Le film por ladin "Le rëgn de Fanes" (48 min) è gnü fora tl ann 2005, produziun dla Lia Culturala Fanes, cun les musighes originales de Susy Rottonara, regia de Roland Verra, camera y tai de Hans Peter Karbon.

Chësc film pioneristich, amatorial mo de cualitè por musighes, conduziun de regia, conzet y belëza dles ripreses, raprejënta na tapa storica por la valorisaziun dl patrimone dles liëndes ladines da pert de auturs ladins. Le film, cun le sustëgn dla consulta ladina da Balsan, vëgn proietè tl filmclub a Balsan la jöbia 22 de mà y spo saral na discusciun cun i auturs, Susy Rottonara, Roland VeRra y HansPeter Karbon. Susy Rottonara te studio, cunta dl proiet. N program de alessandro Dapunt