Karl Felix Wolff ne se à nia inventè la liënda dl Rëgn de Fanes, mo l' à trascrita da testimonianzes orales che ël à coiü sö. La liënda è dër vedla, ala è n unicum, à carater mitologich y epich, vëgn da n tëmp dan dal tëmp. Prüma pert de n intervënt dla prof. Ulrike Kindl tignì a Ciastel Tor, dailò dal Museum Ladin a San Martin de Tor de messè 2024. Ulrike Kindl che vir a Maran, di alalungia professra de leteratüra tudëscia al Universitè Ca Foscari de Auneja, colauradëssa di istituc culturai ladins, scrituria de dejvalies libri che trata de leteratüra y mitologia, à dè n contribut scientifich essenzial por fa cunësc le valur y le significat mitich dles liëndes ladines. N program de Alessandro Dapunt