អ្នក​ដឹកនាំ​លេខាធិការដ្ឋាន​គណៈកម្មការ​ទន្លេ​មេគង្គ (Mekong River Commission Secretariat) ​ដែល​ជា​ស្ថាប័ន​អន្តរ​រដ្ឋាភិបាលធ្វើការ​ងារ​សម្របសម្រួល​បញ្ហា​ទឹក​ក្នុង​មហា​អនុ​តំបន់​ទន្លេ​មេគង្គ បាន​លើកឡើង​ថា ​បណ្តា​ប្រទេស​មេគង្គ​ក្រោមរួម​មាន​កម្ពុជា​ ថៃ​ ឡាវ​ និង​វៀតណាម​ ត្រូវ​ការ​ទិន្នន័យ​ច្រើន​ថែម​ទៀត​ ដើម្បី​ព្យាករណ៍​ទឹក​ជំនន់​និង​គ្រោះរាំង​ស្ងួត​ឲ្យ​បាន​កាន់​តែ​ប្រសើរ​ជាង​នេះ ក្រោយពី​ប្រទេស​ចិន​ បាន​ព្រម​ចែក​រំលែក​ទិន្នន័យ​ជលសាស្ត្រ​ពេញ​មួយ​ឆ្នាំ​នៃ​ទំនប់​ពីរ​ក្នុង​ប្រទេស​ចិន។ នេះ​គឺ​ជា​ការ​ដកស្រង់​ខ្លី​នៃ​បទ​សម្ភាសន៍​រវាង​លោក សាយ មុន្នី នៃ​វីអូអេ ជាមួយ​លោក​បណ្ឌិត អាន ពេជ្រហត្ថដា នាយក​ប្រតិបត្តិ​នៃ​លេខាធិការដ្ឋាន​គណៈកម្មការ​ទន្លេ​មេគង្គ (MRCs) ​នៅ​ក្នុង​កម្មវិធី Hello VOA​ កាល​ពី​ថ្ងៃច័ន្ទ ទី​៩ ​ខែ​វិច្ឆិកា។

មេដឹកនាំអង្គការសង្គមស៊ីវិលដែលធ្វើការងារផ្នែកលើកកម្ពស់តម្លាភាពក្នុងប្រទេសកម្ពុជាលើកឡើងថា ពលរដ្ឋកម្ពុជាកំពុងមានចំណោទទៅលើសមត្ថភាពនិងឯករាជ្យភាពនៃស្ថាប័នសភាជាតិ ក្នុងការត្រួតពិនិត្យនិងសួរដេញដោលលើគម្រោងចំណាយថវិកាជាតិរបស់រដ្ឋាភិបាល សម្រាប់ឆ្នាំ ២០២១។ នេះគឺជាការដកស្រង់ខ្លីនៃបទសម្ភាសន៍រវាងលោក សាយ មុន្នី នៃវីអូអេ ជាមួយលោក ប៉ិច ពិសី នាយកប្រតិបត្តិនៃអង្គការតម្លាភាពកម្ពុជា នៅក្នុងកម្មវិធី Hello VOA កាលពីថ្ងៃព្រហស្បតិ៍ ទី១២ ខែវិច្ឆិកា។

សព្វថ្ងៃនេះ អ្នកដែលចេះនិងមានឆន្ទៈបន្តការងារត្បាញហូលមានចំនួនតិចតួច ដោយសារមិនសូវមានតម្រូវការទីផ្សារ។ ជាមួយនឹងការប្រើប្រាស់វត្ថុធាតុដើមធម្មជាតិ ដែលកម្រនិងពិបាករក ចំណាយពេលយូរក្នុងការចងគាធនិងត្បាញ ភាពអត់ធ្មត់និងការផ្ចិតផ្ចង់ខ្ពស់បំផុត ធ្វើឲ្យអ្នកជំនាន់ក្រោយមិនចាប់អារម្មណ៍ចំពោះការងារនេះ។ រាយការណ៍ឲ្យ វីអូអេ ដោយអ្នកនាង ផន បុប្ផា និង អ្នកនាង ខាន់ សុគុំមនោ៕

ពីកុមារអន្តោប្រវេសន៍ដែលចូលចិត្តគូររូបនៅលើជញ្ជាំងផ្ទះរបស់គ្រួសារនាង រហូតក្លាយជាអ្នកគូររូបឌីជីថលពិសេស ឬ Visual Effects ឲ្យហូលីវូដដែលឈ្នះពានរង្វាន់ Emmy សិស្បករខ្មែរអាមេរិកាំង សាន ស៊ីណា តំណាងឱ្យភាពជោគជ័យផ្តល់ដោយឱកាសតាមរកក្តីសុបិននៅក្នុងទឹកដីសហរដ្ឋអាមេរិក។ ឥឡូវនេះ នាងសង្ឃឹមថានឹងនាំឱកាសតាមរកក្តីសុបិននេះទៅកាន់មាតុភូមិកម្ពុជារបស់នាង។ លោក ចាប ចិត្រា នៃ VOA រាយការណ៍ពីទីក្រុង Los Angeles។

លទ្ធផល​បឋម​នៃ​ការ​បោះឆ្នោត​កាលពី​ថ្ងៃទី៣ ខែវិច្ឆិកា បង្ហាញថា​អ្នកស្រី ស៊ូលី សារ៉ូ (Suely Saro) បេក្ខជនខ្មែរ​អាមេរិកាំង ទទួល​បាន​សំឡេង​លើសលប់​សម្រាប់​តំណែង​ចៅ​សង្កាត់​លេខ ៦ ក្នុង​ទីក្រុង​ឡុងប៊ិច រដ្ឋកាលីហ្វ័រញ៉ា។ អ្នកស្រី ស៊ូលី គឺជា​ខ្មែរទី ១ ដែល​នឹង​កាន់​តំណែង​នៅ​ក្នុង​ក្រុមប្រឹក្សា​នេះ​ទីក្រុង​ឡុងប៊ិច​នេះ បន្ទាប់ពី​មានខ្មែរ​ជា​ច្រើន​រូប​បាន​ខិតខំ ដោយ​មិន​បាន​ជោគជ័យ​ក្នុងពេល​កន្លង​មក។ លោក ម៉ែន គឹមសេង នៃវីអូអេ បាន​សម្ភាស​អ្នកស្រី​ ស៊ូលី សារ៉ូ​ តាម​ប្រព័ន្ធ​ Skype។

កាលពីថ្ងៃសុក្រកន្លងទៅនេះ ក្រុមគ្រួសារប្រពន្ធកូនរបស់អតីតមន្ត្រីគណបក្សសង្គ្រោះជាតិដែលកំពុងជាប់ឃុំ បានព្យាយាមយកញត្តិទៅថ្វាយព្រះមហាក្សត្រ ព្រះបាទនរោត្តម សីហមុនី ដើម្បីស្នើសុំព្រះរាជអន្តរាគមន៍ ឲ្យមានការដោះលែងស្វាមី និងឪពុករបស់ពួកគេ។ ក៏ប៉ុន្តែ ពុំមានមន្ត្រីក្នុងព្រះបរមរាជវាំងចេញមកទទួល ហើយពួកគាត់ត្រូវបានប្រាប់ដោយអាជ្ញាធរខណ្ឌដូនពេញថា ពួកគាត់គួរទៅដាក់ញត្តិនៅរដ្ឋសភា ឬព្រឹទ្ធសភាវិញ។ លោក ហ៊ុល រស្មី នៃវីអូអេរាយការណ៍ពីរាជធានីភ្នំពេញ។

បួន​ថ្ងៃ​ក្រោយ​ការបោះឆ្នោត​ជ្រើសរើស​ប្រធានាធិបតី​សហរដ្ឋ​អាមេរិក បណ្តាញ​ផ្សាយ​ព័ត៌មាន​ធំៗ​នៅ​អាមេរិក​ បាន​ព្យាករណ៍​ថា លោក Joe Biden ​ឈ្នះ​ការ​បោះឆ្នោត​ក្លាយ​ជា​ប្រធានាធិបតី​សហរដ្ឋ​អាមេរិក​ទី៤៦។ លោក Biden បាន​ថ្លែង​សុន្ទរកថា កាលពី​យប់​ថ្ងៃសៅរ៍​ពី​ទីក្រុង Wilmington រដ្ឋ​ Deleware ទៅ​កាន់​ប្រទេស​ជាតិ ដោយផ្តោត​ទៅ​លើ​ការបង្រួប​បង្រួមជាតិ ក្រោយ​ការ​បោះឆ្នោត។ យុទ្ធនាការ​បោះឆ្នោត​របស់​លោក​ប្រធានាធិបតី Donald Trump បាន​ថ្លែង​ថា ការបោះឆ្នោត​នេះ​នៅ​មិន​ទាន់​ចប់​ទេ ហើយ​ថា​នឹង​មាន​គម្រោងប្តឹង​តុលាការ​ជា​បន្ត​ដើម្បី​ផ្លាស់ប្តូរ​លទ្ធផល​នេះ។ អ្នក​យកព័ត៌មាន​ VOA លោក សុខ ខេមរា លោក ពិន ស៊ីសុវណ្ណ លោក ម៉ែន គឹមសេង និង លោក ប៉ូច រាសី​ ពិភាក្សា​គ្នា​ជុំវិញ​រឿង​នេះ និង​រឿង​ផ្សេងៗទៀត ក្នុង​កម្មវិធី​តុ​មូល​នៅ​ថ្ងៃ​អាទិត្យ ទី​៨ ខែ​វិច្ឆិកា៕

នៅ​រសៀល​ថ្ងៃ​សៅរ៍ លោក Biden ​ត្រូវបាន​ព្យាករណ៍​ថា​ ឈ្នះ​នៅ​ក្នុងរដ្ឋ Pennsylvania ដោយ​ទទួល​បានអង្គ​បោះឆ្នោត​ចំនួន ២០ និង​ឈ្នះ​នៅ​ក្នុង​រដ្ឋ Nevada ដោយ​ទទួល​បាន​អង្គ​បោះឆ្នោត ៦ បន្ថែម​ទៀត ដែល​បាន​ធ្វើ​ឲ្យ​លោក​ទទួល​បាន​អង្គ​បោះឆ្នោត​សរុប ២៧៩ មក​ទល់​ពេល​នេះ ដែល​លើស​សំឡេង​អង្គបោះឆ្នោត​ចាំបាច់ចំនួន ២៧០ ដើម្បី​ឈ្នះ​ការ​បោះឆ្នោត​ប្រធានាធិបតី​រួច​ទៅ​ហើយ។ អ្នក​យក​ព័ត៌មាន​ VOA លោក ម៉ែន គឹមសេង នៅរដ្ឋ​ Virginia ​និង​លោក សុខ ខេមរា នៅ​រដ្ឋNorth Carolina ​សូម​ជូនសេចក្តី​រាយការណ៍​ពី​លទ្ធផល​នេះ​និង​បញ្ហា​ប្រឈម​ដែល​នឹង​កើតមាន​ឡើង​បន្ត​ទៀត។

សកម្មជន​សិទ្ធិមនុស្ស​ខ្មែរ-អាមេរិកាំង​រក្សា​សុទ្ទិដ្ឋិនិយម​ចំពោះ​សិទ្ធិមនុស្ស​និង​លទ្ធិប្រជាធិបតេយ្យ​ បើទោះបី​ជា​ការ​បោះឆ្នោត​ប្រធានាធិបតី​ឆ្នាំ​នេះ​មាន​ភាព​តាន​តឹង ជូរចត់ ​និង​មាន​ការ​ប្រេះឆា​ក្នុង​សង្គម​អាមេរិកាំង​ក៏ដោយ។ លោក យ័ប គឹមទឹង ប្រធាន​សមាគម​ខ្មែរ​អាមេរិកាំង​ដើម្បី​សិទ្ធិ​មនុស្ស​និង​ប្រជាធិបតេយ្យ​ បាន​បញ្ជាក់​ក្នុងបទសម្ភាសន៍ ​ជាមួយ​នឹង​លោក ​ម៉ែន គឹមសេង នៃវីអូអេ​ថា ​បើទោះបីជា​គណបក្ស​ណា​ឈ្នះឆ្នោត​ក៏ដោយ​ ក៏នៅតែ​យក​ចិត្ត​ទុកដាក់​ដល់​សិទ្ធិមនុស្ស​និង​លទ្ធិប្រជាធិបតេយ្យ​ដែរ។ លោក​ក៏​សង្កេត​ឃើញ​សហគមន៍​ខ្មែរ បាន​ចូលរួម​សកម្មភាព​នយោបាយ​យ៉ាងច្រើន​ផងដែរ ក្នុង​យុទ្ធនាការ​ឃោសនា​កន្លង​មក។

តារាសម្តែងជនជាតិខ្មែរ-កាណាដា Ellen Wong ដែលដើរតួសម្តែងក្នុងភាពយន្តរឿង Scott Pilgrim vs. the World រឿងភាគ The Carrie Diaries និងរឿងភាគ Glow របស់ Netflix បានសម្តែង ជាតួអង្គឯកម្នាក់ដែលមានសាច់រឿងស្រដៀវជីវិតពិតរបស់នាងបំផុត នៅក្នុងខ្សែភាពយន្តថ្មីមួយអំពីប្រទេសកំណើតរបស់នាង។ លោក ចាប ចិត្រា នៃ VOA បានជជែកជាមួយអ្នកនាង Ellen Wong អំពីដំណើរការសម្តែងរបស់នាងក្នុងភាពយន្តនោះ។