Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Ballotti: Opgraderings by Sam Nujoma-stadion vorder goed
    Adjunkminister van jeug en sport, Dino Ballotti sê Katutura inwoners kan daarna uitsien om binnekort weer groot sokker-toernooie by die Sam Nujoma-stadion by te woon. Hy sê herstelwerk aan die stadion vorder goed. Ballotti sê ook dat van die ander publieke sport-fasiliteite regoor die land tans opgraderings ondergaan:
    1 min
  • Ultimate.earth skenk rekenaars aan Abraham Gariseb-laerskool
    Sewe nuwe rekenaars gaan aan leerders van die Abraham Gariseb-laerskool in Sorris Sorris groter toegang tot tegnologie en nuwe opvoedkundige geleenthede bied. Die rekenaars, met 'n waarde van ongeveer 100 000 Namibiese dollar, is deur ultimate.earth en sy Conservation Travel Foundation geskenk as deel van 'n groeiende program om leerders in van Namibië se mees afgeleë skole vir die toekoms toe te rus. Tristan Cowley, besturende direkteur van ultimate.earth:
    1 min
  • Regter Esi Schimming-Chase neem afskeid van Gert Strydom
    Die voormalige Hoofregter Gert Strydom is vandag tydens 'n staatsgedenkdiens in die Parlementstuine in Windhoek vereer vir sy onwrikbare toewyding aan geregtigheid. Strydom, wat op 88-jarige ouderdom in Swakopmund oorlede is, het van 1999 tot 2003 as Namibië se derde Hoofregter gedien. Regter Esi Schimming-Chase van die Hooggeregshof het sy nalatenskap geprys en hom beskryf as 'n verdediger van geregtigheid wat uitsprake gelewer het sonder begunstiging of diskriminasie op grond van ras of geloof.
    1 min
  • SA staar kort-termyn vleisprysstygings in gesig weens BKS-uitbreking
    Suid-Afrika staar kort-termyn vleisprysstygings in die gesig, hoofsaaklik vir skaap en lam, na die verbod op Namibiese vee-uitvoere weens bek-en-klouseer. Landboukundige Kobus Laubscher sê die Namibiese verbod, plaaslike voerkraalbeperkings en die heropbou van kuddes dryf die tydelike voorraaddruk aan, hoewel dit 'n kortstondige ontwrigting bly eerder as 'n langtermyn tekort. Hy het met Kosmos 94.1 Nuus gepraat:
    1 min
  • Regering moet spoed optel met vleisuitvoer-diversifikasie
    Die parlement gaan die regering uitvra oor pogings om Namibië se vleisuitvoermarkte te diversifiseer, met die LPM-parlementslid Utaara Mootu wat inligting wil bekom oor 'n voorgestelde handelsooreenkoms met Angola vir 10 000 ton beeste, beesvleis en beesvleisprodukte. Mootu sê die diversifisering van markte kan help om boere te beskerm teen ontwrigtings soos die huidige uitbreking van bek-en-klouseer. Sy het Donderdagmiddag in die Nasionale Vergadering gepraat:
    1 min
  • Namibia Air se tyd om vlerke te sprei raak min!
    Namibia Air het minder as twee maande om vliegtuie te bekom en die nodige sertifisering te voltooi om sy beloofde bekendstelling in Desember te haal. Lugvaartdeskundige dr. Guy Leitch sê dit is moontlik, maar daar is 'n groot struikelblok. Hy sê die Namibiese Burgerlugvaartowerheid sal vinnig moet optree om die lugredery se lugvervoerdersertifikaat uit te reik, 'n proses wat in Suid-Afrika veel langer kan duur. Hy het met Kosmos 94.1 Nuus gepraat:
    1 min
  • 12:00 Nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    5 min
  • Blou Bulle pak Leeus Saterdag op Loftus
    Die Vodacom Blue Bulls maak gereed om die Leeus Saterdag in 'n Verenigde Rugbykampioenskap-derbywedstryd by Loftus Versfeld-stadion in Pretoria te ontvang. Die afskop is vir 13:30 geskeduleer wanneer ronde 3 van die kompetisie in Pretoria begin. Die president van die Blou Bulle-rugby-unie, Willem Strauss, gee ons meer:
    1 min
  • RPO: Ondanks BKS-uitbreking bly SA vleispryse bestendig
    Die Nasionale Rooivleisprodusente-organisasie van Suid Afrika sê dat vleispryse in die buurland, ondanks die bek-en-klouseer-uitbreking in Namibië, redelik bestendig bly. Daar is egter 'n merkbare styging in speenkalwerpryse bespeur ná die uitbreking op 22 September bevestig is. Frikkie Maree, uitvoerende beampte van die RPO, sê die prys van 94 Namibiese dollar per kilogram vir speenkalwers in daardie week was 32 persent hoër as die September 2025-prys. Maree sê Suid-Afrika voer nie groot getalle stoorlammers vanaf Namibie in nie, en daarom het stoorlammerpryse nie baie beweging getoon nie:
    1 min
  • Sankwasa vra munisipaliteite om behuising te bespoedig
    Stedelike en landelike ontwikkeling-minister James Sankwasa versoek plaaslike owerhede om burokratiese vertragings uit te skakel en die lewering van behuising te bespoedig. In 'n toespraak gelewer deur adjunkminister Evelyn Nawases-Taeyele by die bekendstelling van die PAM Tree Development in Kuisebmond, het Sankwasa munisipaliteite aangespoor om met private ontwikkelaars saam te werk om agterstande in stedelike behuising aan te spreek. Die Walvisbaai-projek bestaan uit 219 gedienste erwe, waarvan 20 aan die plaaslike raad geskenk is, en al 79 huise in Fase Een is reeds uitverkoop.
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…