Die 2026 Nedbank for Good-reeks het amptelik afgeskop. Die nasionale gholfinisiatief verbind sedert 2020 mededingende sport met gestruktureerde gemeenskapsopheffing, en kanaliseer toernooi-opbrengste in landbou-ontwikkeling reg oor die land. Nedbank-woordvoerder Selma Kaulinge het aan Kosmos 94.1 Nuus gesê deur die vennootskap met Agra ProVision, is meer as 500 000 Namibiese dollar reeds in tuinbou-opleiding en kapasiteitsbou belê.

Jean-Louis gesels met Anneri Luck, Direkteur van Belasting by PwC, oor die jongste Nasionale Begroting wat deur die Minister van Finansies ter tafel gelê is. Saam ontleed hulle die belangrikste hoogtepunte uit die begroting, bespreek die positiewe aspekte van die toespraak en lig moontlike bekommernisse uit wat belastingbetalers kan raak.

Hulle kyk ook na nuwe belastingvoorstelle, veranderinge aan belastingkoerse en wat Suid-Afrikaners vorentoe kan verwag. ’n Praktiese en insiggewende gesprek oor wat die begroting regtig vir jou sak beteken.

Opwinding loop hoog by die 115de Investec Suid-Afrikaanse Ope Kampioenskap by die Stellenbosch Gholfklub, met organiseerders wat bevestig dat kaartjies uitverkoop was voor Woensdag se opening. Mej. Namibië 2004, Adéle Basson, is betrokke by vanjaar se geleentheid, en sy het Kosmos 94.1 Nuus verbind met Louis Destroo, die direkteur van gholf by die klub. om insig te gee in waarna toeskouers kan uitsien soos vanjaar se toernooi Sondag tot 'n einde kom.

Die leier van die amptelike opposisie in die parlement, Imms Nashinge, het die finansminister geprys vir 'n nasionale begroting vir 2026/27 wat hy as gebalanseerd beskryf. Nashinge sê meer moet gedoen word om die lewens van burgers te verbeter, en spesifieke fokus moet op werkskepping en behuising geplaas word. Nashinge het die parlement toegespreek na die begroting ingedien is.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die lot van Zimbabwiese boere wat in die Mugabe-era aggressief van hul grond verwyder is, kry steeds nie aandag nie. Die woordvoerder van SADC Tribunal Rights Watch en boer Ben Freeth het nou aan president Emmerson Mnangagwa geskryf en hom aangespoor om die oppergesag van die reg te herstel. Freeth het aan Kosmos 94.1 Nuus gesê dat selfs na 25 jaar die meerderheid van die ongeveer 4 500 onteiende boere nog steeds geen vergoeding vir hul verliese ontvang het nie, en baie van hulle is nou bejaard en in 'n benarde posisie.

Amerikaanse media gons oor die ontmoeting tussen die New York-burgemeester Zohran Mamdani en president Trump Donderdag. Dit was ietwat van 'n verrassing omdat dit nie op die openbare skedule was nie. Mamdani soek 21 miljard Amerikaanse dollar in federale fondse om 12 000 behuisingseenhede te bou en het Trump met ‘n fop-voorblad van die New York Daily News voorgelê. Dit het die opskrif "TRUMP TO CITY: LET'S BUILD” bevat. Berigte lui dit was ‘n positiewe vergadering, ‘n verrassing omdat die twee uiters haaks was tydens Mamdani se veldtog. Luister self...

Die lot van Zimbabwiese boere wat in die Mugabe-era aggressief van hul grond verwyder is, kry steeds nie aandag nie. Die woordvoerder van SADC Tribunal Rights Watch en boer Ben Freeth het nou aan president Emmerson Mnangagwa geskryf en hom aangespoor om die oppergesag van die reg te herstel. Freeth het aan Kosmos 94.1 Nuus gesê dat selfs na 25 jaar die meerderheid van die ongeveer 4 500 onteiende boere nog steeds geen vergoeding vir hul verliese ontvang het nie, en baie van hulle is nou bejaard en in 'n benarde posisie.

Namibië bly onder die uitgebreide invloed van La Niña, hoewel weerkundiges 'n oorgang na neutrale toestande teen die einde van die eerste kwartaal verwag. Terwyl die verskynsel tipies bogemiddelde neerslag aandui, sê die onafhanklike meteoroloog Johan van den Berg dat seisoenale reënvalpatrone oor die land begin normaliseer, met die onmiddellike 10-dae-vooruitsig vir sentraal-Namibië wat 'n tydperk van hoë hitte insluit, terwyl aanddonderstorms na verwagting vroeg in Maart sal terugkeer. Van den Berg het op met AMT gepraat.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.