Khuda Kaun Hai

Hai justaju khuda ki mujhe

Us ki sada ki mujhe

Khuda kaun hai

Mila na kyon woh kabhi mujhe

Ma ko bulaya,Ma ko sataya

Ma ne hansaya, Ma ne sulaya

Batao,

Khuda kaun hai

Ma ne paida kiya mujhe

Padhaaya us ne qaaeda mujhe

Sajde kiye us ke main ne

Khuda kaun hai

Gul, Ma ke chaman ka main

Parinda us ki aangan ka main

Hun us ka kul jahan zurur

Tan man main uska

Khuda kaun hai

Khuda

Mera yaqin, mera imaan hai

Meri dawa, mera darmaan hai

Usi ka saara yeh jahan hai

Aur Ma us ki awwal insan hai

Dekha khuda ko Ma men jis ne

Paaya khuda ko khuda ke jahan men

Milega woh ik roz sabhi ko, ‘sahil’

Bas saabir reh tu us ke jahan men

Note:

All material in this product is the intellectual property

permission of the author Ashok Sawhny. Having said that,

The author is always open to proposals and can be contacted

via www.ashoksawhny.com