Ttipi ttapa aldizkariko Aitor Arozena hamabostero izaten dugu gurean, gaur ere halaxe izan da, aldizkaria hamabostekaria da ta AItorrek gurera iristen den astean ale berriak zer jasotzen duen kontatzen digu, aldi honetako ttipi ttapak hauxe guzia jasoko du

Leitzako Aurrerako pilota eskolako Joseba Sagastibeltza izan dugu gurean , azken asteburuan izan diren partiduen berri eman digu eta baita datozen egunetan izanen diren hainbat partiduren berri ere, txapelketa zenbaitetan ari dira gure inguruko pilotariak

Euskal Herria Mendi Erronka ekainaren 3an izanen da beste behin eta Leitzan. Iada lan talde desberdinak lanean egunean dena behar den bezala antolatua egon dadin. Gaur Iraitz Uriarte antolatzailea etorri zaigu bisitan saiora eta berak kontatu dizkigu azken xehetasunak

Aurrerak antolatzen duen Plazako binakako pilota txapelketaren lehenengo jardunaldia buru berri da. Bigarren jardunaldia asteburu honetan izanen da eguraldiak uzten badu. Gaur Mikel Iriarte antolatzailearekin aritu gara hizketan eta txapelketaren inguruko informazioa eman digu

Euskal Herriko Trikitixa Elkartetik bertako kide Andoitzek asteburuko agendaren inguruakoak aipatzen dizkigu ostiralero, gaurkoan ere horrela egin digu izan ere asteburu honetan hainbat hitzorduez gozatzeko aukera bada Euskal Herrian trikitixa eta panderoa aitzaki, dantza gaitezen.

Eguraldiaren berri jaso dugu egunero bezelaxe gurean, Karrape irratian. Datozen ordu eta egunetako iragarpena egiten digu astean zehar egunero Joxe Landa Itziarko gainetik eta gaurkoan ere horrela egin digu. Entzun datozen orduetarako zein iragarpen egin duen

Hamabostean behin Mendialdea mankomunitateko teknikari Joseba Sanchez gurean izaten da, zoborren inguruko kudeaketa dela eta hainbat kanpaina, informazioren berri ematen digu, mezurik argiena ahalike ta zaborrarik gutxien sortzea dela aipatzen digu askotan, eta sortzen duguna ongi kudeatzea.

Euskal Herrian Euskaraz taldeak mobilizazio nagusia antolatu du larunbaterako (maitzak 13) Iruñean. Mobilizazioa Baluarte paretik hasiko da eguerdiko 12.00etan Bada garaia EUSKARA OFIZIALA eta kitto! lemapean. Horrela kontatu digu taldeko kide Sugoi Etxarrik gaurko saioan.

ATekatu jardunaldien baitan gaur maitzak 11 hitzaldia antolatua dago. Pamir 2021 Harkatiza eta Izotza izenburu dun hitzaldi proiekzioa eskeiniko du Ekaitz Maiz Etxauriko eskalatzaileak arratsaldeko 19.00etan eta Leitzako Atekabeltzean. Aurrez gure saioan izan da eta horrela azaldu digu.

Mendialdeko Azoka Ibiltariaren hurrengo hitzordua igande honetan maiatzak 14 Larraunen izanen da Arruitzen. Bertatik hogeitik gora ekoizle eta artisauek parte hartuko dutela kontatu digute eta azokaz gain Latxa arrazako ahari genomikoen II. enkante nazionala ere izanen dela aipatu digute.