Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Amutse: Ministerie het tegnologie om diamantpryse te bepaal
    Die minister van mynbou en energie, Modestus Amutse, sê die ministerie beskik oor gekwalifiseerde personeel met toegang tot die nodige tegnologie om die waarde van diamante te bepaal. Hy het geantwoord op ’n vraag van IPC-LP Ferdinand Hengombe, wat duidelikheid gesoek het oor hoe die ministerie die pryse van plaaslik geproduseerde diamante bepaal en of dit oor die nodige skanderingstegnologie beskik.
    1 min
  • 39 spanne pak Saterdag die Barberspan 300 in SA aan
    Nege-en-dertig spanne sal eerskomende Saterdag aan die Westfert Barberspan 300 Off Road North-kampioenskap deelneem. Die wedren is die sewende en laaste ronde van die Off Road North-kampioenskap, waartydens renjaers van Suid-Afrika, Botswana en Namibië in nege verskillende klasse oor die uitdagende 300 kilometer meeding. Kosmos 94.1 se Francois Lottering het meer:
    2 min
  • Japan se MMX-sending mik op monsters van Marsmaan
    Nuwe inligting het na vore gekom oor Japan se MMX-ruimtesending, wat op pad is om stofmonsters van een van Mars se twee mane te versamel. Professor Pieter Meintjies, 'n astrofisikus aan die Universiteit van die Vrystaat in Bloemfontein, verduidelik die jongste ontwikkelings tydens 'n gesprek met Kosmos 94.1 Nuus.
    1 min
  • Hittegolf sal Namibiese binneland oor naweek tref
    Die Namibiese Weerdiens waarsku dat hittegolf-toestande na verwagting tot oor die komende naweek sal voortduur, met temperature wat in sommige gebiede reeds tussen 36 en 42 grade Celsius bereik het. Albertina Anderson sê die weer-modelle dui daarop dat die hitte verder sal toeneem namate die naweek nader kom. Die publiek word gemaan om genoeg water te drink, strawwe buitelugaktiwiteite gedurende die warmste ure te vermy en veral na bejaardes, babas, en troeteldiere om te sien.
    1 min
  • Jauch: Entrepreneurskap alleen sal nie werkloosheid oplos nie
    Arbeidskenner Herbert Jauch sê die werkloosheidskrisis kan nie opgelos word deur van gegradueerdes te verwag om werkskeppers te word nie. Hy voer aan dat die oplossing lê in die transformasie van ’n ekonomie wat nie daarin slaag om genoeg werkgeleenthede met ordentlike vergoeding te skep nie. Sy opmerkings volg ná ’n oproep deur die minister van onderwys, Sanet Steenkamp, vir nouer samewerking tussen universiteite en die sakesektor. Jauch het aan Kosmos 94.1 Nuus gesê entrepreneurskap alleen kan nie industrialisasie, ’n sterker vervaardigingsektor en doelgerigte staatsbelegging vervang nie.
    1 min
  • Donderdag, 22 Oktober 2026
    In jou finansiële nuus vanoggend: Duur brandstof, stygende inflasie, belastinginkomste wat onder druk is en bek-en-klouseer is groot uitdagings wat finansminister Ericah Shafudah in haar hersiene mediumtermynbegroting moet takel, wat sy vanmiddag in die parlement indien. KosmosKapitaal praat met Cirrus Capital-ontleder Pandu Shaduka oor hul verwagtinge.
    4 min
  • Zaamwani oorweeg bykomende voertuigontsmettingsfasiliteite
    Landbouminister Inge Zaamwani sê ministeriebeamptes sal veesiektebeheerposte inspekteer om die behoefte aan bykomende voertuigontsmettingsfasiliteite te bepaal te midde van die bek-en-klouseer-uitbreking. Sy het dié onderneming in die Nasionale Vergadering gegee nadat Affirmative Repositioning-LP Fredrick Shitana kommer uitgespreek het dat voertuie deur kontrolepunte kan beweeg sonder om ontsmet te word. Die minister het verduidelik dat bestaande fasiliteite hoofsaaklik ontwerp is vir voertuie wat van noord na suid reis. Dit laat vrae ontstaan oor voldoende ontsmettingsdekking vir verkeer in albei rigtings. Zaamwani sê die uitbreiding van die fasiliteite sal van beskikbare hulpbronne afhang, aangesien die ministerie se begroting nie voldoende is om in al sy behoeftes te voorsien nie.
    1 min
  • Rusland gereed om vredesgesprekke te hervat
    Rusland is in beginsel gereed om samesprekings met Amerika en Oekraïne oor die beëindiging van die oorlog in Oekraïne te hervat, volgens Yuri Ushakov, 'n senior assistent van Russiese president Vladimir Putin. Hy het gepraat nadat Putin Amerikaanse president Donald Trump se spesiale gesant, Steve Witkoff, in Sint Petersburg ontmoet het. Oekraïense president Volodymyr Zelensky en sy Europese bondgenote dring aan op 'n onmiddellike hervatting van die samesprekings wat in Februarie opgeskort is, en Ushakov sê 'n nuwe ronde kan volgende maand gehou word, moontlik in Abu Dhabi. Die voormalige Russiese diplomaat Yuri Lindre het uit Moskou met Kosmos 94.1 Nuus gepraat.
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…