Vajzat u rikthyen më të karikuara se kurrë në sezonin e dytë. Do ju tregojmë disa detaje nga jeta jonë, cfarë ndodhi në ditët që ishte Ermi në Tiranë? Çfarë është Party Dating? Kë morëm aksidentalisht me vete në taksi e përfunduam në kafe me të?

Ngjarjet e fundit na kanë përfshirë të gjithëve. A po e perjetojme sërisht një luftë të cilën nuk e mendonim kaq afër? Çfarë po ndodh me konfliktin Rusi-Ukraine? Çfarë pasojash na sjell ky konflikt? A i përngjan luftës në Kosovë e asaj në Bosnje? Klea gjithashtu na prezanton temën e saj me të cilën u diplomua në Universitetin e Grazit, e cila flet për vajzat e gratë e përdhunuara gjatë luftës së Kosovës. Ajo na sugjeroi dhe një libër i cili rrëfen këto histori të dhimbshme, ˋˋUnë dua të dëgjohem‘‘ : https://ngo-integra.org/publication/Un%C3%AB%20dua%20t%C3%AB%20d%C3%ABgjohem%20-%20lib%C3%ABr%20kujtimi%20me%20rr%C3%ABfimet%20e%20t%C3%AB%20mbijetuareve%20t%C3%AB%20dhun%C3%AB%20seksuale.pdf

Në episodin e 19-të me të ftuarën tonë Era Bogdani do të prekim dy çështje, njëra tregon dëshirën e madhe që ajo ka për të mësuar disa gjuhë të huaja dhe nga ana tjetër sjellim eksperiencën e saj në shkëmbimin kulturor me një familje koreane. Trajtojmë disa pyetje të cilat na tregojnë rëndësinë e njohjes së një gjuhe tjetër përvec asaj amtare. Cilat janë benefitet që marrim nga poliglotia? Kur është mosha ideale për të filluar? Na ndiqni!

Kësaj here do t'ju tregojmë se si e bëjmë ne jetën e natës, çfarë historish kemi përjetuar me xixa (alkool) dhe cilat janë ndryshimet midis dy vendeve ku jetojmë ne të dyja. Si gjithmonë, do t'ju tregojmë pjesë të jetës sonë pa filtra dhe japim disa këshilla që na janë dashur ti mësojmë nga përvojat tona.

Episodi 17-të vjen i vecantë, kjo për faktin që vemendja jonë është përqëndruar te fëmijët me nevoja specifike të cilët dashur padashur paragjykohen nga shoqeria për sjelljet që ato shfaqin.

Andi, një djalë me një histori të shkuar të ngjashme, na tregon eksperiencën e tij e cila i ka ndryshuar pikëpamjen për jetën dhe mënyrën e prindërimit.

Për të kuptuar më tepër nga ky diskutim i këndshem ju ftojmë të na dëgjoni.

Në episodin e radhës do të zbulojmë disa “green flags” në një marrëdhënie.

Cilat janë ato sinjale të cilat i japin një konfirmim kësaj njohje që sapo kemi nisur?

Çfarë na bën më shumë përshtypje te takimet e para me atë person?

Në këtë episod duam ti themi mirupafshim vitit 2021 me një rezyme të gjërave negative dhe pozitive që na kanë ndodhur. Ju tregojmë se si ka qenë ky vit për ne dhe çfarë mësimesh morëm. Gëzuar dhe dëgjohemi në 2022!

Të gjithë ne kemi nevojë për një këshillues në jetë, qoftë për të na motivuar ose dhe thjesht per të na treguar rrugën kur ndihemi të humbur.

Çfarë të mirash sjell një mentor në jetën tonë?

Për këtë dhe shumë pikëpyetje të tjera do ti zbuloni në episodin 14 me të ftuaren tonë e cila tregon eksperiencat e saj se si ka kaluar periudhën më të vështirë në jetën e saj dhe se si i ka shërbyer një mentore për zhvillimin e saj personal dhe profesional prej 5 vitesh.

Me te ftuaren tone Keta Halilaj diskutojme pak per rendesine e te dalluarit te shendetit emocional nga ai mendor. Pse po ndihemi keq nga perdorimi i tepert i telefonit? Cfare mund te bejme per ta reduktuar ekspozimin gjate gjithe kohes ne internet? Instagram i blogut: frekuenca4

Nuk mund të qëndronim pa komentuar sëbashku me dy të ftuarat, mikeshat tona Klean dhe Jonën, ngjarjen që është komentuar më së shumti këto ditë nga shqiptarët kudo ku janë, trekëndëshin Bora-Donald-Beatrix. Çfarë mendimi kemi ne për lidhjen që u krijua? Kush ka faj në këtë mes? A është e shëndetshme të krijosh një lidhje tjetër kur je i lëkundur emocionalisht? Si janë marrëdhëniet tona me ishat?