Магијата на театарот почнува да дејствува кога публиката ќе се поистовети со ликовите на сцената, кога ќе стекне доверба во ликот на актерот и кога мислите ќе почнат да го следат дејството на замислениот текст од драматургот и играта на актерите. Тогаш се доживува вистинско театарско искуство, тогаш публиката излегува од реалниот свет и се внесува во имагинарниот, но жив свет на сцената. Таков е ефект постигнува претставата ,,Ало! Ало!’’ во режија на Синиша Ефтимов во Театар Комедија. “ - Тони Димков за претставата ,,Ало! Ало!’’

,,Претставата ги акцентира ефектите на капитализмот и како таква на гледачот му овозможува да погледне внатре во себеси и да направи ретроспекција на сопствениот живот. Поистоветување со некој од ликовите во претставата е пожелно, бидејќи на тој начин побрзо ќе ги сфати сопствените заблуди и ќе има можност порано да размислува како да се ослободи од канџите на капиталистичките односи и релации во сопствениот живот.’’ - Тони Димков за претставата ,,Фирма’’. Слушнете ја целата рецензија и откријте повеќе!

,,Со сценарио зад кое стои вештата рака на Александар Русјаков, овој филм во македонско – српска продукција претставува своевидна модерна балканска бајка која намерно или ненамерно кокетира со архетипски концепти, носејќи на филмското платно нешто оригинално и досега невидено, барем кога зборуваме за овие простори, а можеби и пошироко.’’ - Евгенија Арсова за филмот ,,Лена и Владимир’’. Слушнете ја целата рецензија и откријте повеќе!

Во оваа епизода зборуваме за иднината на филмот заедно со Стефан Палитов.

Зборуваме за новите технологии на вештачката интелигенција кои се појавија во почетокот на 2023тата година и за тоа како истите влијаат и ќе влијаат врз филмската индустрија.

Дали можеме да предвидиме до каде ќе оди оваа промена? Како ќе изгледа снимање на филм за 50 години од сега? Дали режисерите и сценаристите сеуште сами ќе ги пишуваат сценаријата или Chat GPT ќе ги пишува наместо нив?

Дали во филмовите ќе играат вистинските актерски ѕвезди или пак нивните ликови и експресии ќе бидат генерирани по пат на вештачка интелигенција?

Слушнете ја целата епизода, откријте повеќе и уживајте!

Слушнете ја целата рецензија и откријте повеќе!

,,Режисерот како да се бори со сопствената визија да разработи ваква сензитивна тема (трговија со жени) и со неговата тенденција филмот да изгледа како холивудски трилер. Тука лежи неговото најголемо потфрлување. Македонија не е САД. Класичните потези како цивили кои ја земаат правдата во свои раце, па користењето на различни гаџети ала Џејмс Бонд и ноншалантните обиди ликовите да се инфилтрираат во криминалната организација не го задоволуваат ефектот кој режисерот најверојатно сакал да го постигне.’’ - Петра Бранковска.

,,Сметам дека актерите беа феноменални. Одлична изведба од сечија страна.

Слаѓана како глава на актерската екипа покажува колку е всушност таа квалитетен актер. Веќе утврдивме дека во поглед на сценариото, ликовите се плитко изградени, но и покрај тоа Слаѓана успева да се соживее со својот лик и дава најмногу што може во она што значи да се биде Елени и дава да ја има барем таа тројка од можната тридемензионалност на еден лик. ‘’ - Евгенија Арсова. Слушнете ја целата рецензија и откријте повеќе!

,,Судбината на Иванов ќе ве замисли, но претставата нема да ви даде одговори, туку ќе ве упати да ги барате во длабочината на сопствената душа и да реобмислувате некои од сопствените чувства, доживувања и постапки што сте ги направиле во животот.’’ - Тони Димков за претставата ,,Иванов’’ која се игра во Македонски Народен Театар. Слушнете ја целата рецензија за претставата и откријте повеќе!

,,Во таа смисла претставата „Кафез кај Кокони“ во Драмски театар дава придонес во прифаќањето на луѓето со поинакви родови идентитети. Пораките во претставата се пренесени со истенчен вкус, со комични ситуации кои расположуваат и забавуваат, со одлична игра и трансформација на актерите и со храброст да се зборува за теми кои општеството го делат на либерално и конзервативно. Акцентот во претставата е ставен на потребата за љубов, независно дали таа се раѓа во услови на хомо или хетеросексуални релации, меѓу брачни сопружници, или пак, станува збор за љубов кон своите блиски.’’ - Тони Димков за претставата ,,Кафез кај којони’’. Слушнете ја целата рецензија и откријте повеќе!

Во оваа епизода разговараме со режисерот Вардан Тозија за неговиот нов долгометражен филм “М“. За инспирацијата, за пробите, за снимањето и за предизвиците при снимањето на првиот пост-апокалиптичен македонски филм. Слушнете го целиот разговор и откријте повеќе! КРАТКО ИНФО: ,,М’’ е фантастична бајка за осамено, осумгодишно момче Марко, кое е во потрага по љубов низ мрачниот, дистописки свет на нашата блиска иднина.

Режија: Вардан Тозија

Сценарио: Вардан Тозија, Даријан Пејовски

Актерска екипа: Сашко Коцев, Матеј Сиваков, Александар Ничовски, Камка Тоциновски, Бојана Грегориќ-Вејзовиќ, Тони Михаловски, Оливер Митковски, Верица Недеска, Владимир Тулев, Жаклина Петровска, Благој Веселинов, Борис Дамовски, Јасмина Билаловиќ, Михајло Миленковски.

,, „Преекспонирано“ е, пред сѐ, многу добро осмислен филм што вешто ја користи метафората на фотографскиот ефект на Сабатје за да обработи универзална тема. Точно е дека ова не е првпат да бидат прикажани брачни и пубертетски кризи на филмското платно, но уметничкиот израз на Венинова го прави тоа на еден многу суптилен, а ефектен начин.’’ - Марија Лукаревска. ,, Како што многу нешта се премолчуваат меѓу луѓето, така и филмот на Венинова никогаш не ги

открива нештата до крај. Дијалозите и сцените неретко имаат повеќе значења кои гледачите

можат да ги уловат доколку се впуштат под површината, кон длабочините на симболиката на

филмот, а и нивниот сопствен микросвет. Затоа, филмот е одличен за сите љубители на

психолошки драми, како и сите кои сакаат да се преиспитуваат и да ги откриваат тајните лавиринти кои се кријат во човекот.’’ - Филипа Сара Попова. Слушнете ја целата рецензија, откријте повеќе за филмот и уживајте!