Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Swakara-telers ervaar 'n tekort aan produksiediere
    Swakara-telers ervaar 'n tekort aan produksiediere, aangesien die internasionale vraag na Swakara-pels hoog bly. Die voorsitter van die Swakara-raad, Julene Meyer, sê die bedryf werk aan verskeie inisiatiewe om die nasionale kudde te vergroot, insluitend finansiering vir telers om diere vir genetiese verbetering aan te skaf. Die Swakara-raad het vanjaar ook vyf ramme en ooie deur middel van staats-toetsplase beskikbaar gestel, terwyl opleiding oor kruisteling daarop gemik is om produksie so vinnig moontlik uit te brei. Meyer het met Kosmos 94.1 Nuus gepraat:
    1 min
  • 11:00 Nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    4 min
  • Shadrack Sibiya bly in aanhouding op seks-aanklagtes
    Die geskorste adjunk- nasionale polisiekommissaris, Shadrack Sibiya, sal na verwagting op 29 September weer in die Randburg-landdroshof verskyn op aanklagte van verkragting en seksuele aanranding. Die senior polisie-offisier word daarvan beskuldig dat hy 'n 18-jarige vrou verkrag het en 'n 16-jarige meisie seksueel gereedgemaak het. Kaizer Kganyago van die Nasionale Vervolgingsgesag sê Sibiya sal in die Kgosi Mampuru-gevangenis in aanhouding bly terwyl die staat borgtog teenstaan, weens kommer oor inmenging met getuies, dreigemente en 'n moontlike ontsnapping.
    1 min
  • Oud-minister betrek by lelike aantygings van intimidasie en teistering
    ’n Dringende aansoek is by die hoërhof ingedien na aanleiding van ’n eskalerende kommersiële geskil oor ’n kleinhandelontwikkeling in Omuthiya wat tot stilstand gekom het. Die aansoekers, William De’Ath, Sven Patzner en Fortitude Group Holdings, vra vir ’n tussentydse interdik teen Ha-Na-He Farming and Trading van oud-minister Pendukeni Iivula-Ithana, sy verteenwoordiger Kotje Ngaujake, en lede van die Namibiese polisie. Yanna Smith doen verslag.
    2 min
  • 10:00 Nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    4 min
  • Jean-Louis gesels met Estie Schreiber oor ThreshHold RealMSM
    Hierdie week gesels Jean-Louis met Estie Schreiber oor ThreshHold RealMSM en hoe dit moontlik kan help met alledaagse liggaamspyn en seer gewrigte.

    Of jy nou ’n atleet is met seer knieë, of iemand wat daagliks met gewrigspyn en pyn in jou liggaam sukkel – ThreshHold kan moontlik ’n rol speel, maar dit is belangrik om dit korrek te gebruik.

    Luister na die volledige gesprek om meer uit te vind.

    Vir meer inligting, besoek www.threshhold.co.za of stuur ’n e-pos aan [email protected].
    12 min
  • BOSA: DA-behuisingsbelofte in Kaapstad "te min, te laat"
    Build One South Africa het gereageer op die DA se jongste behuisingsbelofte vir Kaapstad en dit as "te min, te laat" bestempel. Die burgemeester, Geordin Hill-Lewis, het gister in die aanloop tot die plaaslike verkiesing, ’n nuwe plan vir bekostigbare behuising bekendgestel. Roger Solomons van BOSA sê egter die syfers dui aan daar is die afgelope jaar net meer as sewe-duisend-400 behuisingsgeleenthede regoor die Wes-Kaap verskaf, teenoor ’n waglys van meer as 490-duisend huishoudings.
    1 min
  • NQA vra vir geverifieërde kwalifikasies
    Die Namibiese Kwalifikasie-owerheid waarsku dat kwalifikasies behoorlik geakkrediteer en geverifieer moet word om die integriteit van die arbeidsmag te beskerm. Tydens 'n vergadering met belanghebbendes het Joseph Amunyela, die uitvoerende hoof vir kwalifikasies, gesê dat kwalifikasies waarvan die gehalte gewaarborg is, noodsaaklik is.
    1 min
  • Sokker: Mosimane sê Bafana Bafana kan by die Springbokke leer
    Die Bafana Bafana-afrigter Pitso Mosimane sê die span kan by die Springbokke leer, wat sterk mededingend bly ongeag wie hulle teenstanders is. Mosimane sê die druk om plekke in die span kan die beste in spelers na vore bring en selfvoldaanheid voorkom. Bafana is besig met voorbereiding vir die 2027-Afrikabekertoernooi-kwalifiseringswedstryde teen Guinee en Eritrea. Mosimane beklemtoon die belangrikheid daarvan om 'n duidelike roete vir junior nasionale spanne na Bafana Bafana te ontwikkel:
    1 min
  • Brown Mogotsi vierde keer borgtog geweier
    Die Johannesburgse Landdroshof het die vierde keer borgtog geweier aan die selfverklaarde politieke bemiddelaar, Brown Mogotsi. Hy staan tereg op aanklagte van regsverydeling en meineed nadat hy na bewering 'n sluipmoordpoging op homself nagemaak het in Vosloorus, Gauteng. Landdros Anneline Tlhapi het bevind Mogotsi het versuim om 'n betroubare en bevestigbare woonadres te verskaf, dat hy nie 'n betroubare aansoeker is nie en 'n vlugrisiko inhou:
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…