مع زحمة الحسابات على منصة الانستغرام ادري صار الوضع يبيلة شغل اكثر مهم نعرف شلون نستخدم الانستغرام لجذب المتابع و و اخليه يتفاعل معاي علشان يقدر يشتري... حاولت في هذا البودماست اختصر عليك و عطيتك افكار شلون طريقتك لازم تصير لتقديم محتوى افضل يحفزهم يشترون منك، تذكر الموضوع يبيله استمرارية ماكو نجاح يصير اب يوم و ليلة بس انا متأكدة انك راح تقدر باذن الله. 

و لا تتردد انك تسألني اي سؤال في بالك على الدايركت راح اجاوبك اكيد 

@LAMYASOCIAL

في الوقت الحالي منصة الانستغرام مهمة لكل صاحب مشروع، بغض النظر اذا فيه منصات ثانيه بس ما نقدر ننكر وجود الانستغرام مهم و اذا عرفت تستخدمة صح راح تعرف شلون تبيع اكثر! في هذي الحلقة شاركتك بعض النصائح انا شخصيا طبقتها و شفت نتائج عجيبة ف حبيت اشاركها معاك. 

لا تنسى تتابع صفحتي على الانستغرام و تقولي رايك

@LAMYASOCIAL

رئيس الانستغرام، ادم موزيري، اعلن في شهر يونيو ٢٠٢٢ ان تطبيق انستغرام لم يعد تطبيق للصور فقط. 

في هذي الحلقة شاركتكم اخر التطورات للتطبيق و وجهة نظري الشخصيه عن الانستغرام و عالم المشاريع الصغيرة و المتوسطة اليوم! 

اسمع الحلقة للأخر و شاركني رايك  

@LAMYASOCIAL

كلنا تمر علينا لحظات نحس محنا قادرين نفكر اب شي مبتكر مختلف حق المشروع ! ودك في منتج جديد؟  تبي تسوي حمله بس تبيها غير؟! و لمن تحبس نفسك ساعتين بالمكتب تجبر نفسك على التفكير  تحس بس خلاص قفلت معاك مو قادر تتعب و تتضايق ! انا شخصيا وايد تصير معاي و الي يضحك وقت مثلا قبل ما انام او و انا بالسياره او و انا طالعه مو بالشغل تطلعلي الافكار العجيبه (متأكدة انت بعد صارت فيك) و سمعت نصيحه و صارلي مده قاعده اطبقها و حيل فرق معاي.. اسمع البودكاست للاخر و قولي شنو رايك.

الشغف" مو اجابه على سؤال ليش ابتديت في مشروعك ؟" الكلمه وايد نسمعها و متأكده صارت هذي الاجابه لان ماعندي اجابه ثانيه.. انت ك صاحب مشروع المفروض و لازم تفكيرك يكون اعمق من جذي.. اسمع البودكاست للاخر و قولي رايك

ليش مهم اكون انسان منتج ؟؟ سمعنا وايد مقالات و كلام شلون ازيد من الانتاجيه و ليش الانتاجيه مالتك قاعده تقل! بس ما عرفنا ليش مهم احرص اني اكون انسان منتج !؟

اهلا اهلا اكيد صارت لكم او حاليا انتو قاعدين تمرون اب هذا الشي! مع الهبه قبل بدايه السنه كتبت اهدافك الكبيره الي تبي تحققها خلال سنه ٢٠٢٢ و متحمس تتغير تصير للافضل! و اكيد و انت كنت قاعد تكتب اهدافك اكيد كنت حاط في بالك راح يكون فيه شغل على نفسك علشان توصلهم! و حزتها مابقى اكاونت ماتكلم عن الاهداف و اهميتها و لازم تكتب ف كان الطاقه و الحماس  من كل مكان ايييك ! ، و الحين بعد ٦ اشهر تقريبا من بدايه السنه..  بديت تقول الاهداف وايد كبيره علي ! او وايد صعب الموضوع علي ! ودي اصغرهم شوي، تحس انك متوتر مو عارف شنو لازم تسوي و خايف و مضغوط ! الحماس الي كان موجود صار ضغط و خوف اكثر ! شاركتك الحل السريع لهذي المشكله اسمعة للاخير و قولي رايك.