Die DA sê hy het met groot kommer kennis geneem van Bloomberg-berigte dat laserafstandsmetingstoerusting wat deur die Suid-Afrikaanse firma LightWare Opto-electronics vervaardig is, van Russiese aanvalshommeltuie herwin is wat in die oorlog teen Oekraïne gebruik word. Chris Hattingh van die DA sê die party wil hê die Nasionale Konvensionele Wapenbeheerkomitee se bevindinge in die LightWare-saak moet gepubliseer word in 'n dokument wat geskik is vir openbare en parlementêre ondersoek:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

RISE Mzansi sê dis ʼn groot krisis dat slegs 11 van die Suid-Afrikaanse Polisiediens se 38 vliegtuie werk. Die Polisieministerie het op ʼn vraag in die Parlement gesê 27 ondergaan tans instandhouding. Die ministerie is besig om nog 15 helikopters teen ʼn geraamde begroting van 1,1 miljard Suid-Afrikaanse rand aan te koop. Makashule Gana van RISE Mzansi sê die haglike toestand van die SAPD se lugvleuel voorspel niks goeds vir die stryd teen misdaad nie:

Sokker: Die FIFA-president Gianni Infantino het Suid-Afrika gelukgewens met sy kwalifisering vir die 2026 FIFA-Wêreldbeker. Bafana Bafana het Rwanda met 3-0 verslaan en is bo-aan die punteleer in Groep C voor Nigerië en Benin. Suid-Afrika is die negende Afrika-span wat vir die uitgebreide 48-span-toernooi kwalifiseer, en sluit aan by Marokko, Tunisië, Egipte, Algerië, Ghana, Kaap Verde, Ivoorkus en Senegal. Infantino sê dit is 'n groot prestasie vir Bafana Bafana om hul eerste kwalifisering vir dié wêreld-pronkstuk sedert 2002 te verseker:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Namibië en Botswana het kragte saamgesnoer om gesondheidsorg-lewering te verbeter en 'n mylpaalooreenkoms tydens die Presidensiële Spitsberaad van die Bi-Nasionale Kommissie onderteken. Die nuwe gesondheidsooreenkoms belowe vinniger toegang tot medisyne en laer koste deur gesamentlike verkryging. Die lynministerie se woordvoerder Walters Kamaya het aan Kosmos 94.1 Nuus gesê dat hy ken nog nie die presiese besonderhede van die ooreenkoms nie, maar dit het reeds in werking getree.

A.Vogel Multiforce alkaliese poeier kan help met die voorkoming en behandeling van gout en nierstene.

Beskikbaar by apteke regoor Namibië.

Meer besonderhede of navrae? Stuur gerus ‘n boodskap na: [email protected]

Die Kommunikasiewerkersvakbond het sy woede uitgespreek omdat die SABC se totale besteding op uitvoerende direkteure tot 10,3 miljoen Suid-Afrikaanse rand gestyg het teenoor 9,9 miljoen rand in die 2024/2025-boekjaar. Die openbare uitsaaier het ʼn netto verlies van 253,3 miljoen rand getoon vergeleke met 197,8 miljoen in 2024. Die beskeie inkomstegroei van 1,3 persent is oortref deur ʼn styging van 3 persent in besteding. Die vakbondwoordvoerder, Moffat Seutlwadi, sê die SABC se uitvoerende hoof, Nomsa Chabeli, se totale pakket was in die 2024/2025-boekjaar 5,576 miljoen-rand:

Kry die nuus soos dit breek.

Die Bank van Namibië het vanoggend die repokoers verlaag na 6,5 persent, teenstrydig met voorspellings vir ‘n onveranderde koers. Die bank se goewerneur Johannes !Gawaxab het die aankondiging gemaak.