په پاکستان، هند او افغانستان کې په دې وروستيو کې د هوا ککړتيا يا الودګۍ جدي بڼه خپله کړې ده. په پاکستان کې د بشري حقونو لپاره د سېنېټ قايمه کمېټۍ ته ويل شوي چې په دې هېواد کې هرکال د الودګۍ له کبله يو لکه ۲۸ زره کسان يا خو مستقيم يا غير مستقيم مړه کېږي. د افغانستان پلازمينه کابل کې د ککړې هوا له وجې د ساه له ناروغيو ۱۷ کسان مړه شوي دي. د مشال تر رڼا لاندې بحث کې نن په پاکستان او افغانستان کې د خلکو پر ژوند د اب وهوا د بدلون اغېز څېړو.مېلمانه د پېښور پوهنتون د چاپېريال ساتنې څانګې استادان ډاکټر حزب الله خان او ډاکټر محمد نفيس او په افغانستان کې د ماحولياتو پوه خان ولي کامران مېلمانه دي.

امريکا د ډېسېمبر پر ۱۸مه پاکستان د مذهبي ازاديو د ځانګړيو اندېښنو د هېوادونو په لېسټ کې اچولی وو.

پاکستان د ډېسېمبر پر ۲۴مه په يوه بيان کې د امريکا دا ګام غندلی او دا يې "يو اړخيزه، بې منطقه او مشکوکه" ګرځولی دی. د مشال تر رڼا لاندې بحث کې په پاکستان کې د مذهبي ازاديو د وضعيت جاج اخيتسل شوی. د پاکستان د اقليتونو د فوم مشر رادېش سنګ ټوني او د پاکستان اسلامي نظرياتي کونسل مشر ډاکټر قبله اياز د بحث مېلمانه دي.

د پاکستان ځانګړي عدالت د ډېسېمبر پر ۱۷مه نېټه ددې هېواد پخواني پوځي امر جنرال مشرف ته د ايين ماتولو او غدارۍ په مقدمه کې د مرګ سزا اورولې وه.ايا د عدالت پر فيصله به عمل وشي او که نه؟دا او نورې پوښتنې د مشال تر رڼا لاندې کې د پېښور های کورټ وکيل سنګين خان او په پېښور کې خبريال او سياسي څېړونکي محمود جان بابر سره بحث شوې دي.

د مشال تر رڼا لاندې بحث کې د پاکستان د بشري حقونو وضعيت ددې هېواد بشري حقونو سازمان هيومن رايټس کميشن اف پاکستان مرستيال مشر حبيب طاهر اېډوکېټ، په پېښور کې د مدني ټولنې سازمانونو شبکې پښتونخوا سول سوسايټي نېټ ورک مشر تيمور کمال او د بشري حقونو لپاره د پاکستان د قامي اسمبلۍ کمېټۍ کې د واکمن تحريک انصاف ګوند غړي سيف الرحمن سره څېړل شوي دي.

د مشال تر رڼا لاندې بحث کې ددې جاج اخلو چې که سپريم کورټ د جنرال باجوه په حق يا مخالفت کې فيصله ورکړي خو ددې ټول عمل به د عمران د حکومت پر راتلونکې څه اغېز وکړي؟

دا او نورې پوښتنې د مشال تر رڼا لاندې بحث کې له قانون پوه نورعالم خان اېډوکېټ،د سياسي چارو پوه ډاکټر سرفراز خان او د مشال راډیو مدير داود خټک سره څېړل شوي دي.

د مشال تر رڼا لاندې بحث کې په کابل کې د سولې او شخړې مطالعاتو مرکز څېړونکي حکمت اعظمي او په پېښور کې د انګريزي ژبې ورځپاڼې دي نيوز خبريال مشتاق يوسفزي سره د داعش په اړه خبرې شوې.

د پښتون ژغورنې غورځنګ او حکومت له خوا جوړی شوی جرګې تر مینځ خبری اتری د روانې میاشتې په ۲۶ مه نیټه پلان شوې وې ، خو دا مذاکرات و نه شو، ولې و نه شو او د دې مذاکراتو ایجنډا څه ده؟ نن د مشال تر رڼا لاندی بحث کې پر دغه موضوع خبرې کوو. کوربه شاهین بونېری دی.

د طالبانو او افغان حکومت ترمنځ د مذاکراتو پېلولو لپاره ګڼې هڅې روانې دي. د سولې لپاره د امريکې بهرنيوو چارو وزارت ځانګړي استازي، زلمی خليلزاد او د افغان ولسمشر ځانګړي سلاکار، عمر داودزي په دې لړ کې سفرونه پېل کړي دي.

مېلمانه: څيړونکي نجيب ننګيال او عقيل يوسفزی دي. کوربه يې بشير ګواښ دی.

بشير ګواښ

---------------------

د مشال تر رڼا لاندې بحث کې د عمران خان په مشرۍ تحريک انصاف حکومت جوړوونې او اپوزيشن سره د هغه خلاف د سياسي هلوځلو پر لارو چارو غږيږو. بشير ګواښ د دې خپرونې کوربه دی.

د مشال تر رڼا لاندې بحث د ځانګړې لړۍ په دې برخه کې دا ځل د کراچۍ انتخابي منظرنامې جاج اخيستل شوی دی.