គណបក្ស​ប្រជាជន​កម្ពុជា​ ដែល​ជា​គណបក្ស​កាន់​អំណាច​ បាន​ប្រមូល​ផ្តុំ​គ្នា​នៅ​ឯ​មជ្ឈមណ្ឌល​ពិព័រណ៍​និង​សន្និបាត​កោះពេជ្រ​។​ ក្រុម​ការងារ​នៃ​VOA​ លោក​ សុខ​ ខេមរា កញ្ញា កាន់ វិច្ឆិកា​ រាយការណ៍​ពី​រង្វង់​មូល​សម្តេច​ ជួន​ ណាត​ ជា​ទី​ដែល​ក្បួន​រថយន្ត​ចេញ​ដំណើរ​ឃោសនា។

គណបក្ស​ហ៊្វុនស៊ិនប៉ិច​ បាន​ចាប់​ផ្ដើម​យុទ្ធនាការ​ឃោសនា​បោះឆ្នោត​ តាម​ដង​វិថី​នា​នា​ ក្នុង​រាជធានី​ភ្នំពេញ​ នៅ​ថ្ងៃ​សៅរ៍​ ទី​០៧​ ខែ​កក្កដា​ ឆ្នាំ​២០១៨​នេះ​ ដើម្បី​ស្វះស្វែង​រក​សំឡេង​គាំទ្រ​នៅ​ក្នុង​ការ​បោះឆ្នោត​ជ្រើសរើស​តំណាងរាស្ត្រ​ នីតិកាល​ទី​០៦​នៃ​រដ្ឋសភា។

បទ​សម្ភាសន៍​ផ្ទាល់​ជាមួយ​លោក គង់​ ម៉ូលីកា ប្រធានគណបក្សឆន្ទៈ​ខ្មែរ អំពី​គោល​នយោបាយ​បក្ស​ នា​ថ្ងៃ​ទី​មួយ​នៃ​យុទ្ធនាការ​ឃោសនា​បោះឆ្នោត​ ទី​០៧​ ខែ​កក្កដា​ ឆ្នាំ​២០១៨​ ដើម្បីស្វែង​រក​សំឡេង​គាំទ្រ​ក្នុង​ការ​បោះឆ្នោត​ជ្រើស​តាំង​តំណាង​រាស្ត្រ​អាណត្តិ​ទី​៦​។

អ្នក​ជំនាញ​ផ្នែក​បោះឆ្នោត​គឺ​ លោក​ កន​ សាវាង្ស​ នៃ​អង្គការ​ខុម​ហ្វ្រែល​ និយាយ​ពី​ដំណើរ​ការ​បោះឆ្នោត​ មុន​ពេល​យុទ្ធនាការ​ឃោសនា​បោះឆ្នោត​រយៈពេល​បី​សប្តាហ៍​ ដែល​ចាប់​ផ្តើម​ពី​ថ្ងៃ​សៅរ៍​ទី​៧​ ខែ​កក្កដា​ ឆ្នាំ​២០១៨។

នៅពេលការបោះឆ្នោតនៅប្រទេសកម្ពុជាដែលកាន់តែខិតជិតមកដល់ នោះ ជនជាតិខ្មែរនៅក្រៅប្រទេសបានធ្វើបាតុកម្មកាន់តែញឹកញាប់ជាពិសេសនៅស្ថានបេសកកម្មរបស់ជប៉ុននៅអ.ស.ប.ទាមទារឲ្យប្រទេសនេះឈប់គាំទ្រដំណើរការបោះឆ្នោតជ្រើសរើសសមាជិកសភានៅថ្ងៃទី២៩ខែកក្កដាឆ្នាំ២០១៨នេះ បើគ្មានការចូលរួមរបស់គណបក្សសង្គ្រោះជាតិជាតិ។ លោកពិន ស៊ីសុវណ្ណជូនសេចក្តីរាយការណ៍ពីរដ្ឋធានីវ៉ាស៊ីនតោន។

ស្តូបរំលឹកដល់ជនរងគ្រោះ​នៃ​របបខ្មែរ​ក្រហមត្រូវបាន​សម្ពោធនៅទីក្រុង​ប៉ារីស​ប្រទេស​បារាំងកាលពីថ្ងៃទី​១៧ខែមេសាឆ្នាំ​២០១៨​នៅសង្កាត់លេខ១៣ជាទីដែលមានពលរដ្ឋ​ខ្មែរ​រស់នៅច្រើន។

នេះ​ជាការរៀបរាប់​របស់​លោក​លួង ហេងទូច និង​លោក​លួង​ ស្តេហ្វាន ដែលជា​អ្នក​បាន​ផ្តល់គំនិត​និង​គូសរចនា​ប្លង់រូបភាព​នៃ​ស្តូបនេះតាមរយៈបទសម្ភាស​ជាមួយ​នឹង​លោក​ម៉ែន គឹមសេង​នៃវីអូអេ។

បច្ចុប្បន្ន​នេះ គេ​សង្កេត​ឃើញ​ថា ឱកាស​សម្រាប់​យុវជន​យុវតី​ខ្មែរ​យើង​ក្នុង​ការ​ទៅ​បន្ត​ការ​សិក្សា​នៅ​បរទេស​មាន​កាន់​តែ​ច្រើន ជាពិសេស​តាមរយៈ​ការ​ដាក់​ពាក្យ​អាហារូបករណ៍​ជាដើម។ ប៉ុន្តែ​ការ​ទៅ​សិក្សា​នៅ​បរទេស​ទាមទារ​ឲ្យ​សិស្ស​និស្សិត​មាន​សមត្ថភាព មិន​ថា​លើភាសា​បរទេស​ដូចជា​ភាសា​អង់គ្លេស ជំនាញ​មូលដ្ឋាន​លើ​មុខវិជ្ជា​ដែល​ខ្លួន​ចង់​សិក្សា និង​បំនិន​ជីវិត​ផ្ទាល់​ខ្លួន​ក្នុង​ការ​រៀន​រស់នៅ​ដោយ​ខ្លួន​ឯង​នោះ​ទេ។ ​ដូច្នេះ​ហើយ​ទើប អ្នកនាង ហុង ចិន្តា នៃ VOA បាន​សម្ភាសន៍​យុវតី​ខ្មែរ​ដ៏​ឆ្នើម​មួយ​រូប គឺ​កញ្ញា ធន វិនពេជ្រម៉ូនីកា ដែល​កញ្ញា​ទើប​តែ​បញ្ចប់​ការ​សិក្សា​ថ្នាក់​បរិញ្ញាបត្រ​ផ្នែក​ហិរញ្ញវត្ថុ​ពីសាកលវិទ្យាល័យ Massachusetts ក្នុង​ទីក្រុង ឡូវែល សហរដ្ឋអាមេរិក​នេះ ដើម្បី​ឲ្យ​កញ្ញា​ជួយ​ចែករំលែក​បទពិសោធន៍​ជោគជ័យ​នៅ​ក្នុង​ជីវិត​សិក្សា​របស់​កញ្ញា៕

គណបក្ស​សង្គ្រោះ​ជាតិ​បាន​អំពាវនាវ​ឱ្យ​ពលរដ្ឋ​កុំ​ទៅ​បោះឆ្នោត​នៅ​ថ្ងៃទី​២៩ខែ​កក្កដា​ខាងមុខ រីឯ​សមាជិក​សភា​សហរដ្ឋ​អាមេរិក​ចំនួន​៦រូប បាន​ស្នើ​សេចក្តី​ព្រាង​ច្បាប់​ថ្មី​មួយ​ទៀត​ដែល​មានឈ្មោះ​ថា Cambodian Democracy Act of 2018 ឬ H.R. 5754 ដើម្បី​ដាក់​ទណ្ឌកម្ម​មន្ត្រី​រដ្ឋាភិបាល​កម្ពុជា​ណា ដែល​វាយ​ប្រហារ​លើ​លទ្ធិ​ប្រជាធិបតេយ្យ​នៅ​កម្ពុជា ក្នុង​នោះ​មាន​ការហាមឃាត់​ទិដ្ឋាការ​មិន​ឱ្យ​ចូល​សហរដ្ឋ​អាមេរិក និង​រឹត​បន្តឹង​សកម្មភាព​ពាណិជ្ជកម្ម​ជាដើម។ លោក ម៉ែន គឹមសេង​នៃ VOAបាន​សម្ភាសន៍​លោក​អេង ឆៃអ៊ាង អនុ​ប្រធាន​គណបក្សសង្គ្រោះជាតិ៕

លោក សម រង្ស៊ី ប្រធាន​ចលនា​សង្គ្រោះ​ជាតិ បាន​ចេញ​ផ្សាយ​សៀវភៅ​ថ្មី​មួយ បង្ហាញ​ពី​គោលនយោបាយ​គ្រប់គ្រង​ប្រទេស ក្រោយពីឈ្នះ​ឆ្នោត​ឆ្នាំ​២០១៨ និង​ចក្ខុ​វិស័យ​សម្រាប់​ប្រទេស​កម្ពុជា​រហូត​ដល់​ឆ្នាំ ២០៥០។ សៀវភៅ​នេះ​មាន​ចំណងជើង​ថា​«ប្រទេស​កម្ពុជានឹង​ធ្វើ​ឱ្យ​ពិភពលោក​ស្ញប់ស្ញែង​ម្តង​ទៀត/Cambodia Once Again Will Stun the World‍»។ លោក ម៉ែន គឹមសេង នៃ VOA បាន​សម្ភាស​លោក សម រង្ស៊ី​អំពី ខ្លឹមសារ​ខ្លះ​នៃ​សៀវភៅ​នេះ៕

លោក ម៉ាសែល ឡឺម៉ុង អតីត​ចៅក្រម​ស៊ើបអង្កេត​នៅ​សាលាក្តី​ខ្មែរ​ក្រហម​បាន​ចាត់ទុក​ថា កិច្ចការ​របស់​សាលាក្តី​នេះ ទទួល​បាន​ជោគជ័យ​បើ​ទោះបីជា​មាន​ការរិះគន់​នានា​ពី​ក្រុម​អ្នកស្រាវជ្រាវ​ពី​ភាពយឺតយ៉ាវ និង​ការចូលជ្រៀត​ជ្រែក​ពី​រដ្ឋាភិបាល​កម្ពុជា​ក៏ដោយ។ យ៉ាងណាក៏ដោយ នៅក្នុង​បទសម្ភាស​ជាមួយ​នឹង​លោក ម៉ែន គឹមសេង នៃ​VOA នៅ​ទីក្រុង​ប៉ារីស​ប្រទេស​បារាំង កាលពី​ថ្ងៃទី​១៧​ខែមេសា​លោក​ចៅក្រម​ឡឺម៉ុង បាន​បញ្ជាក់​ថា បើ​លោក​អាច​រៀបចំ​សាលាក្តី​ដូចនេះ​ឡើងវិញ គឺ​លោក​ពេញ​ចិត្ត​នឹង​យក​ប្រព័ន្ធ​យុត្តិធម៌បារាំង​មក​ប្រើ ព្រោះ​វា​មាន​ប្រសិទ្ធភាព​ជាង​ប្រព័ន្ធ​ចម្រុះ​បែប​អង់គ្លេស​ដែល​កំពុង​ប្រើ​នៅក្នុង​តុលាការ​នាពេល​បច្ចុប្បន្ន​នេះ៕