Erleta eskolara egin dugu gaurko saioan. Hamabostero Erleta eskolako zuzendaritza taldeko kideren batekin aritzen gara hizketan Erleta eskolaren inguruan. Informazio ugari jasotzen dugu eta bide batez, Erleta eskola herritarrengana hurbiltzen saiatzen gara.

Aresora egin dugu gaurko saioan. Aresoko Bea Murorekin aritu gara hizketan. Herriko informazio ugari ekarri digu alkateak. Galdararen obra, udaletxeko obra lanak, proiektu berriak, parke berriaren inagurazioa.... besteak beste. Entzun elkarrizketa honetan alkateak aipatutakoa.

Iratxe Kontsumitzaileen Elkarteak hitzaldia emanen du gaur, urriak 20, Leitzako Udaletxeko batzar aretoan. Kontsumitzaileei interesatzen zaizkien gaiak izanen dituzte hizpide. Gaur Iratxe kontsumitzaileen elkarteera egin dugu eta hitzaldia eman duen Asier Chaparrok horrela kontatu digu.

Cederna Garalurrera egin dugu gaurko saioan. Hainbat gai izan ditugu hizpide Ainhoa Oribe Cederna Garalurreko teknikariarekin. Ekintzaileei zuzendutako hainbat laguntzen inguruan aritu gara, laguntza juridikoa, aholkularitza... Horrela kontatu digu Ainhoa Oribek.

Eguraldiaren berri jaso dugu egunero bezelaxe gurean, Karrape irratian. Datozen ordu eta egunetako iragarpena egiten digu astean zehar egunero Joxe Landa Itziarko gainetik eta gaurkoan ere horrela egin digu. Entzun datozen orduetarako zein iragarpen egin duen

Leitzako Aurrerako pilota eskolako Joseba Sagastibeltza izan dugu gurean , azken asteburuan izan diren partiduen berri eman digu eta baita datozen egunetan izanen diren hainbat partiduren berri ere, txapelketa zenbaitetan ari dira gure inguruko pilotariak

Leitzako Jeiki Abesbatzako Joxe Mari Azpirozerekin aritu gara hizketan gaurko saioan. Orain gutxi Arrasaten izan da abesbatza eta orain Arrasateko abesbatza Leitzan izanen da urriaren 18an arratsaldeko 19.00etan Leitzako elizan. Elkarrizketa honetan informazioa.

Nafarroako Bertsolari Kanporaketaren hirugarre saioa izanen da asteburuan Iruritan. Xabat Ilarregi Martzol Leitzarra sartuko da txapelketan. Gaur berarekin aritu gara txapelketaren inguruan. Bere prestaketaren inguruan, nolako aldartearekin dagoen... Entzun elkarrizketa hemen.

Euskal Herriko Trikitixa Elkartean izan gara gaur. Ostiralero Andoitz Antzizarrekin aritzen gara. Andoitzke astero asteburuko agendaren berri eman te digu, asteburetan hitzordu ugari izaten baita. . Entzun elkarrizketa honetan Andoitzek astebururako eman dizkigun gomendioak.

Xerka proiektua aurkeztuko dute Martxel Larraza eta Joseba Olagaraik Leitzako Herri Aretoan gaur, urriak 16, arrtsaldeko 19.00retan. Argazki erakusketa, hitzaldi, hizketaldi... Sexilioa du gai proiektuak. Gaur protagonistekin aritu gara gaiaren inguruan, horrela kontatu digute.