Die GOOD-party het Sandra Dickson gevoeg as raadslid in sy Koukus van Aktiviste in die Stad Kaapstad. Sy vervang Anton Louw, wat bedank het om op sy rekeningkundige praktyk te fokus. GOOD se sekretaris-generaal, Brett Herron, sê Dickson se sterkpunt oor die jare was om fondse noukeurig te monitor, en haar formele opleiding in die finansiële sektor en liefde vir wiskunde aan te wend vir die bevordering van maatskaplike geregtigheid:

Krieket: Nieu-Seeland se kaptein, Mitchell Santner, het volle vertroue in sy span se vermoë om Suid-Afrika vandag in Kolkata te klop in die halfeindstryd van die T20-Wêreldbekertoernooi. Die Swartpette het in 2021 die eindstryd gehaal, maar teen Australië vasgeval, en in 2024 nie verder as die groepfase gevorder nie, waar die Proteas as naaswenners geëindig het. Santner sê hulle sal druk op Suid-Afrika toepas wanneer dit die meeste saak maak:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Ons gesels oor die belangrike verskil tussen angstigheid en paniek, en help jou verstaan wanneer Irma Rescue Panic die regte keuse vir jou kan wees.

Ons bespreek praktiese voorbeelde en gee duidelikheid oor hoe om emosionele uitdagings beter te hanteer met die regte ondersteuning.

Alles is gereël aan my kant. Ek sal organiseer om met jou via Cleanfeed te gesels; anders kan jy inskakel via WhatsApp by +27 72 984 7566.

Die Irma Rescue-reeks, insluitend Irma Rescue Panic, is beskikbaar by jou naaste apteek sowel as op die Clicks-rakke.

Vir navrae oor die Irma Rescue-reeks, asook emosionele en algemene gesondheidsvrae, kontak [email protected]

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die vakbond Giwusa het kommer uitgespreek oor die jongste styging in brandstofpryse. Albei grade petrol kos van vandag 20-sent per liter meer terwyl die dieselprys met tussen 62- en 65-sent gestyg het, afhangend van die swaelinhoud. Giwusa se woordvoerder, Zaki Mamdoo, sê dit gaan ’n onmiddellike en rampspoedige gevolg hê op voedselpryse, aangesien die meeste van Suid-Afrika se landbou- en vervaardigde produkte per pad vervoer word:

Die voormalige nasionale sekuriteitsadviseur vir die Britse regering, Lord Peter Ricketts sê hy kan nog nie ‘n de-eskalasie in die oorlog in Iran sien nie omdat die konflik nog bou. Wat kommerwekkend is, is dat Iran presies doen wat verwag was maar, nie die VSA of Israel het ‘n antwoord daarvoor nie. Ricketts het met Sky News gepraat.

Onafhanklikheidsdag op 21 Maart sal vanjaar amptelik in al 14 streke gevier word, en nie net in een streek soos in die verlede nie. President Netumbo Nandi-Ndaitwah gaan die vieringe in Windhoek geniet. Die landswye vieringe gaan die land altesaam 3,5 miljoen Namibiese dollar kos. Kosmos 94.1 Nuus het met die presidensiële woordvoerder Jonas Mbambo gepraat.

Sauma het sy teenkanting van die voorgestelde in-situ loging-uraanmynbouprojek in die Omaheke-streek sterk herhaal na 'n geslote vergadering met die Internasionale Atoomenergie-agentskap. Sauma-voorsitter Wolfgang Teichert sê hoewel die besprekings boeiend was, het hul standpunt nie verander nie.

Kommer word uitgespreek oor Namibië se brandstofvoorraad na Iran die Straat van Hormuz gesluit het. Ongeveer 20 miljoen vate olie per dag is deur die seestraat verskeep, of sowat 20 tot 30 persent van die wêreldwye olieverbruik, asook 'n vyfde van die wêreld se vloeibare aardgas-vraag. Energieminister Modestus Amutse het die versekering gegee dat die gebeurtenis nie 'n onmiddellike impak op brandstofpryse in die land sal hê nie.