Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Drikus Coetzee beklink 2026 Rhino Run-oorwinning ná 2 800 km
    Drikus Coetzee sê hy is moeg ná ’n moeilike laaste skof waarin hy deur reën en dik modder moes sukkel voordat hy Dinsdag as wenner van die 2026 Rhino Run oor die eindstreep gery het. Coetzee het die uitmergelende 2 800 kilometer-rit van Windhoek na Robert Sobukwe-dorp in net meer as agt dae voltooi, sowat 130 kilometer voor sy naaste teenstander. Hy deel sy ervaring van die uitdagende wedren met Kosmos 94.1 Nuus:
    1 min
  • Otjizeka-laerskool kry N$100 000-veiligheidshupstoot
    Die Otjizeka-laerskool in die noordweste van die land het ’n veiligheidshupstoot gekry nadat ultimate.earth en bewaringsvennote byna 100 000 Namibiese dollar belê het om leerders te beskerm, terwyl woestynaangepaste leeus deur die omliggende landskap beweeg. Tristan Cowley, besturende direkteur van ultimate.earth, sê die inisiatief het ten doel om kinders se veiligheid te versterk en terselfdertyd mens-dier naasbestaan te ondersteun.
    1 min
  • Woensdag, 21 Oktober 2026
    In jou finansiële nuus vanoggend: Bek-en-klouseer, stygende inflasie en wie weet, dalk Namibia Air - die stoom draai behoorlik uit finansminister Ericah Shafudah se sompompie vir haar hersiene mediumtermynbegroting wat Donderdagmiddag ingedien word.
    In ander KosmosKapitaal-nuus: Die Suid-Afrikaanse Voerkraalvereniging sê dis niks persoonlik nie, maar hulle is gekant teen invoere uit Namibië weens die BKS-krisis.
    3 min
  • Beheerheining sleutel tot bek-en-klouseerbeheer
    Namibië se tweejaar-spertyd om die bek-en-klouseer-uitbreking onder beheer te bring, begin sodra die beheerheining van Klein Manasse tot by die Visrivierkloof voltooi is. Die uitbreking is op 23 September in die Karasburg-distrik van die //Kharas-streek aangekondig. Die ministerie van landbou het bevestig dat daar op 18 plase in die streek 131 bevestigde gevalle van bek-en-klouseer aangeteken is. Die ministerie se hoofveearts, dr. Kenneth Shoombe, verduidelik waarom die heining belangrik is en wat dit vir die beweging en verhandeling van vee en vleis in die streek beteken.
    1 min
  • 06:00 Nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    5 min
  • Ontleder eis aanspreeklikheid oor tradisionele fondse
    Politieke ontleder Ndumba Kamwanyah sê tradisionele owerhede moet aan konsekwente standaarde van deursigtigheid en aanspreeklikheid voldoen wanneer staatsfondse gebruik word. Dit volg op ’n waarskuwing deur die minister van stedelike en landelike ontwikkeling, James Sankwasa, teen die wanbestuur van openbare fondse deur tradisionele leiers. Die kwessie kom te midde van vrae oor die administrasie van fondse wat met Oonani Investments Group, die beleggingsarm van die Namibia Traditional Authorities Trust, verband hou. Kamwanyah het met Kosmos 94.1 Nuus gepraat.
    1 min
  • President Nandi-Ndaitwah terug in Windhoek ná staatsbesoek aan Angola
    President Netumbo Nandi-Ndaitwah is terug in Windhoek ná ’n driedaagse staatsbesoek aan Angola. Die presidensiële woordvoerder, Jonas Mbambo, sê die eerste vergadering van die Angola-Namibië Bi-nasionale Kommissie dui op ’n historiese verskuiwing van diplomatieke betrekkinge na praktiese ekonomiese samewerking. Hy sê Nandi-Ndaitwah se besoek het tot ooreenkomste op die gebiede van verdediging, toerisme, sport, kultuur en onderwys gelei.
    1 min
  • ACDP vra brandstofverligting te midde van lewenskostedruk
    Die ACDP is versigtig optimisties dat die mediumtermyn-begrotingsverklaring goeie nuus sal inhou, veral rakende die land se skuldvlakke, met inkomste-invordering wat na verwagtig voorspellings sal klop. Finansminister Enoch Godongwana sal vandag die regering se fiskale beleid vir die volgende drie jaar uiteensit, insluitend inkomste- en uitgawe-prestasie. Steve Swart van ACDP vra Godongwana om die bykomende belastinginkomste vir brandstofverligting aan te wend aangesien stygende lewenskoste steeds druk plaas op Suid-Afrikaners:
    1 min
  • NamPol soek hulp in Danelize Majiedt-saak
    NamPol vra die publiek se hulp om beddegoed en inkopiesakke te identifiseer wat gevind is met die oorskot van die 27-jarige Danelize Majiedt, wie se vermeende moord ondersoek word. Majiedt is op 30 Augustus as vermis aangemeld, en haar oorskot is op 5 Oktober langs 'n leivoor langs Daan Viljoenweg, sowat twee kilometer van 'n polisiepadblokkade, ontdek. Die polisie sê die oorskot was in linne toegedraai, in swart vullissakke geplaas en in twee groot nylon-inkopiesakke verpak. Die items sluit in 'n pers dubbelbed-duvetoortreksel met lopende skrif aan die een kant en skoenlapperontwerpe op die agterkant, 'n wit paslaken, 'n groot oranje-en-bruin blomme-inkopiesak, 'n groot blou inkopiesak versier met waatlemoenontwerpe, en 'n rooi bostuk met die woorde "Teaching is work of heart" langs 'n potloodbeeld. Polisiewoordvoerder adjunkkommissaris Kauna Shikwambi:
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…