Leitzako Aurrerako futbol taldeko informazioa ematen digu ostiralero Amaia Azpirozek, gaur ere horrela egin du aurreko asteburuko emaitzak emateaz gain asteburu honetan ze partidu izanen diren ere aurreratu digu, berrikuntzen artean futbol salako taldeak asteburu honetan hasiko direla

Ostiralero Irati irratiko lankidea Eneko Villegas izaten dugu gurean, eskualdeko desberdinetako berriak igortzen dizkigu bertako kronika eginez, bertako informazioa, agenda, deialdiak, gaur ere gurean izan dugu ta hau guzia kontatu digu Irati irratiko lankideak

Etxalde elkarteko eta baserritarra den Gotzone Sestorain Leitzarra izan dugu gaurko saioan, urriaren 28rako Etxaldek eta Leitzako udalak antolatua jardunaldi batzuk antolatu dituzte Leitzan bertan parte hartu nahi duen edonorentzat, horren inguruko informazioa aurreratu digu Gotzonek

ANIKOTE kirol zerbitzuko gerente MIren Latasarekin hizketan aritu gara gaurko saioan, ikasturtea hasia dagoeneko nola hasi duten kontatu digu, bazkide kopuruak gora egin du kiroldegian eta ikastaroetan talde ugari atera direla ere esan digu MIrenen hona hemen elkarrizketa

Herri kiroletan aditu da Gabriel Saralegi eta astean behin gurean izaten da herri kirolen inguruko informazioa emateko asmoz, gaur ere horrelaxe egin du eta besteak beste Nafarroako sokatira txapelketan ingurukoak aipatu dizkigu baita emakumezkoen aizkora eta herri jasotze txapelketen ingurukoak

Leitzako alkatea MIkel Zabaleta izan dugu gaurko gure saioan, oinezkoentzat diren guneen erabilera txarraren inguruko aiputak egin dizkigu besteak beste gaur alkateak, horrez gain beste zenbait gai ekarri ditu gurera eta horien inguruan ere aritu gara hemen elkarrizketa

Leitzan du farmazia Esther Arrupeak gaur gure saioan izan da, kontu kontari aritu gara besteak beste eta bereziki errezeten inguruan, izan ere Nafarroan errezetak behar den bezala erabil ditzagun kanpanina bat hasi du osasun sailak horren ingurukoak azaldu dizkigu

Euskara teknikaria Dabid Anaut hamabostero izaten dugu gurean, Euskararen ingurukoak ekartzen ditu gurera, Euskara zerbitzutik egon daitezken albiste, Euskararen inguruko albiste, ekitaldi, ekimen etabarrak aipatzen ditu hamabostero asteazkenetan, gaur ere bisitan izan dugu

SAREko kide Mikel MUndiaño izan dugu gaur gure saioan azken egunetan izan diren hainbat gairen inguruan aritu zaigu hizketa eta batez ere larunbaterako antolatu duten manifestazioaren inguruan, bertan parte hartzera deitu du gizarte hona hemen elkarrizketa

LHL erronkako partaide, kide Iraitz Uriarte izan dugu gaur gure saioan, lan taldeak auzolanean, herritarren laguntzarekin 23.000 euro lortu ditu erronkan zehar, orain diru hori guzia nun eta nola inbertitu lanketa hasi dute herriko eragile desberdinekain hona hemen elkarrizketa