Meatco het sy strategiese plan vir 2026/2027 bekendgemaak. Die staatsinstelling het vanjaar verskeie kontroversiële kwessies deurstaan, veral oor sy leierskap. Voormalige uitvoerende hoof Mwilima Mushokobanji se kontrak het verstryk, en die opvolgproses het gelei tot spanning tussen Meatco se raad en die kabinet. Intussen het die maatskappy sy slagteiken van 70 000 diere gemis. Kosmos 94.1 Nuus het met die interim uitvoerende hoof, Albertus Aochamub oor die volgende finansiële jaar gepraat.

Namibië is deur die Afrika-Toerismeraad erken as Afrika se mees outentieke en uitdagende toerismebestemming, wat sy unieke posisie in globale reis beklemtoon. Die toekenning weerspieël toenemende internasionale belangstelling in lae-digtheid, bewaringsgerigte en kultureel outentieke ervarings. Gitta Paetzold, uitvoerende hoof van die Gasvryheidsvereniging het aan Kosmos 94.1 Nuus gesê dat verbeterde lugverbindings internasionale aankomste verder kan bevorder.

Die Departement van Binnelandse Sake het sewe Keniaanse burgers in Johannesburg in hegtenis geneem omdat hul met toeristevisums onwettig in Suid-Afrika gewerk het. Dit volg op intelligensie-geleide operasies gemik op 'n sentrum wat vlugtelingaansoeke na Amerika verwerk. Deportasiebevele is aan die mense uitgereik en hul is vyf-jaar-lank in die land verbied. Minister Leon Schreiber sê diplomatieke verbintenisse met Kenia duur voort:

Nick Reiner, die jongste seun van die vermoorde Rob en Michelle Singer Reiner, het Woensdag vlugtig in 'n Los Angeles hof verskyn. Hy staan tereg op twee moordklagte, maar is nie gevra om te pleit nie en die saak is uitgestel tot 7 Januarie 2026. Volgens berigte het hy 'n tipe selfmoordvoorkomingsbaadjie aangehad, wat vir gevangenes aangetrek word om te keer dat hulle hulself skade aandoen. Sy prokureur, Alan Jackson, het buite die hof gepraat.

Gedruk vir tyd? Rond en bont die hele dag? Kosmos 94.1 Nuus bring vir jou die dag se sportnuus. Plaaslik. In die streek. Internasionaal. Gratis en in Afrikaans. ‘n Samevatting, in minute. Jy kan nie sê jy het nie geweet nie. Elke weeksaand om sewe.

Kry die nuus soos dit breek.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die goewerneur van die Zambezi-streek, Dorothy Kabula, het vanmiddag geweier om 'n petisie van die United Democratic Party te ontvang. Die party wat in 2007 verban is weens sy afskeidingsagenda, wou 'n petisie indien dat die Zambezi-streek, histories bekend as die Caprivi-strook, van die res van Namibië afskei. Kabula sê die partylede moet met hul tradisionele owerhede konsulteer, wat Maandag petisies teen die party en sy afskeidingsideologieë oorhandig het.

Die minister van Sport, Kuns en Kultuur, Gayton McKenzie, het sy meegevoel betuig na die moord op Warrick Stock, algemeen bekend as DJ Warras, gister in Johannesburg. McKenzie beskryf hom as 'n gerespekteerde uitsaaier en kulturele figuur wat jong talent gekoester en Suid-Afrikaanse skeppendheid gevier het. Hy glo buitelanders betrokke by die kaping van geboue kan moontlik met die moord verbind word en sê die betrokkenes sal aanspreeklik gehou word:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.