډیانا ایالت په یوه جومات کې بم کېږدي او د سلګونو مسلمانانو د وژل کیدو لامل شي. په دې اړه یو مستند فلم هم جوړ شوی چې تیر کال د اسکار جایزې ته نومول شوی و.