Con la jent che rua man a man te noscia valèdes se smaora semper de più ence l trafich. N problem che va inant da egn ma che te cheste setemène l sosceda ence gregn cruzies e domanes en cont de la segureza te strèda. N rejonon col Comandant di Polins de Fascia Gianluca Ruggiero. Conduzion de Cinzia Pistoia

Le paur Markus Alton nes cunta te chësc program de sües bisces particolares.

N program de Sara Frenner

Per l cuinto iede mët i artisc dl’Unika ora si lëures alalergia, ti raions da ji a pè di trëi luesc dla valeda, pra la scumenciadiva IDEA Unika. Chëst’ann cun 10 scultëures, da mez lugio nchina mez setëmber. N paralel iel da udëi nce autri lëures, de ndut bën 46, di artisc dl’Unika tl cuntest dl proiet dal titul “46”. De chësta doi scumenciadives nes conta l presidënt dl’Unika Matthias Kostner. Conduzion Leo Senoner

A 100 egn da la despartizion dl popul ladin l'Union Generela di Ladins dla Dolomites met a jir ai 14 de messel te Ampez l Dì dla Unitè Ladina con referac sun i aspec storics, giuridics, linguistics-culturai y politics per meter al luster la conseguenzes dla despartizion. En rejonon con Elsa Zardini, pres. Union Ladis de Anpezo, Denni Dorigo diretor ICL Cesa de Jan e Giorgio Costabiei, president dla Lia di Comuns Ladins. Conduzion Anna Mazzel

Dal festival de poesia alpina d'aldedaincö, metü a jì dala Lia di Autores Südtirol SAAV (presidënta Rut Bernardi) a Porsenù de mà dl 2023. Nadia Rungger, da Gherdëina nasciüda tl'ann 1998, stüdi de germanistica y linguistica aplicada, è na scrituria jona mo bel scialdi cunesciüda. Ala presënta na racoiüda de 10 poesies nöies, por ladin mo ince cun la traduziun por talian y tudësch. Le test de introduziun ala racoiüda de poesies, da pert dl moderadù dl festival Mateo Taibon da aldì tla trasmisciun, è gnü scrit da Rut Bernardi, auturia dla rezensciun critica ales poesies di auturs dla ladinia. La SAAV à publichè cun l'editur Raetia, a cura de Rut Bernardi, Annetta Ganzoni e Gabriella Zanella le liber "festival de poesia alpina" de 347 plates cun dütes les poesies y traduziuns di 15 auturs dala Ladinia, Friul y Grijuns.

En sabeda ai 8 de messèl, sun Sass Pordoi, vegnarà portèda dant na sera de osservazion astronomica che fèsc pèrt de la lingia de apuntamenc "Canazei Campo Base". Per rejonèr de coche se pel spizolèr i eies sun ciel per ge vardèr a la marevea de l'Univers aron en coleament con nos Vincent Stambè, studious de Fisica e pascionà de vigni sort de steila. Conduzion Cinzia Pistoia

Tl turism da d’instà dolomitich tòl ite la roda na posizion for plu mpurtanta. Da atività sportiva o dl tëmp liede, ie la roda deventeda n fator economich strategich, che crësc da ann a ann y de chël che nosc turism se joa for deplù. Na analisa cun Ellis Kasslatter, consulënta per l setor dla rodes dl cunsorz Val Gardena Dolomites. Conduzion Leo Senoner

Le Sorvisc ai Jogn Val Badia pita tres sües ativites tratan le isté, n tëmp recreatif por nüsc mëndri, mo sambëgn ince n aiüt por les families.

N program de Sara Frenner

Ai 24 e 25 de jugn l'Union di Ladins de Fascia met a jir na raida a la Krimmler Tauernhaus, la utia olache i pitores fascegn del passà à lascià sia pedies. En rejonon col president Fernando Brunel che l'an passà ensema col vize president del Istitut Cultural Ladin Franz Dellantonio Tasin à depent su n tulin de la stua simboi storics e decorazions che rechiama la tradizion fascèna e na frasa per fascian. Conduzion Anna Mazzel

Le festival de poesia alpina, cun 15 auturs dala ladinia, Friul y Grijuns, è gnü metü a jì da pert dla Lia di Auturs de Südtirol (SAAV) de mà 2023 tla biblioteca nöia de Porsenù. Roberta Dapunt, nasciüda tl 1970, che vir cun süa familia a Ciaminades de Badia, scrituria aprijada a livel nazional che à publichè deplö libri de poesies, porta dant poesies da süa racoiüda nöia "l'Trebo". Le test de introduziun ala racoiüda de poesies, da pert dl moderadù dl festival Mateo Taibon da aldì tla trasmisciun, è gnü scrit da Rut Bernardi, presidënta dla Lia di Autores y auturia dla rezensciun critica ales poesies di auturs che vëgn dala ladinia. La SAAV à publichè cun l'editur Raetia, a cura de Rut Bernardi, Annetta Ganzoni e Gabriella Zanella le liber "festival de poesia alpina" de 347 plates cun dütes les poesies y traduziuns di 15 auturs dala Ladinia, Friul y Grijuns.