'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Jean-Louis gesels met Anette Rheeder oor nog ’n produk in die Irma’s Rescue reeks, naamlik Irma’s Heartbreak Rescue. In hierdie episode deel hulle meer oor die doel van die produk en hoe dit mense kan ondersteun in uitdagende emosionele tye.

Luisteraars kan die Irma’s Rescue reeks by hulle naaste apteek kry.

Vir verdere navrae kan jy ’n e-pos stuur na [email protected]

of ’n WhatsApp boodskap stuur na +27 72 984 7566.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

PDM-leier McHenry Venaani het die regering aangespoor om die Namibiese Weermag se vermoëns te moderniseer, in reaksie op toenemende geopolitieke spanning. Tydens parlementêre besprekings het hy die behoefte aan nuwe, gevorderde militêre toerusting beklemtoon om nasionale verdediging te verbeter en te verseker dat die mag behoorlik toegerus is om ontwikkelende veiligheidsuitdagings te hanteer.

President Cyril Ramaphosa het gewaarsku dat, hoewel die sentiment verbeter het, die land nou beloftes in tasbare ekonomiese aktiwiteite moet omskakel. Dit volg nadat die sesde Suid-Afrikaanse Beleggingskonferensie, wat gister in Sandton gehou is, die hoogste beleggingsbeloftes ooit verseker het. In sy slottoespraak het Ramaphosa gesê daar is 'n gaping tussen verbeterde sentiment aan die een kant en groter kapitaalontplooiing wat lei tot sterk groei en werkgeleenthede aan die ander kant:

Bafana Bafana se afrigter, Hugo Broos, sê daar is talle areas waaraan hulle voor die Wêreldbeker moet werk. Hulle moet onder meer geleenthede beter benut. Suid-Afrika het gisteraand in Kaapstad in ʼn vriendskaplike wedstryd teen Panama geleenthede verspeel. Die twee spanne se wedstryd verlede Vrydag in Durban het gelykop geëindig met een elk. Broos sê hulle kon tien keer in die twee wedstryde punte aanteken. Hy sê dis nie goed genoeg nie:

President Donald Trump sê Amerika kan binne twee tot drie weke sy oorlog teen Iran beëindig. Hy het vroeër die week gedreig om Iran se energie-aanlegte te vernietig indien ʼn vredesooreenkoms nie bereik word nie, maar hou vol onderhandelinge vorder. Iran ontken dit egter. Trump het by die Withuis sy bewering herhaal dat ʼn regeringsverandering in Iran bereik is. Hy sê die oorlog kan vroeër verby wees indien ʼn ooreenkoms gesluit word:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

JP Nel gesels met Dr. Theuns Laubscher oor alles wat met diere te doen het in hierdie insiggewende en boeiende program. Skakel elke Maandag om 16:45 in vir gesprekke oor troeteldiere en wild, met fokus op gedrag, sorg, praktiese wenke en fassinerende feite wat elke diereliefhebber sal waardeer.

Elmero Strauss gesels met Derrick Clark oor sy reis in die wêreld van tuinmaak en landskapwerk. Hulle kyk terug na hoe alles begin het, die uitdagings wat hy in die bedryf teëgekom het, en sy diep passie om met die natuur te werk. ’n Inspirerende gesprek oor groei, deursettingsvermoë en die skoonheid van die buitelewe.