Prejentazion del projet de inovazion tel ciamp de l'educazion ret da la Fondazion Trentina per l Volontariat Sozièl cernù fora te duta la Tèlia anter la mior 10 “bona esperienzes”. En rejonon con Paola Rasom referenta del projet per l Comun General de Fascia e Cristina Donei per l'indrez de la scoles.

Conduzion Anna Mazzel

L filmfestival Dolomitale ruva chëst’ann a si segonda edizion. Dal 18 al 22 de setëmber sarà Gherdëina luegia y ancunteda de film y kino d’autëur cun la proiezion de truepa produzions, cuncorsc de films curc y documenters, ma nce forum de discuscion cun regisc y atëures. Ntervista cun l presidënt dla Dolomitale Lukas Pitscheider. Conduzion Leo Senoner

Te chisc ultims agn á la dozeja messü y mëss inant ponsé a alternatives tla pastorale dles cöres, por mancianza de proi.

Al é gnu lauré fora da referënc y responsabli deplü iniziatives, che an pro sëgn da atué tles cöres che n' á debojëgn. A San Ciascian éle bel da plü temp gnü metü sö i "Teams dla Pastorala", che se crüzia de funziuns desvalies dla cöra. A San Martin, Lungiarü y La Plí ti tochera sëgn da stëmber inant. Co ciarapa fora chëstes reformes?

Na intervista al degan Siur Iaco Willeit.

Conduziun Esther Videsott

L trafich sun la stredes de Gherdëina crësc for deplù, ma nia me per gaujes internes. Cieche crësc ie dantaldut l trafich, nce turistich, de pasaje. Na cundizion che ne ti va nia bën al turism de Gherdëina y ulache n muessa crì soluzions. Te studio Ezio Prinoth y Christof Vinatzer, presidënc dla lies de turism de S.Cristina y Sëlva. Conduzion Leo Senoner

Na trasmisciun cun le jobler, regist teatral y cabaretist Simon Kostner. L' artist da Corvara, un di püc profescionisc' ladins tl ciamp dl teater, sa co cuntè ai turisc' y jënta nia dl post dla liënda de Fanes y dles carateristiches dla ladinitè te sëres culturales che incunta n gran suzes. N program de Alessandro Dapunt

Recorc e endrez de la gran Festa da d’Istà de Cianacei che chest an compiesc 40 egn. En rejonon con Gigio Dantone e Diego Salvador. Conduzion Anna Mazzel

Edizion iubilara per l’Unika. 25 ani iel bel passà da canche la mostra dl’artejanat artistich de Gherdëina ie unì metuda a ji per l prim iede. A chësta esposizion particulera partezipea perchël nce truep cumëmbri che ne fej nia plu pert dla grupa. Dlongia i 32 cumëmbri atives saral nce da udëi lëures de bën 43 cumëmbri dl passà dl’Unika. Ntervista cun l president Christian Stl Holzknecht. Conduzion Leo Senoner

L raion dolomitich ie, mascimamënter ntan la sajons autes de turism, for plu mbusià. La stredes y vies de comunicazion plëines de auti y mesuns motorisei. Trafich y mubilità ie un di ponc plu critichs da afruntè y resolver al plu prësc. Cunsciderazions cun l njenier Helmuth Moroder, espert de mubilità. Conduzion Leo Senoner

L ladin tla letratura y manifestazions leteres. En rejonon con Rut Bernardi, conduzion Anna Mazzel

Le pröm teater musical ladin indô sön paladina!

Le ciastel dles stries de Angelo Trebo y Jepele Frontull röia do 52 agn indô n iade sön paladina a La Val: dai 16 ai 24 de agost 2019. Al se trata dl pröm teater musical ladin te forma scrita, gnü raprejenté le promu iade tl 1884 tal sta dal Casun a Biei a La Plí. Ti agn 1962 y 1967 é le toch gnü rapresenté a La Val y n valgönes cianties é tres ciamó dër presëntes tla leteratöra di cors y tl cianté popolar. Na intervista cun André Comploi, ideadú dl proiet, che á tles mans la direziun musicala y Sylvia Costabiei, presidënta dl'Uniun Teater La Val.

Conduziun Esther Videsott