Լիաննա Առաքելյանը սիրով բացահայտում է թե՛ ակտիվ քաղաքների մշակույթը, թե՛ լեռների լռություննու բնության ուժը՝ ամեն անգամ վերադառնալով նոր փորձառություններով ու պատմություններով։Նրա համար ճամփորդությունը պարզապես տեղից տեղ տեղափոխվել չէ, այլ ինքնաճանաչման, ուժերի փորձարկման և նոր զգացողությունների ճանապարհ։
Լիաննան հաճախ է ճամփորդում ընտանիքի հետ և իր փորձառությունը լիարժեք կիսում գրեթե2 տարեկան որդու հետ՝ յուրաքանչյուր ուղևորություն վերածելով իրական պատմության։

Բացահայտել աշխարհը՝ մասնակցելով երիտասարդական ծրագրերին, որոնք միավորում են կրթությունը, ինքնազարգացումն ու ճամփորդությունը, հենց այս սկզբունքով է առաջնորդվում Ռազմիկ Մնացականյանը։

Նա  սիրում է ճամփորդել, այցելել տեսարժան վայրեր, շփվել տեղացիների հետ, ծանոթանալ նրանց մշակույթին ու կենսապերպին։ Երիտասարդական փոխանակման ծրագրերը հնարավորություն տվեցին սովորել նոր հմտություններ և վայելել յուրաքանչյուր ճամփորդություն՝ որպես  լիարժեք փորձառությունը։

Ռազմիկը «Միավորող կամուրջ» ՀԿ նախագահն է։ Նա համատեղում է կրթությունն ու ճամփորդությունը՝ հավատալով, որ երիտասարդ տարիքում ձեռք բերված փորձը ուղղորդում է նրան դեպի նոր արկածներ, ծանոթություններ ու զարգացում։

Գոհարը Ավետիսյանի տուրենեջեր է։ Սիրով և պատասխանատվությամբ է մոտենում իր աշխատանքին՝ օգնելով այցելուներին ճիշտ կազմակերպել հանգիստը՝ հաշվի առնելով նրանց նախասիրությունները, ցանկություններն ու ճամփորդական փորձառությունը։

Գոհարը սիրում է ճամփորդել, բացահայտել նոր մշակույթներ և կուտակել գործնական փորձ իր ոլորտում։ Այս փորձը նրան օգնում է ավելի լավ հասկանալ զբոսաշրջիկների սպասումները և առաջարկել իսկապես հիշարժան հանգիստ։ Նա հատկապես նախընտրում է էկզոտիկ ուղղությունները՝ ընտրելով յուրահատուկ և տպավորիչ վայրեր, որոնք կարող են անմոռանալի փորձառություն պարգևել։

Մարիամ Հովսեփյանի ճամփորդական պատմությունը սկսվել է երիտասարդական փոխանակման ծրագրից, որը դարձել է աշխարհը բացահայտելու նրա առաջին լուրջ քայլը։

Այսօր նրա համար յուրաքանչյուր ճանապարհորդություն պատմությունների, գիտելիքի և փորձառությունների կուտակում է, որը ժամանակի ընթացքում վերածվում է նոր գաղափարների, հիշողությունների և պատմելու արժանի բովանդակության։

Ճամփորդությունների ընթացքում Մարիամը հավաքում է հետաքրքիր փաստեր՝ տեսարժան վայրերի, ինքնաթիռների,ճամփորդության հետ կապված տարբեր օգտակար հնարքների մասին։

Ամեն ճանապարհ նոր պատմություն է, նոր հանդիպումներ ու բացահայտումներ։ Արթուր Զաքարե Հարությունն իր ճամփորդական ուղին սկսել է որպես միջազգային երիտասարդական ծրագրերի մասնակից։ Այդ ուղևորությունները նրան հնարավորություն տվեցին աշխարհը նորովի բացահայտել, ծանոթանալ նոր մշակույթների ու մարդկանց հետ, ձեռք բերել գիտելիք, հարուստ փորձ և միջազգային կապեր։  

Ռոզա Գրիգորյանը մանկուց երազել է ճամփորդել, և ճամփորդական հաղորդումներ դիտելիս հավատացել, որ մի օր ինքն էլ կքայլի այդ փողոցներով։ Այժմ տարվաընթացքում նա այցելում է մի քանի պետություն՝ բացահայտում նոր մշակույթների ու կենսակերպեր։Հատկապես գրավում է ասիական մշակույթն իր ավանդույթներով, փիլիսոփայությամբ և առօրյայիհանդեպ յուրահատուկ վերաբերմունքով։

Ռոզայի համար ճանապարհը պարզապես տեղաշարժ չէ․ այն զգացմունքների, տպավորությունների և ինքնաճանաչման շարունակական ընթացք է, որտեղ յուրաքանչյուր նորվայր բացում է նոր շերտեր։

Ժամանակակից աշխարհում ճամփորդությունը պարզապես հանգիստ չէ, այն զարգացման և նոր հնարավորությունների ճանապարհ է։ Վարդան Լաբլաջյանը եղել է 50 պետությունում՝ յուրաքանչյուր ուղևորությունից վերադառնալով նոր պատմություններով, նոր ընկերներով և մոտիվացիայով։ Նա մասնակցում է տարբեր երկրներում անցկացվող փոխանակման ծրագրերի։ Այդ ճամփորդությունները նրա համար ոչ միայն նոր վայրեր բացահայտելու հնարավորություն են, այլև գիտելիք, փորձ և միջազգային կապեր ձեռք բերելու կարևոր հարթակ։

Յուրաքանչյուր ճամփորդություն նոր պատմություն է, նոր զգացողություն ու փորձառություն։ Սյու Ավետյանը ճամփորդել սկսել վաղ տարիքից։ Նրա առաջին լուրջ ճամփորդությունը եղել է 17 տարեկանում, երբ քրոջ հետ մեկ ամսով մեկնել է Անգլիա ամառային դպրոցում սովորելու։ Ժամանակի ընթացքում ճամփորդելը դարձավ ոչ միայն հետաքրքրություն, այլև կյանքի կարևոր մաս։ Նա սկսեց ավելի հաճախ պլանավորել ուղևորություններ, ուսումնասիրել նոր ուղղություններ ու ստեղծել հիշողություններ։

Այսօր Սյուն իր փորձը ներկայացնում է նաև Instagram-ի ճամփորդական բլոգում։ Նրա էջում կարելի է տեսնել ոչ միայն գեղեցիկ կադրեր տարբեր երկրներից, այլև օգտակար խորհուրդներ, իրական փորձառություններ, ոգեշնչող պատմություններ:

Ճամփորդությունը ոչ միայն հորիզոններ ընդլայնելու միջոց է,այլ նաև ինքնաճանաչման ուղի։ Արսեն Գասպարյանի մանկության տարիների ամենամեծ երազանքնօդաչու դառնալն էր։ Թեև կյանքը նրան այլ ճանապարհով տարավ, բայց  նա գտավ  երկնքին ու օդանավերին մոտ լինելու իր տարբերակը՝ սկսեց ճամփորդել։ Օդանավերը դարձան ոչ թե նպատակ, այլ ճանապարհ դեպի նոր երկրներ, մշակույթներ և բացահայտումներ։

Անահիտ Բաբկենյանը ճամփորդել սկսելէ դեռ 18 տարեկանից, ինչպես ինքն է ասում՝ ճանապարհն ավելին է, քան քարտեզը, իսկ  ճամփորդությունը՝ ավելին, քան ուղղությունը․ այն տարբեր միջավայրեր բացահայտելու,նոր մարդկանց հետ ծանոթանալու և սեփական հնարավորությունները փորձարկելու միջոց է։Մի քանի տարի անց սիրելի զբաղմունքն Անահիտի համար դարձել է  մասնագիտություն և ոլորտում ավելի հմտանալու համար ուսումն այժմ շարունակում է Հայաստանի Ամերիկյան համալսարանի տուրիզմի բաժնում։  Անահիտը պատմում է, թե ինչպես ճամփորդից դարձավ տուր մենեջեր, հետո ստեղծեց սեփական տուրիստական ընկերությունը ևինչ է զգում, երբ արդեն պատասխանատու է ոչ միայն իր, այլ ամբողջ խմբի ճանապարհի, տրամադրությանու հիշողությունների համար։