Mu Bakorinto 1 igice cya 7 Pawulo avuga uburyo bw’imibonano y'abashakanye, abagabo n'abagore bashobora guhazanya kandi ku bwumvikane bwa bombi bifite akamaro kanini mu gushimangira imibonano y’umubiri. Nk’uko Itegeko risumba ayandi ribivuga, 'Muri byose, girira abandi nk’uko wifuza ko bakugirira.' Ikitegererezo cya Bibiliya kurushako ni Kristo hamwe n’itorero. Dushobora kugira urukundo nk'urwo binyuze mu kugirana umubano ukomeye na Yesu no kwemerera Roho we gukunda binyuze muri twe.

Imana yaremyeye igitsina impamvu nyinshi. Impamvu ya mbere ni ukororoka,ariko kandi kigasobanura umuyoboro w’urukundo mu bashakanye. Ikibabaje, ibyo Imana yaremeye umuyoboro w’ibyishimo hagati yacu, akenshi iba imwe mu mbogamizi zikomeye zibangamira ubumwe bwacu. Ijambo ry'Imana ritwereka uko imyifatire yacu n'ibyo twifuza ku mibonano mpuzabitsina bigomba kuba nk’uko Imana yabigennye mu rushako no mu muryango; mu kuzuza umunezero w’umugabo n’umugore bombi hamwe.

Bibiliya itanga ibisubizo byo kudufasha gusobanukirwa neza imirimo twahawe n’Imana, ariko ubwoko bw’akazi mu rugo rwa gikristo bugomba gushingira kumpano karemano zanyu, ubwenge twahawe, n’impano zacu z’umwuka. Niba ubuzima bwacu hamwe n’ingo zacu byubatse kuri Yesu, kandi dusobanukiwe abo twashakanye , bizaturinda ibibazo mu rushako rwacu. Imana yaremye ibijyanye n’imibonano kugirango twororoke. Imana kandi irema imibonano mpuzabitsina mu kugaragaza urukundo n’umunezero wo kuba umwe.

Tugomba gusobanukirwa umwihariko w’uwo twashakanye kugira ngo tubashe kuganira ntacyo duhishanya. Hari ibibazo bya Bibiliya umunani tugomba kubaza: ‘Uri he?’ ‘Ni inde wakubwiye?’ ‘Waba warariye ku giti cyabujijwe?’, ‘Wakoze iki?’,’Uvuye he?’ hanyuma ‘Urajya he?’ na ‘ Mu byukuri urifuza iki?’ Mu yandi magambo, ushaka kuba uwo, aho, n’icyo Imana yashatse ko uba?

Gusobanukirwa uwo twashakanye ni ihuriro ridufasha gukuza imibanire n’ubumwe bwacu. Agaciro n'akamaro k'umugabo cyangwa umugore bishingiye kubikorwa n'uruhare byabo nk’uko Imana yabaremye. Isengesho rikuru ku rushako rwacu ni isengesho rya Francois wa Asisi: “Nyagasani ngira igikoresho cy’amahoro yawe,mpa inema yo kudashaka guhozwa aho guhoza abandi, kumvwa aho kumva, gukundwa aho gukunda.”

Ubumwe, 'bombi bahinduka umubiri umwe', ni ishingiro ry’umubano w’abashakanye, kandi urukundo ni ikimenyetso cy’ubwo bumwe. Tudafite urukundo nk’urwo Imana yakunze abantu, ntidushobora kugira ubwoko bw’urushako Imana yashakaga. Ubu bwoko bw'urukundo ntirusimburwa, ntiruvogerwa, ntirugira icyo rushingiyeho, rutera imbaraga, kandi ntirushobora kuneshwa. Tugomba kumenya ko uru rukundo rudashoboka tutabifashijwemo n'Imana. Imigambi y’Imana ni uko urushako rutagomba gusenywa kandi yanga cyane gutandukana kw’abashakanye. Ijambo ry'Imana ritwigisha kumenya kugira imipaka mu rushako yo kurinda no kurengera umubano w’abashakanye.

Urukundo n’uburyo bukomeye bwerekana ubumwe Imana yashakaga igihe yavugaga ati: "Bombi bazaba umubiri umwe." Ikibazo kimwe gikomeye mu rushako ni ukwikunda. Iyo twize gufata neza uwo twashakanye nta kwikunda, tugashyira ibyifuzo by’ uwo twashakanye imbere, tuba dutangiye gukunda nk’uko Yesu abikora. Urukundo rw'Imana rusobanurwa neza muri bibiliya, Abakorinto ba 1 Igice cya 13 kandi rutwereka uko tugomba gukunda abandi. Iyo hari urukundo rwa Agape (urukundo rudafite icyo rushingiyeho), urushako rushobora kuzuzwa hamwe n’ibintu byose Imana yifuje ko biba.

Kuzuzanya kw'abashakanye ni gihamya y'ubumwe Imana yaremeye umugabo numugore. Kuzuzanya kw’abashakanye bikubiyemo: umubano w’umubiri, indangagaciro, gukura mu mwuka, ibibazo by’imyitwarire, uko dukoresha igihe cyacu ‘namafaranga, ibibazo by’abana, n’ibindi bice byose bigize byubuzima hamwe. Imishyikirano yanyu mu mwuka ni ishingiro mu gusobanura uruhare n’inshingano ufite. Kugirango dukomeze guhuza no gushyikirana, tugomba kwemera imbaraga n'intege nke z'uwo twashakanye. Bibiliya iduha amabwiriza menshi y’uburyo ki ukuntu abagabo n'abagore bagomba kubana.

Gushyikirana neza ni igikoresho kidufasha gukomeza no gushimangira umugabo n’umugore kugirango bakorere hamwe. Gusa nkuko dukomeza kandi tugakomeza umubano wacu na Kristo tuvugana nawe mu masengesho no kumva ijwi rye, abashakanye bagomba gukomeza imibanire yabo hagati yabo. Ikiganiro ni nko gucana urumuri mumibanire yacu, kugaragaza ibintu byakwangiza ubumwe no guhishura ibintu byadufasha kurushaho kwegerana.

Igishushanyo mbonera cy’umuryango n’ubukwe giha umubano wacu igisobanuro cyiza kandi gifite intego ndetse kigasohoza imigambi y’Imana ku isi. Mu byanditswe byera hari urwego rugaragara rwo gushyingirwa; ni ukuba umubano uhoraho kandi wihariye, ariko kandi ukabamo muburyo burimo ibice byose by’ubuzima bw’umugabo n’umugore: imyuka yabo, ubwenge bwabo, imitima yabo, numubiri. Iyo abashakanye bunze ubumwe, kandi bakabaho muri ubwo bumwe, bagaragaza umugambi w'Imana mu rushako.