Kosmos 94.1

Die nuwe voorsitter van die Namibiese Kwalifikasie-owerheid, Colen Tuaundu, sê die raad wil verder gaan as goeie oudituitslae en ’n tasbare verskil in die land se onderwys- en opleidingsektor maak. Hy sê die hersiening van die Nasionale Kwalifikasieraamwerk is een van die raad se onmiddellike prioriteite, om te verseker dat die stelsel relevant bly en aan die land se behoeftes voldoen. Die doel is om die gehalte van kwalifikasies te versterk en te verseker dat die vaardighede wat deur opleiding verwerf word, waarde op die arbeidsmark het.

Die DA sê tot 50 noodsaaklike medisynes is nie in die openbare gesondheidsorgstelsel beskikbaar nie, insluitend behandelings vir hoë bloeddruk, diabetes en geestesgesondheidstoestande. Die party dring aan op 'n dringende parlementêre ondersoek na die tekorte. Michele Clarke van die DA waarsku pasiënte kan gesondheidsrisiko's ervaar indien hulle nie hul gereelde medikasie kry nie, of sukkel met soortgelyke medisyne:

President Netumbo Nandi-Ndaitwah het Maandag, 26 Oktober, uit Namibië vertrek na Moskou, Rusland, om die Rusland-Afrika-beraad op 28 en 29 Oktober by te woon. Namibië hoop om tydens die besoek vennootskappe op die gebied van belegging, plaaslike mineraalverwerking en tegnologie-oordrag te bevorder. Ons Russiese spesiale korrespondent in Moskou Yury Lindre het die boodskap in Afrikaans aan president Nandi-Ndaitwah en haar afvaardiging gestuur met hulle besoek aan Moskou:

El Niño versterk en wek kommer oor Namibië se reënseisoen (2)

Die adjunkpresident Paul Mashatile sê die nasionale, provinsiale en plaaslike regering werk saam om die waterkrisis op te los. Tydens 'n toespraak in Bronkhorstspruit, in Tshwane, het Mashatile gesê die prioriteit is om te verseker dat inwoners toegang tot skoon water het. Hy het gesê 'n watertaakspan is op die been gebring om uitdagings aan te spreek, insluitend waterverliese wat deur verouderde munisipale infrastruktuur veroorsaak word. Mashatile het die vertroue uitgespreek voortdurende ingrypings sal help om die krisis op te los, en terselfdertyd watervoorsiening regoor die land sal verbeter:

Die Namibiese Kuberveiligheidsvoorvalreaksiespan (NAM-CSIRT) doen ’n beroep op instellings en die publiek om databeskermingsmaatreëls te verskerp en gelekte persoonlike inligting verantwoordelik te hanteer ná kuberveiligheidsvoorvalle. NAM-CSIRT, wat onder die Kommunikasieregulerende Owerheid van Namibië (CRAN) val, sê die beskerming van sensitiewe inligting vereis proaktiewe sekuriteitsmaatreëls. CRAN se Mufaro Nesongano:

Kry die nuus soos dit breek.

Die Blou Bulle het die Springbok-losvoorspeler Kwagga Smith op ’n driejaarkontrak vasgelê. Die 33-jarige, ’n dubbele Rugbywêreldbekerkampioen, keer ná agt seisoene in Japan terug na Suid-Afrika en sal weer saamwerk met Johan Ackermann, wat hom voorheen by die Leeus afgerig het. Smith herstel tans van ’n ernstige kniebesering en hoop om vroeg volgende jaar weer op die veld te wees. Willem Strauss, president van die Blou Bulle, vertel ons meer.

FNB Namibië en DHL Namibië het ’n vennootskap aangegaan om klein en medium ondernemings te help om hul produkte oorsee te bemark en toegang tot internasionale markte te kry. Deur DHL se GoTrade-program sal ondernemings uitvoeropleiding, mentorskap en logistieke ondersteuning ontvang, terwyl FNB finansiering, finansiële opleiding en sakeadvies sal bied om hulle te help om bestellings te finansier en hul ondernemings uit te brei. Nesdha De Jongh, hoof van FNB Namibië se SME-afdeling, vertel meer oor hoe die vennootskap plaaslike ondernemings kan help om internasionaal mee te ding.

In jou finansiële nuus vanoggend: Hoe lyk die mediumtermyn-plan om weer lewe in die land se veebedryf te blaas na dit sy bek-en-klouseervrye status verloor het? Die uitvoerende hoof van die Namibiese Landbou-unie, Roelie Venter, het met Rene Olivier van Royale Wealth Management gepraat En: Stamper Oil & Gas verwelkom Namibië se voorgestelde hervorming van petroleumwetgewing terwyl buitelandse olie-eksplorasie momentum kry.