أنا ليش سويت جذيه  

شكلي كان بايخ لما قدمت البرزنتيشن

ماقدر أقول حق فلان لا أخاف يزعل 

أخاف أعبر عن مشاعري وما لقى رد

أنا معروفة إذا أبي أسوي شي يا أسوي 100% ولا ما أسوي

سيل من أحاديث نفس يومية وضغوط اجتماعية لامتناهية :  أنت مطلوب منك لازم تكمل الجامعة بعدين تتوظف و تتزوج ولازم تجيب عيال في نفس الوقت لازم تركب أحسن سيارة وتسوي أحسن عرس وتسكن أحسن بيت ، صرنا  نعيش  الحياة بمعايير محددة وبوتيرة متسارعة توتر وقلق وخوف 

‏فهل هذه هي الحياة الحقيقية التي حقا نريد أن نعيشها؟ ‏

شلون احنا اليوم في وسط هالمعمعة نقدر نعيش الحياة بسلام وهدوء ودون استجابة ضغوط اجتماعية ودون الشعور بالذنب ودون خوف من تفويت الأشياء

 ضيفي الدكتور محمد اليوسف استشاري نفسي من المملكة العربية السعودية وحديث بعنوان  "كن لطيفا مع نفسك "