Die Pentagon het duisende soldate ontplooi na die Midde-Ooste en president Donald Trump dreig reeds ‘n geruime tyd om troepe op die grond te plaas. Iran se adjunk-buitelandse minister Saeed Khatibzadeh het in ‘n onderhoud met SkyNews gesê Amerika is mag-mal.

Kry die nuus soos dit breek.

Die Namibië Groenwaterstofprogram het 'n belangrike werkswinkel in Windhoek aangebied om die land se industriële dekarbonisering en groen energiedoelwitte te bevorder. Na die sluiting van projekvoorstelle in Februarie, het meer as 100 aansoekers met belangrike globale finansiële instellings vergader, insluitend die Wêreldbank en die Afrika-ontwikkelingsbank om toegang tot 250 miljoen Amerikaanse dollar in konsessie-klimaatfinansiering te ondersoek. Siddarth Dasgupta, die Klimaatbeleggingsfonds se hoof van industrie en globalisering, het gesê Namibië is die mees indrukwekkende land op die fonds se profiel.

AfriForum, plaaslike inwoners en belanghebbendes het 'n nuwe aansoek verwerp om 'n steenkoolmyn naby die suidelike grens van die Krugerwildtuin te ontwikkel. Die Tenbosch Mining-Manzolwandle Investments ondergrondse myn teiken 'n gebied van 18 000 hektaar, wat verwerkingsfasiliteite, voorraadophopings- en waterbehandelingsinfrastruktuur sal insluit. Lambert de Klerk van AfriForum waarsku teen onherroeplike skade aan die omgewing, veral die Krokodilrivier, asook skade aan watersekerheid, landbou en toerisme in Mpumalanga:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Jean-Louis gesels met Bernard Zulch, Hoof Finansiële Beampte van Momentum Short-Term Insurance Namibia. Die gesprek fokus op Momentum se betrokkenheid as senior borg by die KykNET Buite Ekspo, in samewerking met die KosMOS Fees 2026.

Nes plaaslik deur Namport bevestig is, sê president Cyril Ramaphosa die konflik in die Midde-Ooste het die kollig op Suid-Afrika se hawens en hul strategiese waarde geplaas. Die konflik het handel deur die Straat van Hormoes drasties ontwrig, 'n belangrike skeepvaartroete nie net vir olie en gas nie, maar ook vir kunsmis. Ramaphosa sê wanneer groot skeepvaartroetes ontwrig word, het Suid-Afrika die geleentheid om homself as 'n alternatiewe spilpunt te plaas:

Die Europese Kommissie gaan nie die Europese Unie se verbod op Russiese olie en gas verslap nie. President Donald Trump se administrasie het verlede week besluit om sanksies tydelik op te hef sodat ander lande Russiese olie en petroleum wat reeds op vaartuie ter see is, kan koop. Die doel is om markte te bestendig te midde van die ontwrigting van Midde-Oosterse olie- en gasvoorsiening. Die Europese Kommissie se visepresident, Kaja Kallas, sê die internasionale gemeenskap moet weens die oorlog in Oekraïne druk op Rusland volhou:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

'n Ekonoom van die Noordwes-Universiteit se Sakeskool, Raymond Parsons, sê die toenemende Midde-Oosterse konflik veroorsaak uiters hoë wêreldwye oliepryse. Parsons sê Suid-Afrika is 'n olie-afhanklike ekonomie en kan hoër vervoer- en voorsieningskoste, stygende brandstof- en kunsmispryse, en druk op inflasie en groei te wagte wees. Hy glo gekoördineerde regeringsoptrede, duidelike kommunikasie en geteikende maatreëls kan huishoudings en ondernemings teen die uitwerking beskerm: