Title -Kyun Lagta Hai / Dard-e-dil ka Darman

Written By @AshokSawhny Sahil

Recited By @Mehran Shah

#urdupoetrystatus #shayari #ashoksawhnysahil

Kyun lagta hai kabhi, koi sahara nahin hota

Tanhai mein apna, to guzara nahin hota

Gar aaina ke mukhatib rahe ajnabi har roz

Phir chehra dosto tumhara nahin hota

Dekhe hon jis chaman ne din bahaar ke

Woh khizan ki aamad se, sehra nahin hota

Zehan mein ho aalam gar shore o ghul ka

Misl-e darya phir woh gehra nahin hota

Khana badosh, khana badosh hi rahega

Qaafila to qaafila hai, hamara nahin hota

Khuftah kyun ho, utho subah ki raanayion ko dekho

Aankh khulne par hamesha savera nahin hota

Gar raushan rahe charaag batin mein ‘Sahil’

Phir shab ka yeh andhera, andhera nahin hota