Leitzako udalak web orria berritu du, Saioa Sagastibeltza zinegotzia bisitan izan dugu honen inguruan aritzeko, informazio ugariz, atal ugariz ornitu du udalak bere web orria, herritarrei informazioa helarazteaz gain herritarrengandik gertuago egoteko helburua badu besteak beste, hona hemen Saioak kontatu diguna

Udaletxe ugaritan dago aginte makila, garai batean Leitzan, aginte makila bezela zilarrezko bara bat erabiltzen zen, orain Leitzako udalak pauso bat gehiago eman du, aginte makila iada udaletxeko batzar aretoan dago, ezaugarri ugarikin, Aingeru Zabaleta Leitzarrak egina da, alkateak modu honetan kontatu digu.

I. binakako Euskal pentatlona aurkeztu digu Gabriel Saralegi herri kirolean aditua den gure kolaboratzaileak, uztailaren 31an Tolosako zezen plazan ospatuko den Herri kirol jaialdi ederra izan du hizpide, hona hemen Gabrielek pentatlonaren inguruan egin digun azalpena.

Sorpresa izan dugu gaur eguerdian Karrape Irratian, Iruñeako lagun batzuk elkartu , bizikletak hartu eta bira bat egiten ari dira, berezitasuna irrati bidez beraien esperientzia kontatzen dutela da, modu hontara kontatu digu Josu Zapata partaideak gurera bisitan etorrita.

Saioa Jaurena Leitzan bizi den baztandarrarekin aritu gara hizketa, Baionako errugbi taldean aritzen da jokalari eta aste honetan itxialdiaren ondoren hasi dituzte denboraldia prestatzeko entrenamentuak, horretaz aritu zaigu eguerdi honetan. Gogotsu sumatu dugu Saioa.

UNICEF elkarteko Maider izan dugu gaur gurean, 2019ko memoria aurkeztu digu, datu ugari emanez, Unicef elkartearen lana aipatu eta goraipatuz, 2019ko lorpenen ingurukoak esan dizkigu datu mordoska mahagi gainean jarriz, entzun 2019ko Unicefen memoriaren laburpena.

Atekabeltz Gaztetxeko kide den Gaizka Leizarekin aritu gara hizketan. 2005eko uztailaren 20ean Atekabeltz etxea (ordurarte guardia civilaren kuartela zena) okupatu zuten, geroztik auzolanean sortua da Atekabeltz Gaztetxea eta baita herrigunea ere herriko talde eta eragile zenbaiten inplikazioz.

Trikidantz erromeri taldeko Arkaitz Mindegiarekin aritu gara hizketa, covid-19a dela eta beraien taldeari dagokionez izan duen eragina, eta laster grabatuko duten disko berriaren inguruan ere aritu gara, crowdfunding kanpaina bat hasi du taldeak Arkaitzen kontatu digunez.

Xabat Ilarregi Leitzako bertsolari gaztea izan dugu gaur bisitan gure estudioetan, bera izan zen nagusi uztailaren 27an Azpeitian jokatutako X. Erniarraitz Bertso Sariketan, 292,5 punturekin, eta hark eraman zuen txapela. Egungo egoeraren inguruan eta sariketaren inguruan aritu zaigu.

Amaia Jaka besteak beste Neurosikologoa dugu, ilabetean behin gurean izaten da gai desberdinen inguruan hizketan, terapia desberdinen inguruan, buruko gaixotasunen inguruan eta bestelako gai desberdinen inguruan ere, gaur Gestalt terapiaren inguruan aritu zaigu.