Die Kommunikasiewerkersvakbond sê dit is duidelik dat die regering geen politieke wil het om die Suid-Afrikaanse Poskantoor van likwidasie te red nie. Georganiseerde arbeid het voorstelle deur die sakereddingspraktisyns om die Poskantoor te likwideer verwerp en sê die stap sal daartoe lei dat meer as 5 000 hul werk verloor. Die vakbond se woordvoerder, Nathen Bowers, sê die Poskantoor kan nie toegelaat word om te misluk nie:

Die sekretaris-generaal van die Verenigde Nasies, Antonio Guterres sê die oorlog in die Midde-Ooste is weer ‘n bewys van hoe dringend die wêreld moet oorskakel na hernubare energiebronne. Hy sê hernubare energie lewer klimaatsekerheid, energiesekerheid en nasionale veiligheid.

In hierdie episode gesels Jean-Louis met Anette Rheeder oor THRESHHold Real MSM en die rol wat dit speel in die bevordering van sterk, gesonde bindweefsel, asook die vermindering van pyn en inflammasie. Hulle bespreek hoe hierdie produk kan bydra tot algehele welstand en lewensgehalte.

THRESHHold Real MSM tablette is beskikbaar in houers van 60 en 120 by jou plaaslike apteek.

Vir gesondheidsnavrae, stuur gerus ’n e-pos na [email protected]

.

Daar is kommer in die parlement oor die regering se versuim om 'n kabinetsbesluit van 2021 te implementeer om die staatsbeheerde mediahuise New Era en Nampa te laat saamsmelt. Die stap het ten doel om dupliseringskoste wat na raming sowat 75 miljoen Namibiese dollar beloop, te verminder. Die voorgestelde samesmelting sal 'n "vlak drie" semi-staatsorganisasie skep, soortgelyk aan entiteite soos NamPower of Telecom. Die IPC-skaduminister van IKT, John-Louw Mouton, het Dinsdag vrae gehad oor hoekom die plan al jare lank draai.

AfriForum doen 'n beroep op die Gautengse regering om die bekendstelling van nuwe voertuignommerplate te staak na bevindinge dat drie vervaardigers pryse onwettig vasstel. Die Mededingingskommissie sê die kartel is sedert middel-2023 in werking, wat koste vir motoriste opjaag. Louis Boshoff van AfriForum waarsku die nuwe nommerplate kan die vervaardigers verder laat wins maak, en dring daarop aan dat die owerhede wag totdat die Mededingingstribunaal sy saak afgehandel het:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die minister van Landbou, John Steenhuisen, verwelkom die Gautengse afdeling van die Hooggeregshof se bevestiging dat die departement wettig gesag het om Suid-Afrika se hantering van bek-en-klouseer te reguleer en te bestuur. Sakeliga en ander organisasies het die aansoek ingedien om dringende tussentydse verligting te kry wat ongereguleerde privaat verkryging en administrasie van entstowwe buite die nasionale raamwerk sou toelaat. Steenhuisen sê die hof het die departement ʼn redelike tydraamwerk gegee om ʼn inentingsraamwerk te publiseer:

President Donald Trump sê visepresident JD Vance en die minister van Buitelandse Sake, Marco Rubio, lei die onderhandelinge met Iran. Sy kommentaar volg 'n dag nadat Iranse amptenare ontken het dat enige kontak met die VSA plaasgevind het en bewerings van gesprekke "vals nuus" is. Die Amerikaanse spesiale gesant Steve Witkoff en Jared Kushner neem ook deel aan die onderhandelinge. Dis egter nie bekend met wie hulle onderhandel nie. Trump is optimisties dat 'n ooreenkoms in sig is, en het bygevoeg dat sy administrasie met die regte mense in Teheran praat:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die Bank van Namibië en die Namibiese Finansiële Instellings Toesighoudende Owerheid, Namfisa, het 'n opgedateerde ooreenkoms onderteken wat samewerking in die regulering en toesig van Namibië se finansiële sektor versterk. Namfisa-woordvoerder Victoria Raimond sê die ooreenkoms vestig 'n raamwerk vir die deel van inligting, gesamentlike toesig en regulatoriese toesig oor bankinstellings, finansiële instellings en finansiële tussengangers.