Kormákur Bragason tónlistarmaður og kennari sagði frá uppvextinum í Kópavogi, hvernig það var að eiga frægan bróður sem var í hljómsveitinni RíóTríó en Ólafur Þórðarson heitinn er hálfbróðir Kormáks. Hann sagði frá dvöl í lýðháskóla í Danmörku, kennarastarfi bæði í Svíþjóð og Noregi, tónlistarmennskunni en hann byrjaði á því að spila á flautu og saxafón en spilar mest á gítar í dag. Kormákur sagði frá hljómsveitinni South river band sem er frændhljómsveit sem á tengsl í Ólafsfjörð en þeir eru nýbúnir að senda frá sér plötu.

Elín Ingvarsdóttir sagði frá uppvextinum í Brasilíu, Kúbu og Mexíkó en þar hefur hún mestan part ævinnar. Faðir hennar starfaði við hafrannsóknir sem skýrir búsetu fjölskyldunnar,en þau heimsóttu Ísland reglulega og þess vegna talar Elín góða íslensku. Hún starfar í tungumálakennslu þar í landi en hennar aðaláhugasvið er frumbyggja mállýskur indíána sem hafa verið að deyja út síðustu ár en nú er verið að reyna allt til að viðhalda þeim.