Tom qab uas Npuag Xauv Vaj tau kawm tiav electric and computer engineer nws kuj tau ua ntau yam hauj lwm tsis hais yog defence industry, gaming industry, telecommunication thiab energy industry. Mloog tau nws tej lus tham seb nws ho ua dab tsi thaum ua tej hauj lwm no.

Npuag Xauv Vaj tawm tswv yim tias ua ntej yuav ua ib hom lagluam twg yuav tau npaj dab tsi ua ntej. Thaib thaum koj ua luam ne koj yuav tau npaj dab tsi.

Vwj Thoj (Vue Thaow) uas yog ib tug pathology scientist thiaj mus kawm ntawv ntawm tebchaws Australia rau thaum ntxov xyoo 1970s thiab txiav txim siab nyob teb chaws no. Nws ho muaj kev txhawj xeeb dab tsi txog Hmoob tej hluas thiab Hmoob lub neej nyob teb chaws vam meej li teb chaws Australia no.

Vue Thaow qhia tias vim li cas nws thiaj tau Australia cov khoom plig centenary medal xyoo 2001.

'Tso qee yam tseg kom yus thiaj ua tau thiab raws cuag yus txoj kev npau suav'.

Vim li cas yus thiaj yuav tau tso lwm yam kom thiaj raws cuag yus txoj kev npau suav?

Ua kom tiav yus lub hom phiaj.

Michele Lis hais tias "Nyob teb chaws Australia no koj yeej ua tau tus neeg koj xav ua thiab tseem yog ib tug neeg Hmoob Australia. Yog koj muaj ib zaj dab neeg ces kav tsij qhia."

Muaj kev sib tu ncua dab tsi rau thawj phaum niam txiv Hmoob tsiv teb tsaws chaw tuaj nyob teb chaws Australia no thiab thawj phaum me nyuam Hmoob tuaj yug thiab loj hlob ua lub neej ntawm teb chaws Australia no? Sarah Thoj thiab niam (Chong Vang) Nchaiv Vaj Yaj qhia txog nkawv ob zaj dab neeg.

Dr Gary Lis Yia ntiag tug zaj dab neeg qhia tias vim li cas nws thiaj tuaj kawm ntawv ntawm teb chaws Australia, cov kev hloov nom tswv Nplog, qhov tseem ceeb ntawm cov kev kawm ntawv, vim li cas thiaj tseem ceeb uas yus yuav tau tsis txhob thuam yus Hmoob tej kab lis kev cai, txoj kev ua lub neej ntawm teb chaws Australia thiab tej tswv yim pab kom yus muaj nyiaj.