Die minister van Kleinsakeontwikkeling, Stella Ndabeni, sê die regering is daartoe verbind om ʼn omgewing te skep wat kleinsakeondernemings toelaat om te gedy. Die 14de jaarlikse “Trots Suid-Afrikaans Koop Plaaslik”-beraad is die afgelope twee dae in Sandton, Johannesburg, gehou. Ndabeni sê Suid-Afrika is ʼn nasie met skeppingsvermoë, veerkragtigheid en ondernemingsgees. Sy sê die regering is besig om die sake-omgewing vir kleinsakeondernemings te verbeter:

Die sekretaris-generaal van die Internasionale Maritieme Organisasie, Arsenio Dominguez, het aan Sky News gesê dat militêre begeleiers nie die Straat van Hormuz-krisis sal oplos nie - en dat de-eskalasie die enigste oplossing is. Sy kommentaar kom te midde van die organisasie se buitengewone sitting van sy raad om die impak op skeepvaart en seevaarders van die situasie in die Midde-Ooste te bespreek.

In tye van konflik soos die wêreld tans ondervind en wat huishoudings ook in 2022 met die oorlog in die Oekraïne lamgelê het, kan elektriese voertuie ‘m goeie oplossing wees. Terwyl die voertuie nog nie werklik ‘n groot speler in die Namibiese mark is nie, sê Jens Denk van Electric Vehicles Namibia aan Kosmos 94.1 Nuus dat dit ‘n vlak van onafhanklikheid bied.

Na afloop van die Lewendehaweprodusente-organisasie en Meatco se vergadering verlede week om die toekoms van die veesektor te bespreek, het beide partye gevoel die gesprek was positief. Na 'n paar jaar van onbestendigheid was die heropbou van vertroue reg oor die beesvleiswaardeketting in die kollig. Kosmos 94.1 Nuus het met die LPO se voorsitter, Jako van Wyk gepraat wat meer inligting gee.

Baie werklose Namibiërs wend hulle tot die koop en verkoop van tweedehandse klere om 'n bestaan te maak. Sommige handelaars verdien tussen 2 000 en 6 000 Namibiese dollar per maand uit die handel. Kosmos 94.1 Nuus het met die Unam-ekonoom dr. Omu Kakujaha-Matundu gepraat wat sê sektore soos hierdie benodig staatsondersteuning om sakebedrywighede te vergemaklik. Hy sê egter dat onnodige burokrasie die groeiende sektor sal benadeel.

Die Bank van Namibië is aangewys as die wenner van die KI-inisiatieftoekenning by die gesogte Sentrale Banktoekennings, ter erkenning van die bank se suksesvolle integrasie van kunsmatige intelligensie en masjienleerinstrumente in sy daaglikse bedrywighede. Die toekenning erken instellings wat KI-tegnologieë effektief ontplooi het op gebiede soos voorspelling, likiditeitsbestuur, betalingstoesig, regulatoriese verslagdoening, handel en bedrogopsporing. Die bank se woordvoerder, Naufiku Hamunime:

Vandaggesels Elmero Strauss met Jaime Smith oor haar splinternuwe boek Level Up: Adulting is for Real, wat hierdie Vrydag, 20 Maart, vrygestel word. Ons ontdek die inspirasie agter die boek, die boodskap wat Jaime wil deel, en die betekenis van hierdie nuwe vrystelling.

Kaptein Louis Oosthuizen sê hy plaas nie homself of enige van sy Southern Guards GC-spanmaats onder enige ekstra druk wanneer LIV-gholf hierdie week die heel eerste keer in Suid-Afrika plaasvind nie. Meer as 90 000 toeskouers sal van môre tot Sondag die toernooi in Steyn City in Johannesburg bywoon. Die Suid-Afrikaanse afdeling van die Southern Guards sluit ook Charl Schwartzel, Dean Burmester en Branden Grace in. Oosthuizen sê hulle wil hulle tuisvoordeel laat tel:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Jean-Louis gesels met Estie Schreiber oor mans en prostaatprobleme. In hierdie episode deel ons insig, raad en nuttige inligting oor hoe mans hul prostaatgesondheid kan ondersteun.

Hulle bespreek ook A Vogel Prostasan kapsules, ’n produk wat beskikbaar is by apteke regoor Namibië.

Vir meer inligting, epos [email protected]

of besoek die webwerf www.avogel.co.za

.