Поттикнати од блог записот на Милчо за неуспехот на The Daily и од истражувањето за новинарски стартапи во светот објавено на Nieman Journalism Lab кое ги истражува можностите за пронаоѓање на стабилност или стабилни финансиски извори за новинарски продукти онлајн го поканивме Зоран Ричлиев, продуцент во МПМ да разговараме на оваа тема.

Во првата епизода од нашиот подкаст во 2013 година гостин ни беше еден од најпознатите (од времето) блогери и активисти во Македонија, Анастас Вангели a.k.a Вуна. Тој веќе една и пол година е во Кина на студиски престој па неговата посета за празниците ја искористивме да го поканиме во нашиот подкаст.

По пауза од две недели, се вративме со нова епизода во која со @kuzevski и @NikolasTweet се обидовме малку подетално да ги прочешламе и продискутираме резултатите од неодманешното истражување кое премиерно беше претставено од Никола на AllWeb.

Најтешко е да зборуваш за свои проекти и активности во својот подкаст :). Среќа во приканзната AllWeb не сме сами, тука е и Цаци па соодветно на тоа си ја викнав да ми биде гостин оваа епизода.

Во оваа епизода гости (по втор пат) беа креаторите на Блогираме.мк, Јован и Петар.

Педесеттиот по ред подкаст на Комуникации.нет беше посебен. Не само затоа што беше јубилеен, туку и затоа што за првпат во студиото на Радио МОФ бевме во комбинација која никогаш претходно не била во тој состав. Домаќини на епизодата бевме јас и Сеад без гостин и за прв пат без Дарко.

Петта по ред епизода од сезона три на Комуникации.нет подкастот. Овој пат бевме само јас и Дарко и немавме голема или главна тема туку прокоментиравме по малку на неколку актулни теми. Излегувањето на iPad mini беше една од темите на која повеќе се задржавме и неговата споредба со другите опции кои можат да се најдат на пазарот.

Во оваа епизода, четврта по ред за сезонава, се собравме сите домаќини после долго време и очекувано го направивме можеби најдобриот подкаст до сега со одлична тема, одличен гостин и одлична дискусија.

Нешто повеќе од 1 час зборувавме со Зоран Бојаровски на тема "Integrated Newsroom" или интегрирани медиумски платформи, и нивен развој или примена кај нас. Ние сме ептен задоволни од вчерашниот #комкаст, а вие пред да ја чуете епизодата, погледнете малку слики на темава.

Во оваа епизода коментиравме околу предлог законот за клевета и навреда каде во еден член се превидување на мала врата воведување на цензура на интернет, а потоа се надоврзавме со краток осврт на последниот извештај за репресијата на интернет од Freedom house.

Гостин во оваа епизода на комуникации.нет подкастот ни беше новинарот од Радио Слободна Европа - Срѓан Стојанчов. Инспирирани од Полемиката на „Утрински“ за фејсбук-новинарството. Латас контра Ордановски се обидовме малку да ги чепнеме темите кои ги поврзуваат традиционалните (па иако се на интернет) новински куќи и социјалните медиуми.