Bahadur Shah Zafar - A mughal ruler wrote this wonderful poem. Favorite verse- "Kisiko Dekhta Itna Nahi haqiqat mein, Zafar main Apni haqiqat kahun tooh kisse Kahu ❤" #love #mushaira lyrics: bharī hai dil meñ jo hasrat kahūñ to kis se kahūñ

sune hai kaun musībat kahūñ to kis se kahūñ

jo tū ho saaf to kuchh maiñ bhī saaf tujh se kahūñ

tire hai dil meñ kudūrat kahūñ to kis se kahūñ

na kohkan hai na majnūñ ki the mire hamdard

maiñ apnā dard-e-mohabbat kahūñ to kis se kahūñ

dil us ko aap diyā aap hī pashemāñ huuñ

ki sach hai apnī nadāmat kahūñ to kis se kahūñ.

kahūñ maiñ jis se use hove sunte hī vahshat

phir apnā qissa-e-vahshat kahūñ to kis se kahūñ

rahā hai tū hī to ġham-ḳhvār ai dil-e-ġham-ghīñ

tire sivā ġham-e-furqat kahūñ to kis se kahūñ

jo dost ho to kahūñ tujh se dostī kī baat

tujhe to mujh se adāvat kahūñ to kis se kahūñ

na mujh ko kahne kī tāqat kahūñ to kyā ahvāl

na us ko sunñe kī fursat kahūñ to kis se kahūñ

kisī ko dekhtā itnā nahīñ haqīqat meñ

'zafar' maiñ apnī haqīqat kahūñ to kis se kahūñ!