Þáttur um íslenskt mál. Lómur og himbrimi eru taldir spá fyrir um veður, hrossagaukur um hvernig fólki farnast. Mestur spáfugl er þó hrafninn sem oftast er talinn feigðarboði en á það til að bjarga lífi þess sem gerir vel við hann eins og máltækið guð launar fyrir hrafninn er til marks um. Í grein eftir Guðmund Friðjónsson frá Sandi í Aðaldal sem nefnist Hvernig skapast kvæði og sögur? og birtist í Andvara 1937 segir meðal annars frá raunum skáldsins sem vill yrkja þannig að bragð sé að og að þorri manna hafi mjög óljósar hugmyndir um hvað það tekur mikið á að yrkja gott kvæði. Guðmundur endursegir meðal annars greinargerð Edgars Allans Poe um hvernig kvæði hans Hrafninn kom til, eitt þekktasta kvæði sem ort hefur verið. Umsjón: Anna Sigríður Þráinsdóttir.

Fjallað er um kenninnöfn í þættinum og gluggað í meistaraprófsritgerð Bennýjar Sifjar Ísleifsdóttur í þjóðfræði þar sem hún fjallar um kenninafnasiði Íslendinga. Umsjón: Anna Sigríður Þráinsdóttir.

Málótti sem ástæða málflótta - grafist fyrir um ástæður þess að ungmenni kjósa ensku fram yfir íslensku. Íslensk heiti bíómynda og þróun slíkra heita.

Ýmis orðatiltæki sem valda heilabrotum, hross sem finna hvergi skjól í illviðrum og snúa því rassinum upp í vindinn, skinka, beikon og svo fleiri orðatiltæki. Umsjón: Anna Sigríður Þráinsdóttir.

Votlendi er okkur hugleikið í þættinum í dag en áður en við setjum á okkur stígvélin og vöðum, fyrst út í mýrina og síðan út á blána, skjótumst við upp í himingeiminn og förum í hringferð kringum Mars með geimmyndavélinni High Rise, sem myndaði Mars. Myndirnar komu út í bók og þar eru íslenskir skýringartextar með nokkrum myndum. 24 mál voru notuð við gerð bókarinnar. Hverri mynd fylgir texti á ensku og einu hinna tungumálanna tuttugu og þriggja. Sævar Helgi Bragason samdi textana en hann hefur lagt sig fram um að kenna íslenskum börnum íslenskan orðaforða yfir stjörnuhiminninn um leið og hann fræðir þau um himingeiminn.