خوفك من النتيجة بعد قرارك راح تعطلك عن الانجاز، اكسر حاجز الخوف واتخذ قرارك واستمتع بالتجربة، ودايم عندك الخيار انك تقرر بس كون مستعد لقراراتك

بودكاست "كن أنت" مو مادة تعليمية

اثير فضول معرفتك عن طريق طرح عدة تساؤلات تخليك تبحث عن الاجابة اذا عندك اهتمام بالموضوع هذا،

اقدر اقول لك اني احاور عقلك ما احاور شخصك

وبالمناسبة لاتنسى تشاركنا ايش اشهى طبق عندك ب رمضان، واذا سمعت الحلقة راح تعرف مناسبة السؤال

المراه قوية وقادرة حتى لو كانت امكانياتها محدودة

تستطيع ان تخلق من الاشيء شيء عظيم

لديها قدرة جبارة بالتحمل والصبر وخلق الفرص

وسؤال ماهي قيمة المرأة، ومن هي المرأة الناجحه سؤال ماله جواب ثابت مختلف باختلاف الموقف اللي تكون فيه

انتِ شجاعة وقوية وقادرة بالفطرة لا تسمعين لعكس هالكلام ابداً

#المرأة_العربية #المرأة #النجاح

الرجال اكثر سؤال كان يحرني ايش يعني رجل، والحين انا بسألك عن أنفسكم يا رجال تعرفون ليه ممنوع تبكون! ولازم تقولون لا بصوت عالي لطلبات الأنثى وأحياناً تضربونها اذا غلطت!!

مقتبس عن د. محمد طه: " أحرقت شهامته وشجاعته وجُرأته، وأبقت على صوته وصورته وعضلاته"

" وطبعاً أفضل أسلحة الأم دي في تثبيت وتصغير وتحجيم ابنها هو الابتزاز العاطفي"

" احذر تاني وتالت من التعميم، مش كل الرجالة كده، دي نماذج مريضة وغير سويّة، ولا يمكن تعميمها على الإطلاق"

قرأتك هذي الاقتباسات ما يغنيك عن الكتاب، كتاب ذكر شرقي منقرض، استمتع معي بالرحلة خلال استماعك ومشاركتك رأيي بالنهاية

لما تكون في مكان عام وتشوف كيف بعض الأبناء يعاملون والدينهم وتقول ما شاء الله كيف بارين بوالدينهم او احيانا تتعجب وتقول استغفرالله كيف يعقون والدينهم

كيف عرفت ان هالشخص يبرهم او يعقهم!

ايش تعرف عن معنى بر الوالدين او معنى عقوق الوالدين!

هل لو قلت لوالديني لا ابي اختار عصير تفاح مابي برتقال وهم يبون يجيروني على البرتقال اكون عقيتهم!

هذا على مستوى تفكير الطفل

وعلى مستوى تفكير المراهق، هل يعني انك عقيتهم بدخولك التخصص الجامعي اللي انت تبيه!

وعلى مستوى انضج اختيارك لشريكة حياتك وخليت اللي اختاروها لك وقالوا ماراح نرضا عليك هل يعني هذا عدم رضاهم وعقوقهم!

وعلى مستوى عام، هل اختيارك لخياراتك بالحياة من منظورك الشخصي بدون اعتماد على منظورهم يصنف عقوق لهم!

كون معي بحلقتي اللي تكلمت فيها عن معنى العقوق والبر ونصائح للوالدين او المربين واكيد للأطفال

حتى بطريقة كتابة اهدافك كون أنت، وضيف شيء جديد على قائمة اهدافك واختار اسم للسنة يكون مناسب للي انت تبي تسويه، ماعليك من العالم كلها ايش تطلق اسماء وصفات على السنه، خلك مركز باللي انت فيه

منبهك اللي يصحيك للدوام والمسافه للدوام وشغلك اللي تنجزه وترجع للبيت وتمارس يومك الطبيعي وهواياتك وترجع تنام عشان تعيد هاليوم بكرا وبعده وبعده ترا هذي كلها خطوات صغيرة نحو الهدف الكبير، لا تستهين فيها ابداً ولا تضيع وقت، استثمر بوقتك وحتى بنومك، وكون مسؤول اتجاه اهدافك.

شعورك ورغبتك بالبكاء الآن ليس دليلاً على ضعفك، بل على العكس تماماً، قدرتك على عيش شعورك الآن هو دليل على قوتك فقط وعكس ذلك هو الضعف

اكسروا اللي كبرنا عليه " لا تبكي قدام احد وتصير ضعيف، انت قوي والاقوياء مايبكون"، امحوها من بالكم وتعلموا كيف تكونون فعلاً اقوياء بانكم تعيشون مشاعركم صح

اختيارك الصحيح اليوم من الممكن انه يكون خطأ لولد جيرانكم او ولد عمك، او الخيار اللي تشوفه خطأ لك بنت خالتك يكون هو الصح عندها، فهل فيه صح وخطأ في خياراتنا بالحياة؟

اسال نفسك انت مين! وأبدأ بنفسك وانك تكون أنت

نوع علاقتك اللي تربطك بالشخص راح تعلمك كيف تتعامل معاه، والمواقف اللي بينكم هي اللي تبني عمق العلاقة مو الوقت، اسمح لي ارافقك وتسمع اكثر وشاركني رأيك