Kosmos 94.1

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

PDM-parlementslid Rosa Mbinge-Tjeundo vra vir die bespoediging van wysigings aan die Wet op die Motorvoertuigongelukkefonds, met die oog op ’n hersiening van die huidige begrafnistoelae van 7 000 Namibiese dollar. Sy sê stygende begrafniskoste bring mee dat die bedrag nie meer voldoende is nie, wat dit vir families moeiliker maak om die koste te dek wanneer hulle geliefdes in padongelukke verloor.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Vrydag het een oorwinning en een nederlaag vir Suid-Afrikaanse spanne in die Verenigde Rugbykampioenskap opgelewer. Die Haaie het Cardiff 36–21 in 'n bonuspunt-oorwinning geklop, maar die Leeus moes in Edinburgh met 31–10 die knie teen hierdie onoorwonne Skotse span buig. Die Haaie is stewig terug in die boonste helfte van die punteleer. Die Bulle speel vandag teen Ulster en die Stormers teen die Scarlets. Die Bulle se afrigter, Johan Ackermann, het met Kosmos 94.1 Nuus gesels.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

China se nul-tariewe op kwalifiserende Afrika-uitvoere kan beduidende voordele vir Namibië se handel en ekonomiese groei inhou. Daar word verwag dat die beleid nuwe geleenthede sal skep vir plaaslike ondernemings wat toegang tot internasionale markte soek. Hellen Amupolo, uitvoerende beampte vir besigheids- en kommersiële bankwese by Standard Bank Namibië, sê die fokus is nou daarop hoe die land sy uitvoerders kan posisioneer om voordeel te trek uit verbeterde toegang tot een van die wêreld se grootste verbruikersmarkte.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die land se hernubare-energiesektor kry ’n hupstoot met die amptelike ingebruikneming van InnoVent se Diaz-windplaas suid van Lüderitz. Die projek van 1,9 miljard Namibiese dollar bestaan uit 11 turbines met ’n gesamentlike kapasiteit van 50 megawatt. Sowat 44 megawatt sal na die nasionale kragnetwerk gevoer word, terwyl die windplaas na verwagting jaarliks 240 gigawatt-uur se elektrisiteit sal opwek. NamPower se besturende direkteur, Simson Haulofu, het tydens die inhuldiging gepraat.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Midde groot uitdagings in die natuurlike diamantbedryf wil die Mynwerkersunie van Namibië griewe van werkers in die diamantsny- en poleerbedryf voor die parlement sleep. Die vakbond dring aan op 'n ondersoek na werksverliese, lae lone, ontoereikende voordele en beperkte vaardigheidsoordrag aan Namibiërs in die bedryf. Die vakbond se sekretaris-generaal, George Ampweya, het met Kosmos 94.1 Nuus gepraat.