ཀུན་གླེང་གསར་འགྱུར། - ཨ་རིའི་རླུང་འཕྲིན་ཁང་།

ཨ་རི་ཐོབ་ཐང་ལྷན་ཚོགས་སུ་བསྐྱར་ཞུགས་བྱ་རྒྱུ། རྒྱ་ནག་གི་འགྲོ་བ་མིའི་ཐོབ་ཐང་གནས་སྟངས་ལ་སྐྱོན་བརྗོད། ཆོ་འཕྲུལ་དུས་ཆེན་ཉིན་དྲ་ལམ་གསུང་ཆོས་ཐད་གཏོང་། སྔོན་འགོག་སྨན་ཁབ་གསར་པའི་ཕན་ནུས། དམག་དཔུང་ལ་སྨད་ར་གཏོང་མཁན་རྣམས་བཀག་ཉར། རྒྱ་གར་དང་ཕ་ཀི་སི་ཐན་གྱིས་མེ་འཕེན་མཚམས་འཇོག

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བཞུགས་སྒར་དུ་བོད་ནང་གི་འཛུགས་སྐྲུན་དང་དབྱེ་འབྱེད་ཐད་སྙན་ཐོ་བཏོན་པ་དང་། བོད་མདུན་ངོས་སུ་འཇོག་པ་ཞེས་པའི་བགྲོ་གླེང་འཚོགས་པ། རྒྱ་དཀར་ནག་གཉིས་ཀྱིས་ས་མཚམས་ཁག་ཅིག་ཏུ་དམག་དཔུང་ཕྱིར་འཐེན། ཏོག་ནད་ཀྱིས་ཨ་རི་བ་ལྔ་འབུམ་གྱི་ཚེ་སྲོག་འཕྲོག་པ་སོགས་ཡོད།

དཀྱིལ་ཤར་ཡུལ་གྲུ་ཨེ་སི་རལ་ནང་མི་མང་བརྒྱ་ཆ་༥༠ ཙམ་ཞིག་ལ་འགོག་སྨན་ཐུན་དང་པོ་དེ་བརྒྱབ་ཟིན་པ་རེད། ནད་དུག་འགོས་རྒྱུའི་ཉེན་ཁ་ཇེ་ཉུང་དུ་སོང་བའི་རྐྱེན་གྱིས་ཁྲོམ་ར་ཁག་དང་རྒྱུན་ལྡན་གྱི་བྱེད་སྒོ་ཁག་བསྐྱར་དུ་སྒོ་ཕྱེ་གྱི་ཡོད་པའི་སྐོར། ཚེ་བརྟན་ཆོས་སྒྲོན་གྱི་ཕབ་སྒྱུར་དང་སྙན་སྒྲོན་ཞུ་གི་རེད།

སྲིད་འཛིན་བྷ་ཌན་གྱིས་Covax འགོག་ཁབ་ལས་འཆར་ལ་ཨ་སྒོར་ཐེར་འབུམ་བཞི་ཞལ་འདེབས་གནང་རྒྱུའི་ཁས་ལེན་བྱས་ཡོད་པ་དང་། འཛམ་གླིང་འཕྲོད་བསྟེན་སྒྲིག་འཛུགས་ཀྱི་ལས་འཆར་འདིས་འཛམ་གླིང་ནང་གི་དཔལ་འབྱོར་ཞན་པ་དང་འབྲིང་བའི་རྒྱལ་ཁབ་༩༢ ཙམ་གྱི་མི་མང་ལ་ཏོག་ནད་འགོག་ཁབ་མཁོ་སྤྲོད་བྱ་རྒྱུ་ཡིན་པ་རེད།

དཀོན་མཆོག་སྦྱིན་པའི་ཆེད་དུ་ངོ་རྒོལ། བོད་མི་བཙོན་འཇུག་དང་འཇུ་བཟུང་། རྒྱ་ནག་དཔོན་རིགས་ཚོས་ཨ་རི་ལ་བརྗོད་པ། རྒྱ་རིགས་༣༠༠ ལྷག་གི་ཡོངས་བསྒྲགས་ཡི་གེ། ནད་ཡམས་སྐབས་འཆི་སྐྱོན་བྱུང་བ་ཚོར་མྱ་ངན། ཧོང་ཀོང་དུ་འོས་བསྡུ་ལ་འགྱུར་བ་གཏོང་འཆར། བོད་དོན་ལས་འགུལ་བ་ཚོ།

ཡུ་རོབ་དབུས་དང་ཤར་ཕྱོགས་སུ་རྒྱ་ནག་གི་འགོག་ཁབ་ཕྱི་འབྲེལ། འཛམ་གླིང་ཚོང་འབྲེལ་སྒྲིག་འཛུགས་ཀྱི་འགོ་ཁྲིད་གསར་པའི་དཀའ་ངལ། ཨ་རིའི་ནང་ཨེ་ཤ་ཡའི་རིགས་རྒྱུད་ལ་རྒོལ་རྡུང་ཇེ་མང་། གནས་མཆོག་རྡོ་རྗེ་གདན་དུ་དགེ་ལྡན་མཆོད་འབུལ་སྨོན་ལམ། སྲིད་འཛིན་ཟུར་པ་ཊམ་གྱི་མ་འོངས་ཆབ་སྲིད་མདུན་ལམ།

བོད་མིར་བཙོན་འཇུག་མནར་གཅོད་དང་འདས་གྲོངས། དྲ་ལམ་དུ་རྒྱ་གར་གྱི་ཉེན་རྟོག་མི་སྣར་བཀའ་མོལ། བྱང་ཀོ་རི་ཡས་དྲ་ལམ་དུ་འཛམ་གླིང་ལ་རྐུན་བཅོམ། གཟའ་སྐར་མིག་དམར་སྟེང་འཚོལ་ཞིབ་འཕྲུལ་ཆས། འབར་མར་མུ་མཐུད་རྔམ་སྟོན་ངོ་རྒོལ། རྒྱ་གར་དང་ཕེ་རི་སི་རུ་བོད་དོན་ལས་འགུལ།

ཐེངས་འདིའི་ཀུན་གླེང་གསར་འགྱུར་ནང་༧གོང་མཆོག་གིས་རྒྱ་གར་གྱི་ཉེན་རྟོག་མི་སྣར་གཞན་གྱི་སྡུག་བསྔལ་ལ་བསམ་ཤེས་དང་བྱམས་བརྩེའི་བཀའ་སློབ་གནང་བ་དང་། ཨ་རིའི་ཕྱི་སྲིད་ལས་ཁུངས་ཀྱིས་བོད་ཀྱི་ལོ་སར་སྲུང་བརྩི། བོད་དོན་སྲིད་ཇུས་དང་རྒྱབ་སྐྱོར་ཁྲིམས་ཡིག་ལ་ལེགས་གསོལ་གནང་བ་སོགས་ཡོད།

༧གོང་ས་མཆོག་གི་མཛད་འཆར། ཨ་རིའི་གཞུང་གསར་བའི་ལོ་སར་འཚམས་འདྲི། ལོ་སར་སྐབས་སུ་བོད་དོན་ལས་འགུལ་སྤེལ་བཞིན་པ། འབྱོར་ལྡན་རྒྱལ་ཁབ་བདུན་གྱི་ཚོགས་འདུ། སྲིད་འཛིན་ཟུར་བར་ཉེས་འཛུགས་དོན་འཁྱོངས་མ་བྱུང་བ། ཨ་རིའི་ནང་གི་ཏོག་དབྱིབས་ནད་ཡམས་ཀྱི་གནས་སྟངས། འབར་མར་ལས་འགུལ་མུ་མཐུད་སྤེལ་བཞིན་པ།

༄༅།།ཨ་རིའི་སྲིད་འཛིན་བྷ་ཌན་གྱི་ཕྱི་སྲིད་ལྷན་ཁང་གིས་ལོ་སར་ཚེས་གཅིག་ཉིན་ཐེངས་དང་པོར་བོད་ཀྱི་ལོ་གསར་སྲུང་བརྩི་ཞུས་པ་དང་། དྲ་ལམ་གྱི་ལོ་གསར་མཛད་སྒོའི་སྟེང་ཕྱི་སྲིད་དྲུང་ཆེ་བྷི་ལིན་ཁེན་གྱིས་བོད་ཀྱི་ལོ་གསར་ལ་འཚམས་འདྲི་གནང་པ་རེད། གནས་ཚུལ་རྒྱས་པ་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ་གི་རེད།།