'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die vakbondfederasie Cosatu doen 'n beroep op verhoogde regeringsbefondsing vir getuiebeskermingsprogramme, aangesien huidige hulpbronne nie voldoende beskerming bied vir verklikkers wat korrupsie en wangedrag blootlê nie. Die federasie verwelkom die Wet op Beskermde Bekendmakings wat vir openbare kommentaar gepubliseer is, en beskryf dit as 'n positiewe stap in die versterking van die beskerming van verklikkers. Matthew Parks van Cosatu sê sonder voldoende befondsing kan getuiebeskermingstelsels sukkel om die sekuriteit te bied wat nodig is om meer mense aan te moedig om na vore te tree:

Die Britse regering het onderneem om 2,5 persent van die BBP teen 2027 aan verdediging te bestee. Die land se minister van verdedigingsgereedheid en nywerheid, Luke Pollard, sê aan Sky News die tempo is goed veral met ‘n bykomende 5 miljard pond wat vanjaar toegeken is en die teiken om 3,5 persent van BBP teen 2035 te bestee.

Jean-Louis gesels met KJ van JSB Sports Betting oor hoe die KosMOS Fees en JSB Sports Betting vir jou die kans gee om ’n onvergeetlike reis vir twee na Suid-Afrika te wen.

Vind uit hoe om deel te neem en hoekom jy beslis by KosMOS Fees moet wees.

Wat jy kan wen:

-Retourvlugte vir twee na Suid-Afrika

-2 nagte se verblyf

-Kaartjies om die Springbokke teen Engeland te sien speel by Ellis Park op 4 Julie.

Totale waarde van N$30 000!

Skryf nou in: bit.ly/JSB-Giveaway

Hoe om in te skryf:

Koop jou KosMOS Fees-kaartjie

Voltooi die inskrywingsvorm

Hê ’n geldige JSB Sports Betting-rekening

Wees by KosMOS Fees op Saterdag, 25 April vir die regstreekse aankondiging

Geen her-trekkings nie - jy moet daar wees om jou prys te eis

B’s en V’s geld. Geen onder 18’s

Die Petroleum Opleidings- en Onderwysfonds, Petrofund, in samewerking met FirstRand Group en die Beleggingsbevorderings- en Ontwikkelingsraad, sal 'n tweedaagse werkswinkel vir olie- en gasverskaffers van 21 tot 22 April in Windhoek aanbied. 'n Tweede werkswinkel sal in Augustus in Walvisbaai aangebied word. Dit is in ooreenstemming met Petrofund se mandaat om nasionale kapasiteit binne die stroomop-olie- en gassektor te bou, gelei deur die Nasionale Stroomop Petroleum Plaaslike Inhoudsbeleid. Petrofund se woordvoerder, Shoki Kandjimi, verduidelik die belangrikheid van die werkswinkels.

Die landbou-organisasie, TLU SA doen 'n beroep op die publiek om pogings te ondersteun wat boere se geestesgesondheid bevorder. Die pleidooi volg op die 'kus-tot-kus vir boere'-veldtog, waartydens 'n span van kus tot kus per jetski gereis het wat die druk wat boere moet verwerk uitgelig het, insluitend markonsekerheid, stygende koste, regulatoriese uitdagings en sosiale isolasie. Bennie van Zyl van die organisasie sê meer openbare steun is nodig om boerderygemeenskappe te beskerm:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

AfriForum moedig ouers, onderwysers en belanghebbendes aan om terugvoer in te dien oor die Departement van Basiese Onderwys se voorgestelde nuwe geskiedeniskurrikulum vir Graad 1 tot 12 wat op 20 Maart in die Staatskoerant gepubliseer is. Alana Bailey van AfriForum beklemtoon geskiedenis moet objektief aangebied word om kritiese denke, empatie en geletterdheid te bevorder. Sy waarsku dat bevooroordeelde inhoud mites kan verskans of sondebokke kan skep, en dring aan op meer gemeenskapsgerigte onderrig:

Die Verenigde Koninkryk se minister van Verdediging, John Healey, beskuldig Rusland dat hy die Iran-oorlog gebruik om vyandelike aktiwiteite teen Europa uit te voer. Dit volg nadat Brittanje, Noorweë en ander lande gereageer het op die afgelope weke se toenemende Russiese aktiwiteit in die Noord-Atlantiese Oseaan. Healey sê tydens die maand lange operasie is drie Russiese duikbote opgespoor wat probeer het om belangrike ondersese infrastruktuur in die Noord-Atlantiese Oseaan waar te neem. Hy sê hulle het gekeer dat die vaartuie “onderduimse” operasies uitvoer:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.